شاركيني لو مشينا دروب الهنا واعذريني لو لقيتي بدروبي عنا

البارت 113

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 113 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌻🍃

شافها غاطّة بنومها ونزل نفسـه لها وهو يتأملها بصمت
ابتسم بخفة ودنى لها وهو يقبّل خدها لثواني وابتعد : يكفيِني انتي يابعد الدنيا
ترك رسالته وخرج من الجناح يدعِي لها الثبات بعد الصحوة , وفيه شي بقلبـه تاركه يتردد الروحة ..

.
بعَد الفجر ..
صحت هتان وهي تحِس بتكسير جسمها بأكمله من نومتها بالوقت الغلط وصحوتِها بالغلط ذاته
دخلـت تاخذ شور تصحصح فيه وتحاول تبعد الكسِل تماماً وهي تظِن ثنيان مستلِم بهالوقت لذلك عدم وجوده طبيعي وماشكِت بأي شي لحد هاللحظة خرجت وهي تسحِب جلال الصلاة وتصِلي صلاة الفجر
سلِمت من صلاتها وانتبهت للورقة اللي فوقها كوب ماي
مثبِتها .. وقفت بجمُود وعقدة حاجبها وهي تمد يدها للورقه وسحبتها , رجف فكّها مباشرة لما طاحت عينها
لـ اسم ثنيان
-
انكتمِت أنفاسها وانهارت مباشرة من رساله الوداع اللي كتبها ! من رسالة الموت بالنسبة لهتان .. سقطت على ركبها من حست بعدم قدرتها على الوقوف أكثر وهي ترجع تقرأ الحروف بعدم تصديق ورجفة يدينها واضحة وجِداً
هتان مسحت وجهها وهي تحس من صدمتها ما نزلت دمعتها رغم انهيارها الداخلي ! تقاوّت على نفسها وهي تمسك الجدران لجل ما تطيح وتخرج من الشقة وبيدها الورقه !
نزلّت بعدم قُدرة وتصديِق , كان الكل مجتمع تحت بعد الصلاة وبداية تجهيز الفطور لعبدالله اللي من طقوسه وأساسيته اللي مستحيل يغيرها هو الفطور بعد الصلاة
سقطت انظار هجام عليها وصّد مباشرة ووقفت طيف بفزع من سقطت هتان مباشرة على الارض من نزولها لاخر درج ووجها خاليِة من الحياة

سمَت فاطمة وهي تقترب منهم بخوف وسط استغراب الكل وتساؤلهم !
عبدالله برعُب عليها : وش فيها البنت يافاطمة
فاطمة مسكت وجهها وهي تحتضنها من فهمت مباشرة ونطقت هتان : محد قالِي , ثنيان مب هني ثنيان راح يموت
عبدالله بفزع : استهدِي بالله يا بنت ! راح لخدمه وطنه
خرج هجّام من بينهم من عرف ان مو بوعيِها خروجها بهالشكل امامهم !
ام ثنيان خرجت من المطبخ وهي ترجف : شصاير هنا
فاطمة مسكت يدها تقوّمها : هتان يابعد حيي انتي قومي
نفضت نفسها منهم ونطقت بقوة راجفة : تدرون ؟ ثنيان بيموت وانتو سامحين له
نزلت نجد وانصدمت من اللي حصل وسارعت خطواتها : هتان !
طيف بهدوء : الولد قبل تتزوجينه يروح مُهمات , دعواتك اتركيها معاه دوم ولو ربي اختاره فنيالّه.
هتان بهدوء مخيف : الله يحرق قلبج
نجد رجفت من دعوتها ومسكت ذراعها : تعالي نصعد هتان
هتان ابتعدت عن نجد وهي تصعد بعد ما رمقتهم بنظرات دامعة : خايفة انكم تجربون اللي مريتّه وسهولة الوضع عندكم تنقلب !
طيف زفرت بعمق وهي تخرج من بينهم , وصعدت نجد بخوف خلف هتان من شافتها بكت من ابعدت عنهم
دخلت هتان شقتها بدون تسكر الباب ودخلت نجد خلفها وهي تفرك كفوفها ، تخاف تنطِق وهتان ما تسكت لها .. وتخاف من سكوت هتان رغم رجفتها ولونها اللي شحّب و متاكدة انها ما استوعبت لحد هاللحظة !

نجد تقدّمت وهي تحتضن هتان من لفت لها وشدت هتان عليها بقوة غريبة , قوة كبيرة لدرجة ان نجد حست بتتكسر ضلوعها من شدة هتان !
ثوانِي بس وانهارت هتـان , انهارت لدرجة انها ماقدرت توقف وطاحت على ركبها ولازالت بحضن نجد اللي حست بالدموع تطيح بدون ما تحِس : هدّاني نجد هدّاني بدون اشوفه واسمع صوته ! هدّاني وهو عارف اكرهه الوداع يعرفنِي أخافه نجد لكنه سوّاه انا ماقدر اعيش بنفس الجرح مرتين تعبت نجد تعبت
طبطبت عليها نجد وهي تمسح دموعها بطرف كمها : ياروح نجد وحياتها انتي , تكلمي لا تكتمين دخيلك
ابعدت هتان وهي تستند على الجدار بجلوس ومسحت دموعها بضحكة : تدرين شنو اللي يعور اكثر ؟ اني مب قادره اتكلم
سكتت لثواني واكملت : تعودت الكتمان
ضربت على صدرها : ابي اصيِح عشان ارتاح , ابي اصرخ عشان ارتاح لكن مب قادره ! كل شي كاتمنِي نجد كل شي مب مصدقة ان اقصاه تارك لي ذي الرساله !
نطقت بضعف : مابي الرساله انـا أبيه هو !
نجد بتوتر : قلتي انك تكرهين الوداع , وقلتي انك ماتقدرين تعيشين الجرح مرتين ؟ فيه شي ماعرفه هتان ؟
هتان بتعـب : لأن الـوداع ياخـذ اللي أحبهم نجد , ماخلالِي أحـد تخيلي
نجد سكتت وجات هتان بتتكلم والتزمت الصمت وهي تعض شفتها من حسـت بألم ببطنها
نجد تقربت وهي تمسك يدها اللي على بطنها : فيك شي هتان ؟
هتان هزت راسها بنفي : ابي ابوي , محتاجته حيل

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻