شاركيني لو مشينا دروب الهنا واعذريني لو لقيتي بدروبي عنا

البارت العشرين

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 20 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌻🍃

مُلاذ هزت راسها بنفي : بس قالّي اناديك
بُشرى وقفت وهي تبتعد عنهم ، عدَلت فستانها وشعرها وهي تتوجه له

فّياض يطقطق بكوب الماء ومصّوب انظاره على الباب
عقدت حاجبها اكثر من نظراته وهي تجلّس بجنبه : فيّاض ؟
فياض رفع نظره لها وهو يمرّرها على فستانها اللي من جلوسها ارتفع : أكرر كلامِي ؟
بُشرى صوبّت انظارها على ملامح وجهه : معصّب ؟
فياض بهدوء مرُيب : كم مرة قلت حرّم فياض ما تلبس هالفساتين
نزلت بُشرى انظارها لفستانها الاسود " القصير " بنظر فياض بينما هو تحت الرُكبة ، اخذت بشرى نفس وهي تزفره وعارفة ان معصّب من شي ولجأ لها وزادت غضبه بـ فستانها : كلهم حريم ورجّعت من المناوبة مستعجلة ما مداني اختار فستان لاني كنت بتأخر اخذت اي شي قدامي ، بدال ماتقول لي كلام حلو تعصب !
عضّ شفايفه بقوه وهو يرمقها ونطق بهمس حاد لما شاف مُلاذ رجعت المطبخ : البسي عبايتك بنمشي
بُشرى بذهول : فياض بتترك الرجال !
فياض وقف وهو يأشر لها : فيه غيري ، بسرعه بشرى
خرج فياض واتبعته انظار مُلاذ اللي لفت لبشرى بشبه قلق : عمي فياض فيه شي ؟
بشرى بلعت ريقها وهي تهز راسها بنفّي وابتعدت وهي تمسح وجهها بخفة وشبِه غضب وعارفه ان بيطلّع غضبه فيها ، رُغم انها عارفة كيف تمتص غضبه وتدعي ربها يسّلم
.

خرج فّياض وهو يشوف هجام وصّل مسكه من ذراعه لما شاف هجام يتجاهله : لا اسمّع انك مسوي شي !
هجام رمقه بنظره وهو ينفض نفسه منه ويتوجه لمجلس الرجال بغضب ، وقف خلفّه فياض وهو ينطق بهدوء وصرامة : زاد فضلّكم يا اهل الغَمـد ، مع السلامة
أشر له ابوه يخرج وخرج خلفه وبينهم ثنيان
ونطق الجد وهو يرمق فياض : حاصِل بينكم شي ؟
ثنيان هز راسه بنفي : عمي فياض تعبان من الشغل شوي يا جدي ، اتركه يروح انا اصير بداله بالمجلس
فياض شتت انظاره على وجه ثنيان وهو يشوف طرف حاجبه مجروح منه

.
فضّت المجالس الا من الاهل ، ابو يحيى وابو ثنيان
جالسين بجنب بعض وانظارهم على هجام اللي يتنهد شرار وناشِر الطاقة السلبية بينهم ، ويناظر للكل بدون نفس ومستثقلهم بشكل
نطّق الجد بهدوء وانظاره مصوبة على هجام : الحمدلله انك بينّت يا ولد يوسف
رفع هجام انظاره لـ الجد وهو يبتسم بغرابة ونطّق ابو ثنيان بجمود وانظاره على هجام : دام مافيه غريب ، ودام الكل عارف بالموضوع من قبل ارّجع واقول لك يا علي ، طالبِين القُرب من بنتك أميرة لـ ولدي هجام
عقد هجام حاجبه بغضّب وكان بيثور الا من يّد ثنيان اللي مسكت يده وهو يناظر له بجمود ويأشر له يقعد ، وثار هجام مكانه لما سمع ابو يحيى ينطق : وبنِتي تنتظر المِلكة يا ابو ثنيان
ابو ثنيان بابتسامة : ابوي يحدد المِلكة متى
هجام بسخرية : بتزوجوني غصب ؟
ثنيان وقف وهو مبتسم : نترخّص انا وهجام ، زاد فضّلكم يا اهل الغمد
سحب هجام الغاضب معه وهم يخرجون : لا تفكر تسوي شي غبي داخل !
هجام ابعّده عنه : ما اسوي عِند الرجال ، لكن وربي لاقلب اراضي اميرة واللي جابّها
ابتعد بغضب سريع وهو يدخل لداخِل متجاهل صراخهم
عن دخوله الهمجّي وصراخ ثنيان عليه ، كانِت انظاره عليها بس " أميرة " مو غيرها متجاهل اي ردة فعل بيسوونها بس اهم شي ما يغصبُونه عليها ، وقف امامها وهي واقفه بجمود وخوف بداخلها وغرور بخارجها ، وغمضت عينها بقوه من اثر الكف اللي انطبّع على خدها وصرخة هجام لها : لو عندك كرامة بس بترفضين شخص مدّ يده عليك الحين

عضت شفايفها وهي تسمّع شهقاتهم وركضت ملاذ لتخبّر امها ، رفُعت منيرة طرحة اميرة من سمّعت تنحنح ثنيان
وهي تعدل طرحتها كونهم ما يتغطون عن بعض !
مسّك ثنيان ذراع هجام بغضب وافلّت هجام يده وهو يرمق اميرة اللي رغم الدموع بعينها الا انها قادرة على انها تمسكهم ، اقتربت منه بهدوء والطريق اللي مشته له لو يشتعل بحريق لاحرقته ، متجاهلة دُخول الرجال وقفت امامه وهي ترفّع يدها وترجّع الكف له ، فتحت نجد عينها بذهول ونطقت اميرة بغضب وهي تأشر بسبابتها : ولو تظّن مجرد ظن اني بسكت لك لو مديت يدّك بتكون غلطان
ثار هجام ومسكه ثنيان بقوه وهو يرميه للخارج متجاهل نداء ابوه واعمامه ، ضروري يخّرجه الان من بين انظارهم والا راح تصير مذبحة
هجام بغضب وهو يحاول يفلّت من ثنيان : اتركني
ثنيان لوى ذراعه وهو يمشيه وصرخ هجام : ماني واحد من مجرمينك يا ثنيان
مشى فيه لما اقتربوا من السياره وابعّده وهو يلكمه بعنف وصرخ في وجهه : من متى الحرمة تنضرب يا ** !!! من متى ؟

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻