شاركيني لو مشينا دروب الهنا واعذريني لو لقيتي بدروبي عنا

البارت 88

💐🍃💐🍃💐
🍃💐🍃💐
💐🍃💐
🍃💐
💐 88 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 💐🍃

لفت له وهي تبتسم له بخذلان : حلو والله اللي تبيه هي صار ، ومن اول هوشة بيننا طردتني ؟ حلو
رفع ثنيان عينه لها بغضب على تحليلها الغبي وتصديقها
هتان ابتعدت بقسوة وهي تسحب اغراضها وترميهم بشنطتها : وانا بسوي اللي قلته برّد البحرين
ثنيان وقف بغضب وهو يصرخ : هتاننن لا تنسي انتي اللي قاعدة تقطين كلام وانك متحملة العيشه معي ماهو انا .
مسكت يده اللي على ذراعها وهي ترميها بغضب : ماتت هتان ماتت
ثنيان رجع مد يده يمسك ذراعها وسحبها لحضنه وهو يحتضنها وسط رفضها ومحاولتها بالابتعاد ، شد عليها وهو مغمض عينه ونطق بحده مخيفة : لا تتحركين هتان وقفي
هتان بهمس مقهور : مابي بعّد عني ثنيان مابيك
ثنيان بقوة : طيب اسف ! اعتذر
هدأت حركتها وهي تنزل انظارها للاسفل وتصفّن
بلعت ريقها وهي تشوفه ابتعد عنها وخرج من الجناح بأكمله رمت اللي بيدها بغضب من نفسها وهي تشتم حصة بأقوى ماعندها من فرط الغضب اللي تشعره وبسبب النتايج اللي سببته ..

-
نجد وقفت بفزع وهي تشوف ثنيان ينزّل بسرعه من الدرج ووقفوا معاها فاطمة وام ثنيان من شافوه
تقدمت ام ثنيان بخوف من وجهه المُحمر بينما نجد ركضت للأعلى بفزع وخوف على هتان ..
ام ثنيان مسكت صدره وهي توقفه : ثنيان وقف وش فيك
ثنيان وهو يتنفس بسرعه : يمه ابعدي الحين
فاطمة بتهدئة : وين يا ولدي بتروح ! اجلس واستهدي بالله صار سوء فهم بس
ثنيان غمض عينه خايف من نظراته عليهم ونطق بهدوء مرعب : اتركوني لحالي ماودي ازَعل احد
فتح عينه وهو يناظر امه مسك يدها وهو ينطق بحنية : والله ما اسوي شي بخير انا بس احتاج اتنفس
فاطمة تنهدت وهي تاشر لام ثنيان وخرج ثنيان من عندهم مسرع ..
-

نجد طقّت الباب ودخلت مباشرة وهي تشوف هتان جالسة ع الجوال وتحاول تشتت تفكيرها عنه
نجد بحزن عميق عليهم جلست : هتان ياعمري
لفت هتان بكسرة لها وبكت مباشره من احتضنتها نجد : اسف لك منهم
هتان ببكاء : خلها تسبّني مايهم بس لا تسبّ اهلي والله تعبت منها
نجد وقفت تسكب لها موية وتقدمت وهي تمده : اهدّي ياقلبي عمتي مريضة من يومها احنا ما تركتنا تجاهلي
تركت هتان الكاس بغضب : لا مابتجاهل !! اهلي خط احمر نجد .. اذا ثنيان ما يقدر يوقفها انا بوقفها واذا محد راضي يوقفها مني لهالقد عاد
نجد بخوف : وش يعني منّك لهالقد !
هتان بقسوة اشرت ع شنطتها : مني لهالقد يعني بح ! انا مستعده ادوس ع مشاعري ع حساب كرامتي ! ابوي واهلي خط احمر
نجد مسكت يدها برعب من فكرة الفقد والانفصال : هتان شتقولين انتي استهدي بالله ! انا متأكدة ثنيان مستحيل يسكت عنها
هتان بتأفف : متى نرجع الخُبر ؟
نجد : اليوم بالليل
مدت يدها تمسح وجهها وتمسكه : هتان انتي اختي قبل تكونين صديقتي ! لا تتركينها تعكر مزاجك
هتان : لا تهتمتين نجد دام غيرك ما اهتم
وقفت وهي تنهي النقاش وتنهدت نجد وهي توقف وتخرج بصمت بحزِن رفعت انظارها لحصة اللي خرجت وهي تسحب حقيبتها سكتت وهي تبتعد من انظار حصة
وتدخل غرفتها
,

في الخُبر عند بشرى ..
خرجت من القسم متوجهه لقسمها واستغربت من حركة غريبة موجودة بالقسم !
مَررت أنظارها على المكان وهي تخرج يدها من روبّها وتخرج جوالها بخوف من شافت سُكون القسم !
بلعت ريقها بشكل مُتتالي وهي تحس ركبّها تنتفض بخوف من الشعور .. دورّت على اسم فياض وهي تتوجه الى رسبشن المستشفى بركَـض سريع وتوقفت وهي توسع عينها برُعب ذب بقلبَها من شافت رجّل واقف
ببداية المكان وبقربها يهدد بالسلاح والعساكر منتشره وموجهة الاسلحة حوله !
بردت ملامح فياض من شاف الرجل يصرخ وسحب دكتورة بين يدينه عقد حواجبه لثواني وانفكت العِقدة من استوعب انها بشرى !

صرخت من حست انها تحت يدِين الرجل اللي فاقِد عقله ! ويصرخ بدون ما تفهم طلبه حتى !
كان يرجِف وخايف لكن يهدد ومُصر يهدد .. سقطت عينها بدموعها على فياض اللي يرجف بغضب وخوف عليها وصرخ : اتركّها وسلّم حالك لان بالحالتين ماراح يسلم لك عظّم !
اشر فياض بالسلاح تجاه راسه بعدم خوف : والله افرّغ السلاح براسك .. اتركها !
التف عزام لفياض اللي يرجف بكلامه وغضبه ونطق : استهدي بالله فياض !
تجاهله فياض وهو يتقدم بدون خوف لـ السلاح اللي موجه الرجل ويصرخ : لا تقرب ! بطلّق عليك وعليها لا تقّرب

💐📚 @storykaligi 💐📚🖋
🍃💐
💐🍃💐
🍃💐🍃💐
💐🍃💐🍃💐