🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 157 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
تركت اللاب بتأفف وعينها على غرفة بنهاية الممر وبقرب الدرج ، صارو حتى الغرف منفصلين فيها عن بعض !
وعاذرته بسبب الحالة النفسيِة اللي يمر فيها ، ولاصوات الصراخ اللي تصدر بنهاية اليوم !
مايشوف احد ، وهي ماتخرج لاحد وتوترها وخوفها عليه بأن يسوي شي يؤدي لحياته !
زفرت وهي تحاول تنتظم بانفاسها وتوقف بتتقدم تشوفه ، حتى لو صرخ وحتى لو عصّب ! مستحيل تتركه بأصعب الاوقات وأمسّ الحاجة لها
فتحت الباب بشوي وهي تشوفه منزوِي بالطرف ، نحف وكثير بسبب رفضه للأكل ، وصار شارِد الذهن تماماً وكان فعلا خسر امه للتو !
دمعت عينها بسبب حالتـه اللي انقلبت ١٨٠ درجة ..
نزلت بشويش وهي تستند بجلستها على ركبّها وتشوفه مغمض ، رجفت يدها وهي تمدها له بتمسك خده وسقطت للخلف من فتح عينه فجاة : ليث
رمقها بنظرة متعبة ونزلت دموع نجد بدون ماتحس : خلاص عاد ، ماهقيتك كذا ! ارجَع
الليث بهدوء : اطلعي برا واتركيني
نجد بإنفعال : لين ما تموت ؟
الليث بصراخ : ايوه لين ما اموت هنا ، اطلعي
,
.
أسبُـوع ، نسى فيه الشغل تماماً لدرجة يوقفونه عن العمل لكن ثنيـان مايحس ! على الرغم من انه ما يداوم الا انه بشكل روتيني يمّر على ولده ؛ ويرجع السعودية !
ويكمَل اجراءات الطلاق .. من يوم خرجت من المستشفى للان وهو يشوف ولده دايماً باحضان بدر او عبدالله لما يجيبونه له !
يحس ان عافه خاطرها وتعب من التوسل لها .. بنظرات , افعال , او حتى كلمات !
الغرور مُتمكن وحتى يوم اعترفت وريحت ضميره عن حُب الطفولة والمراهقة " حمـد " قالته بضعف كبير تراجعت عنه بعدها
هو مجرد يوم تركته يوصل لسابع سما واردتَه بالارض برفضها قبل تدخل الولادة بانها رافضة العودة ، لكرامتها وبكاءها اللي تشوفه هتان بمنظور ما يشوفه اي انسان غيرها ! ولكمية الغرور وحُب الذات اللي تعيشه مستعدة تكسر ١٠٠ انسان لو حست بخدش بسيط في كبرياءها !
-
جالِس على عتب بابهم الداخلي يربط جزمته ، بيجلسون برا هو مع عبدالله قبل اوراق الطلاق ويشوف ولده ويمِشي !
نفض بلوزته وهو بيتجِه للكراسي اللي بالجهة الثانية والتف بفضول فطرّي للي فتح الباب وجمد من شافها وبحضنها ولدهم !
بلعت ريقها وهي تتردد بالمشِي ؛ ميتة خجل وميتة اكثر لانها جات بالوقت الغلط ! متأكدة بعد ما تتكلم معاه ، إما الرفض من جهته لاهانتها له ولكرامته اكثر من مرة ,
هتان ببحة : عادي نقعد شوي ؟ ومنها تشوف ولدك
ثنيان رمقها بنظره واخذت نفس وهي تعطيه مطلّق الحرية بالاختيار ، جلست على الدرجات وبحضنها جبر اللي مب راضي يسكت ومتقروشة فيه !
بلعت ريقها من شافته يقرب جهتها ويدنو عليها لياخذه بصمت واول ما مسكه سكت !
غمضت عينها بحزن وهي تشيح بوجهها عنه ، مستحيل تقدر تربّيه لحالها وخاصة بأنه متعلق بابوه اكثر منها بالرغم ان يقضي وقت معاها اكثر !
-
هتان : سكت معاك
هز راسه وهو يحتضنه لصدره ويجلس معها وبعيد بشوي : سمي وش بتقولين ؟
اخذت نفس وهي تضم نفسها بفشلة : يمكن الوقت اللي جيت فيه غلط ؟ ويمكن انتهى كل شي .. يمكن وايد أشياء
عقد حاجبه بعدم فهم ونطقت هتان بهدوء : جبّر ، مثل ماهو ولدي فهو ولدك .. ومثل ما انا احبه اعرف انك تحبه اضعاف , غير روحتك وجيّتك بين السعودية والبحرين مُتعبة ووايد اشياء بتخليك عاجز .. بكون انا والشغل والزمن ضدك ، ثنيـان
لف راسه لها من نادته ونطقت هي بغصة : ترا والله اني مو حقيرة للحد اللي تتخيله
رمقها بجمود بدون ما يقرب اكثر ، تارك لها مطلّق الحرية في الكلام
هتـان : جهزت اوراق الطلاق ؟
ثنيان هز راسه : بكرا .. بكرا اجيبهم وتوقعين ونكون خالصين انتي ترتاحين مني ومن عذاب الضمير ، وبالنسبة لجبر لا تحاتينـه !
عضت شفايفها بقوة ، تأخرت وكثير .. يا انها تنطق الحين او تنسى وتندم طول حياتها الجاية بعيد عنه !
صحيح بتاخذ جبّر حجة ، لكنها بتفوز فيه ! وبتحاول .. كثر ما تقدر بتحاول انها تصلح اخطاءها معاه |
هتـان مسكت يدينها وهي تضغط بقوه لتخفيف التوتر ونطقت بسرعة : عادي نتراجع عن الطلاق ؟
جمد لدقايق وابتسم بعدها ، ارتاحت من ابتسامته وانكسرت مباشرة من نطق : بعد كل هالاحداث الحين تو ينكسر غرور مدام هتان !! يا حظي والله
سكت لثواني ونطق : بعد ايش ؟ بعد ما مرمرتيني بين رجاء وتوسل لحضرة جنابك ؟ وبعّد ما خليتيني افرح بانك بترجعين وكسرتيني ؟
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
