🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 107 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌻🍃
جمود نجد دفـته بعيد عنها ونطقت بحدِة لاول مرة يسمعها : واذا مالي امان مع اللي عايشه معاه فـ ما اعيش معاه بالاساس
ابتعدت وهي تربط نقابها وتخرج وتترك دموعـها تنزل بقوة
-
وقـف الليث ويحس من كثر الشعور بيظهر شيـب بشعره ! يحس باحتراق جوفـه رُغم عدم معرفته بأصل الموضوع , لكنه فطِين وركـب الموضوع ! ويحترق بمكانه من فرط غيرتـه على محبوبته نجد العذيِة ! اللي شافها غيره ولمسـها !!
مد يده لاقرب جماد وكسّره , وصرخ بقوة كبيرة ولو صرختـه زادت شوي لـ انكسر الزُجاج
-
ألتزم الصمت لدقايق من خروجهم وبكاء نجد , نطق وهو يمد كفه ويحاوط كفها بإطمنان : ياروح اخوك انتي فهميني اللي حصل
نجد مسحت دموعها وهي تنطق بهمس مسموع : فيه احد يهدد الليث اعتقد وجا وانا لحالي بالبيت انتظره لاننا بنجيكم
نزلت دموعها وشدت على كفوفها واكملت : وبعدها مدري ايش اللي صار لكنه تهجم بداخل البيت وصفعني
وقف ثنيان بذهول وهو يرجع انظاره لها تجاهل المكان وفتح نقابها وانذهل اكثر من ذقنـها : الـ *** !!!
صرخ بغضب وغيرة : وش سوا لك الـ*** !!
نجـد مسحت دموعها وهي تشهـق : وصلِي تهديد لليث
ضرب الدركسون بغضـب وصرخ وهو يسنّد نفسه متجاهل اصوات البوارِي اللي زادت خلفه وانواع الشتم بسبب عدم حركتـه وهم يبتعدون عنه !
غطت نجد وجهها وبكت بقوه : لا تعلـم احد تكفى مابي احد يعرف
هدأ لدقايق ولف لها بغضب : الليث ؟ يعرفه
هزت اكتافها بعدم معرفة : ليه تضربه بدون ماتعرف اجل ؟
ناظرها ونطق بانكسار : اشوف اختي تنشد عني وتشّد ظهرها فيني وش ودك اسوي له؟ اطبطب عليه مثلا ؟
حـرك لبيت فاطمة ونطق بهدوء من قربوا يوصلون : لا توضحين شي لهتان هي ببيت جدتي , ناخـذها ونرجع وبعدها بكلمك
هزت راسها بموافقة وهي تصّد وتترك دموعهـا تنزل بصمت
-
عِند هتـان اللي من دخلت وهي تحس بأنواع الاحراجات رغم تهدأة فاطمة لها بعد ماحست فيها !
ابتسمت للجد عبدالله اللي مّد لها فاكهة : ما أكل يا عمي
عبدالله بحنق : هذا انتم ! ما تاكلون المُفيد وبس تاكلون هالفست فود
ضحكت هتـان وهي تتقدم لدلـة القهوه تصّب لعبدالله وفاطمة اللي جت تقعد جنبهم : والله الجو عليل يبيله مشاوي
ابتسمت هتان بخفوت وهي تشتت انظارها على الحديقة بانتظار ثنيان , نطق عبدالله بهدوء : كيف ابوك عساه طيب ؟
ابتسمت هتان من طاري ابوها واعتدلت : الحمدلله بخير تو الصباح كلمتـه
عبدالله : عاد الجو بدأ يحلى , اتركيه يجينا
عقدت هتان حاجبـها باستغراب ونـطقت فاطمة بضحك : بأيام الشتا نغير بيتنا نروح لبيت ثاني بواجهة البحر , يجونه الكل لانه كبير
هتان : تسلـم ياعمي بس ابوي مايحب السفريات وايد , وعنده شغـله اساساً
عبدالله : ماعليه اكلمـه انا ويوافق يمرنا اقلّها يومين
وقفت هتان بلهفـة من شافت دخول ثنيـان الهادِي
,
عِند فيـاض وبُشراه , جالسِين بجنب بعض قبـال البحر
ومستنده بشرى على كتف فياض اللي ماسك يدها ويسولف لها بهدوء المكان المُظلم ونطقت بشرى بضحك : لو افتكر ان ذا يوم ميلادي , على الاقل اتركنا نحتفل مع الناس
فياض بهدوء تنهد وهو يعـشق التأمل : احب الاختلاف يا بُشرى القلب , فـ كيف لو الاختلاف جا فيك انتي ؟
شتت انظارها للظلام اللي منتشر بينهم والهدوء المخيف سوا من صوت أمواج البحـر : ما وراك استلام انت
فياض صغر عينه وهو يشد على حضنها : اشوفك تصرفيِني , خير ماعجبتك الجلسة معي ؟
ضحكت بشرى وهي ترفع نفسها تقبّل خده : والله لو وين ما اجلس وانت معي تحلو الجلسة وش تخربط انت ؟
تنهد فياض بحُب ونطق بتذكيـر : فيه مُهمة مدتهـا شهر ومعاي ثنيـان
تنهدت بشرى بحزن وهي تبتعد عنه : وصارت تشاركني الحزن وحدة ثانيـة
ابتسم فياض بهدوء : كم سنة لنا مع بعض ؟ ليه للحينك خايفة
بشرى : اخاف تروح وما ترجع وانا ما شبعت منك , اخاف يصيبك شي يأذيني ويصيبني قبل يصيبك ! شفت يوم المستشفى ؟ والله ما خفت على نفسي كثرك ! انت مني يا فياض , اذا صارلك شي اموت
دنـى لها يقطع حكيها اللي ما عجبه بقبلـته الطويلـة
ابتعد عنها وهو يسند جبهته على جبتها وهو ينطق بهمس : لا تتكلمين بهالشكل , عسى عمرك طويل
قاطـع حكيهم رساله من ثنيـان تطلب منه يروح بيتهم " بيت يوسف " لموضوع مهم يخص نجد ! حبيـبة عمها
عقدت بشرى حاجبها وهي تلـم العشا : ليه شحصل ؟
هز اكتافه وهو يساعدها : ماطلبني هالوقت الا لشي ضروري , يلا
🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
