شاركيني لو مشينا دروب الهنا واعذريني لو لقيتي بدروبي عنا

البارت العاشر

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 10 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌹🍃

نجد : هتان وجع !
هتان بغضب : شنو شنو ؟ لا يكون تسكتون لها بكل مرة بتنطق ؟ شوفي عاد سكت لها كثير تقط علي حجي بس ما ندمت على اي حرف قلته ، زوجة عمك شفتيها شلون انقلبت الوانها ؟ حسيت الكلام يمسني والله !
نجد : بس مو كذا هتان عمرنا ما نتدخل بكلام الكبار ودايم سافهينها
هتان وهي ترمي حجابها : عاد اذا انتو تسفهونها شي راجع لكم انا ماقدر اسكت عن الحق !
.

التفت فياض لبشرى اللي فزت واختفت من انظاره ووده يخرج خلفها لكن امه ماسكته ، نطقت الجدة وهي تمسح على راسه : يمه روح لبشرى الظاهر انها متضايقة
فياض بجمود : السبب ؟
سكتت الجدة والتف فياض اتجاه حصة اللي قاعده ببرود وبملامح زعل ، وقف فياض وهو يخرج من المكان
قامت ملاذ مع منيرة من حسوا ان المكان اكتض بعيال عمومهم .
ثنيان وهو يشتت انظاره على الصالة يبحث عن نجد نطق من جلس جنب امه : وين نجد ؟
ام ثنيان بهدوء : راحت مع صديقتها داخل صارت شوشرة هنا
ابتسم بسخرية وكأنه عارف السبب من مين : اها

.
فيّاض خرج وهو يشوف طيف بُشرى ، احتضنها من الخلف بعد ما قبّل كتفها : عيونك لا تمطر لا امطرت تجيب رعود وبروق
بشرى بلعت ريقها وهي تبتسم من الفاتها : ما امطرت للحين انتظر صبرّي يكتفي
فياض قبّل عيونها : من محِزن بشرى حياتي ؟
بشرى : لا محد عادي
فياض : علي ؟
بشرى مسكت يده : بعدين يا فياض ، خلينا ندخل
دخلوا وهم يسمعون الاصوات تتعالى ما بين حِصة اللي شكت لعيالها كلام هتان ، وكلامهم وشتمهم لها
وابو ثنيان وثنيان اللي يحاولون يفهمون الوضع ويهدونه
حصة صرخت وهي توقف : لا جبتو لنا غريبة تطاول علينا ! ولاهي من عاداتنا ولا من مواخذيِنا ذيك الساعة لا تسالون سبب غضبنا
ابو ثنيان : وياحصة من متى نشتم ضيوفنا !
الجدة نطقت بغضب : الحق ينقال يا حصة ، انتي بديتي معاها وكلامك لبشرى ما له داعي !
حصة : وانتي يا يمه صافّة مع الغريب ضدي
الجدة : صافّة مع الحق
حصة بغضب مشتعل : هو شايفين اسلوبها وشكلها ؟ اسلوب شوارع
ثنيان صرخ بغضب : لا يا عمة لا !!
أحمد " احدى اولاد حصة " : وشبك انت الثاني؟ داسوا لك على طرف
ثنيان بغضب : الكلام اللي يمسها يمسنّي قبلها ! وما برضى تتكلمون عن خطيبتّي بهالشكل!
ساد الصمت بجميع المجلس واولهم امه وابوه ! وهتان اللي سمعت كل الحكي بفزعة !

.
قعدت من النوم وهي تناظر السقف لدقايق ، ما تحركت
من فراشها ابداً من بداية استيقاظها كامِلها كسلان ويسترجع احداث قديمة وأهمها حدث الشهر الماضِي
.
رجعت البحرين بالأمس بعد ما انتهت امتحاناتها ، ومن بعد خروجُها من بيت جد نجِد وهي حالفة ما تكرر جيّتها
كفاية تفشيل وكفِاية ذم لاجلها .. نِزلت للمطبخ وهي تشغل الغلايّة واستندت على قاعدّة الطاولة وهي تفكر عن ما حدث قبَيل الشهر في بيت الجد لحظة ما نطق ثنيان امام الملأ بانها تكون خطيبته !
.

" قبل شهر - بيت الجد "
ثنيّان بغضب : الكلام اللي يمسها يمسنّي قبلها ! وما برضى تتكلمون عن خطيبتّي بهالشكل!
ساد الصمت بجميع المجلس واولهم امه وابوه ! وهتان اللي سمعت كل الحكي بفزعة !
ضحكت بسخرية والوِد ودّها تكسر راسه ، نطقت بغضب وهي جاية بتتقدم : خوش والله ، هذا منو يحسب نفسه !!
نجد ركضت لها وهي فاتحه عينها ع وسعها : هيي هيي بنت لا
هتان ابعدتها : شنو لا شنو ! ما تسمعين المجنون اخوج شقاعد يقول !
ابتعدت عنها وهي تخرّج بعد ما سحبت اغراضها ، كامل مشاعرها مندفعة الان بأنها تفشله قدامهم ! لكن احتراماً لنجد فقط تراجعت
نجد وهي تسحب جلالّها : هتان انتظري
هتان بغضب : برجع السكن نجد لا تلحقيني
.
حِصة بسخرية ضربت كفوفها : ماشاء الله ، وخطبتوا واحنا اخر من يعلم
ام ثنيان بهدوء : واحنا الظاهر صرنا من الغير معلومين
ثنيِان غضب وخرّج وخلفه فيّاض ..
خلل ثنيان يده بشعره بعد ما رمى شماغه داخل سياره فياض وهو يستوعب كمية الغباء اللي تركّه يخطّي خطوة كبيرة مثل ذي !
فيّاض بهدوء ربت على كتفه : انا وانت عارفين وش تفكر
ثنيان بترديد : غبي غبي ! قِلت كلمة مسؤول عنها امام الجميع ! وبدون تفكير
فيّاض اشر له ع كبوت السيارة : استريح
استند ثنيان بدون تفكير وهو يهز رجلينه بتوتر : زي ما دخلت نفسي ، وُجوب اطلعّها
قاطّع حكي فياض خروج هتاّن الغاضِب وخلفه شرار
فياض عرفها مُباشرة انها المقصودة ، بسبب اختلاف لبِس جميع بنات اخوانه ، ولأنها كاشفة !
فتح عينه بذهول من شافها لمحتهم وتقدمت تجاههم بغضّب !

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹