شاركيني لو مشينا دروب الهنا واعذريني لو لقيتي بدروبي عنا

البارت الثامن والثلاثين

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 38 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌷🍃

" قِسم الاستخبارات "
دخـل غرفة المديِر وهو يناظـره بهدوء وبرود على ملامحه جلس ورجلينه متمددة ع الطاولة ، متجاهل صراخ المدير عليه : اقولك اسمّع كلامهم تقوم تكسره ؟ وتكسِرهم !! ناوِي تودينا للهلاك انت ؟ اقولك لا تتدخل للعصابة تقوم تدخل ! بيبدأ شكّهم يا مجنون ! ثنيان يقدر يدبّر عمره لا تنسى انه عسكري قبل يكون هنا عندنا بالجمارك !
وقف الليث وهو يدلّك راسه بألم : اقول وفّر كلامك لوقت ثاني ، تو مخلّص من نباح لا تدخلني بنباح ثاني راسي يوجعِني سلام
خرج من المركز ببرود وهو يسمع صراخ المدير عليه
برودّه يجلط الجميع .. وتهوّره ممكن يودي الكل بداهيِة ! لكنّه يلزم على شغِله ، مِثل العصابة واكثر رُغم خطورتها ورفض الجميع لدخوله .. ترك كلامهم ينضرب بالحيط ودخلّها ، ما سكتوا عنه الا لما اعطاهم
معلومات مُهمة عن العصابة ! قادِر بأن يلعب ع الحبلين بدون شك اي مِنهم ، رئيس العصابة يثِق فيه وتاركّه ذراعه اليمنُى وماهو عارف بأن الليث نفسه هو اللي يوصل المعلومات للمركـز وتتكنسِل اغلب عملياتهم !
الليث ماهو استخباراتِي عادي مثل ما يظنون ! الليث داهيِة .. يلِعب فيهم مايلعبون فيه ولأن يعِرف ثنيِان اكثر من نفسه وعارف حياته وعملّه ما رضى يترك اخته العزيزة على روحه تعيش الرُعب اكثر لجل هالسبب تركّها رغم ان عارف بخطوره الشي وعارف ان فيه او بدونه يقدرون يوِصلون لـ ثنيان .. ويدّعي ربه مثل ما ساعده قبّل يساعده الان ويكشف مخططهم الجديد لثنيان قبّل يأذونه
.
العشا ,
من لحِظة دخـول فياض لبشرى وبيده رضيعه ووضعها بيدّها واختفى من انظارها ، للحظتها الان وهي تهدي الطفلة بأحضانها وتشعر بتوتر فضيع ورغبة بالبكِي
لان لهالساعه ما جاها توضيِح من فياض اللي خرج !
رأفتها ورحمتها مستحيل تترك الطفلة بهالبكاء ودارّتها من وصلت رغم الشكوك ، وتنتظر نفِي فياض
فزت من سمعت صوت المفاتيح رغم رغبتها القاتلِة في توضيحاته الا انها ادعّت الانشغال بالطفلة
جلّس وهو يتنهد : يا الله
وصدّت بشرى عنه بقصد وهي تناظر ملامح الطفلة النايمة بحضنها ، ابتسم فياض رغم تعبه وهو يشوف لاول مرة طفلة بأحضانها بهالشكل !
بشرى بلعت ريقها وهي ودها بأن ينطق بشي يريحّها
يوقف انتفاضه يدها ، ويسكّت ظنونها .. شي يطمنّها !
فياض مد يده يمسح بأصابعه على خد الطفلة : ماودك تعرفين من هي؟
بشرى التفت له ونطقت بحزن : بنِتك؟
هز راسه بهدوء والابتسامه على وجهه 
وسقطت دمعة بشرى وهي تنطق بعتب مباشر : ليه !!
ضحك فياض على ملامحها وهو يتقدم ويقبل عينها : يافديت هالعين ، امزح
بشرى كشرت بوجهه وهي تمسح دموعها بعنف : وجع فياض !
فياض بلع ريقه وهو كاتم ضحكته على ملامحها : اجل مين ؟
فياض : بنت زميِلي بالدوام ، اهله واهل زوجته بالديرة وحرمته عمليِتها المفترض تكون بكرا لكن اضطروا يسووها اليوم ، وطفلتهم ماودهم يتركوها مع العاملة وضايقه فيه الوسيعة وانا طلبت منه اخذها
ابتسمت بشرى بهدوء وهي تناظر الطفلة : وش اسمها؟
فياض : بشرى
بشرى التفت : هلا؟
ضحك فياض : عقلك ماهب براسك اليوم ؟ ، اسمها بشرى!
بشرى ضحكت بسخرية : اقول عن الاستهباال سكتلك عن الاولى بس لا تعيدها ترا سامج
فياض مسك وجهها وهو يناظر عينها ومبتسم : وربي اسمها بشرى ، ليه بس انتي عندك هالاسم يعني ؟
ابتسمت بشرى بتوسع وهي تحتضن الطفلة : يوه يالصدفة
فياض تنهد وهو يستند : صار عندي بُشرتين
ابتسمت بشرى بحزن وهي تقوم لجل تترك بُشرى الصغيرة على سريرهم ، دخل فياض خلفها وهو ينطق : الحين لهالدرجة الثقة ماش لجل تظنين فيني اني متزوج عليك ؟ كم مرة قلت لك اني رُغم حبي لهم الا ان اذا ماهو منك مابي ؟
كتمت بشرى غصتها وهي تجلس بحافة السرير : وانا ادري انك متشّفق ع الولد ! ليه ما تتزوج فياض
تأفف فياض من السيره وهو يترك ساعته ع التسريحه بغضب : رافِض نعرف السبب من مين لجل ما تكثر تخاريِفهم ويكثر هرجهم على قلة سنع
بشرى : ماهم بدون شي كاثر هرجهم !
فياض خرج بغضب من الغرفة ومن هالسيرة ، بكل شي يخص الطفل نقطة ضعف قوية لبشرى !
ومن اول ما حسوا بأنهم تأخروا في الانجاب رفض يعرف من مين لجلها ! كون عايلّتها فيهم نسِبة من العقم عكسه ! ولجل ما يعايرونها اكثر ، لدرجة ان تارك اهله بأكملهم مصدقيِن ان العيب منه ، خوفاً وحِرصاً عليها
لجل ما تتأثر لكنّها تنهار مباشرة ، مهزوزة بشكل امام الجميع

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷