🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 136 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌷🍃
ثنيـان تعدل بجلسته وهو يدفن راسه بيدينه لجل ماتشوفه فاطمة : تعبان ياجدة بس لا تخافين علي !
مسكت وجهه وهي ترفع بصعوبة من رفض ثنيان بانها تلف وجهه جهتها وتشوف دموعه : ياجدة تكفين
قاطعته فاطمة بحدة : ثنيـان !
عض شفايفه وهو يشوف نظراتها .. بدأ يحس بالرجفة واحمرار اذنيه ووقف وهو يبتعد : تكفين ياجدة لا تضغطين اذا تحبيني ابوس يدينك ما تضغطين
بكت فاطمة من حاله : ياويل حالي يا يمه .. تعالي يابعد دنياي اخبيك عن الدنيا
مسح دموعه اللي نزلت بغضب من نفسه وهو يرجع لها بانكسار .. حالياً مايحس نفسه رجل الـ ٣٠ عام .. والعكس يحس نفسه ولد صغير هزأه ابوه واحتمى بجدته من وحشة الدنيا وضرب ابوه له !
,
-
الصبـاح .. بالمركـز تحديداً مكتب فيـاض
دخل ثنيان بخمُول وتعب .. وعيونه توصف كل مُر يعيشه ضرب التحية بهدوء لفياض وماله نفس شي بتاتاً
رفع فياض راسه لثنيان اللي طلبّه يجيه وانذهل من شكله ووقف بفزع وهو يمسك جسمه من حس ان بطيح : ثنيان ، اسم الله عليك شفيك ؟
فتح ازرار بدلته الاولية وهو يشوف فياض يمد له كاسة الموية اللي سكبها له : سم
ارتشف شوي وهو يمسك الكوب : معليش بس الدنيا أظلمت فجاة
فياض بشبه غضب على اهماله : اصطلب يا غبي , مب نايم صح؟
شتت ثنيان انظاره بتعب : جفاني النوم فياض , لا تضغط انت بعد وكأنك ماتعرف !
شد فياض على كفه بغضب شديد ووده يكسر هتان واللي جابها بطريق ثنيان بسبب اللي يشوفه في ولد اخوه وصاحب عمره !
شتمها بداخله بقهر كثير عليها وسرعان ما استغفر وهو يمسح على وجهه ويرجع يجلس مكانه : ودك تطلع اجازة ؟
هز ثنيان راسه بنفي مباشر : لا ، لا تفكر حتى ممنون من حالي كلها كم يوم وارجع لا تخاف بس لا تكتب !
فيـاض : روح غسل وجهك طيب وبطلب لك اكل بعدها نبدأ شغل
هز ثنيان راسه وهو يوقف .. راقبـه فياض بتوتر عليه ومن خرج لف لاتصال فاطمة له
فياض بهدوء : سمي يمه
فاطمة : سم الله عدوك .. ثنيان بقربك ؟
فياض : توه خارج من عندي ، يمه بسالك
فاطمة : قول يا يمه
فياض : ثنيان كان معاك امس ؟ وراه ما نام يمه والله لو تشوفين حاله
فاطمة زفرت بقلق : رفض ما تعرف ثنيان انت ؟ وفوقها أصر الا يداوم !
فياض بحدة على طاري هتان : تكفين شوفي سالفة زوجته المهبولة ذي .. هبلت بولدنا وهي عايشه هناك حياتها
فاطمة بشبه غضب عليه : لا تقول كذا وانت ماتعرف اللي حاصل ! مانقدر نحمّل المسؤولية لها وممكن ثنيان السبب
فياض : يمه مستحيل ! , شايفه حالة ثنيان تبين ان هو السبب ؟ والله اني اعرف ثنيان مثل ماعرف نفسي مستحيل منه ولو منه كانن ما سكت وبادر لكن يايمه من نسأله يقول الله يستر عليها ! وش يعني يا يمه ابوس يدينك
فاطمة لوت شفايفها بهَم : انا اشوف الموضوع خلاص .. انتبه له
.
بغُرفـة هجام وهِتاف .. دخل الغرفة وهو يشوفها تعدل شعرها بهدوء ومن لمحته تغيرت نظرتها وبدت تتجاهله
زفـر بهّم وهو يرمقها بنظرات هاديِة .. ويركز بتفاصيل وجهها ويقارن عن الخمس سنين اللي مرت ..
نطق وهو يرمي الكاب بحنية : ممكن تجهزين لي ورد ؟ بطلعها معي
هتاف ابتسمت بحقارة ونطقت : اسفة مشغولة وتاخرت على شغلي .. لازم الحق والا بنطرد بعدها
ناظرته بابتسامه خبيثة وهي تلف طرحتها وناظرها هجام بنظرات فهموها على بعض .. هز راسه ونطق بهمس : ماشي
خرج وهو يشوف طيف بوجهه خرجت من غرفة ورد : ورد صاحية؟
طيف ابتسمت : الناس تقول صباح الخير بالاول ؟
ابتسم هجام بمجاملة : صباح الخير .. ورد نايمة والا صحت؟
طيف : صحت ونزلت حتى تفطر مع ابوي
هز راسه وهو يبتعد عنها وينزل وعقدت حاجبها من تصرفاته .. شتت نفسها وهي تتجه لغرفتها
-
نزل هجام وهو يشوف ورد ببجامتها تفطر كورن فلكس بقرب ابوه اللي يشرب الشاي ولابس نظارته يقرأ الجريدة بالايباد !
هجام : صباح الخير يبه
اقترب وهو يقبل راسه .. ودنى لورد وهو يبوس خدها : كيفك بابا ؟
ضحك من حضنته : بابا قود مورننق
هجام جلس وهي بحضنه : قود مورننق يالامريكية ، شرايك نطلع نروح الحديقة مع بعض ؟
ورد صفقت بابتسامة : اوكي
ضحك وهو يبوس خدها بعدم تحمل للطافتها : يا بعد دنياي انتي
انتبه لابوه ونطق بهدوء : يبه تجي معنا ؟
نزل يوسف نظارته : وين ؟
🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
