شاركيني لو مشينا دروب الهنا واعذريني لو لقيتي بدروبي عنا

البارت الرابع

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 4 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

ابتسمت نجد وهي تحاول بقدر الامكان ما تبكي اكثر .. كفاية وجهها منفوخ من كثر البكي اللي بكته ومخفيته تحت نِقابها
وقف ثنيان بجمود وهو يلتفت لنجد اللي نطقت بهمس لامها قبل تقبل خدها : ادعي لي يمه
خرجوا الاثنين تحت حِدة هجام اللي متجاهلينها
نطقت نجد اول ما خرجوا من اسوار بيتهم : ثنيان اسالك بالله تكبّر عقلك عنه ، والله امي تتحمل بُعد طيف بس ما تتحمل بُعدك
ثنيان ابتسم بخفيف وهو يهز راسه : تم ، ماعليك
نجد : طيف متى بتوصل ؟ وهم ينتظرونها صح؟ مارح ينسونها
ثنيان : توصل قريب الغروب ، واكيد ينتظرونها لا تخافين عليها اول ما توصل بتدّق
نجد : بتكون بالحدود ، فـ طمنّي تكفى
ثنيان وهو يوقف امام جامعتها : تم ، انتبهي لنفسك
ابتسمت نجد وهي تنزل وسرعان ما ضحكت من انتبهت لـ هتان اللي بيدها كوبين وحضنتّها ، ابتسم ثنيان من شاف نجد تحتضن صديقتها وزفر وهو اكثر شخص عارف نجد كتومة بشكل وحتى لو انها باعز رعبها بتظل توريه ابتسامتها .

.
نزلت نجد وهي تلمّح هتان اللي ماسكة كوبين كوفي
بيد وكُتبها بيد ثانية والواضح انها توها واصله لانها ما توجهت لمكانهم ، تقدمت نجد وهي تنادي بأسمها
والتفتت هتان وهي تضحك وتحتضنها : صبري عاد لا يطيح الكوفي حزتها والله ما اييب لج ثاني
ضحكت نجد وهي تبتعد بحذر وسحبت كوفيها وهي تعطي هتان كوفيها وترمي البلاستيك : وحشتيني كيفك !
هتان وهي ترتشف قهوتها وتعدل نفسها قبل تدخل : عيارة !! توج شايفتني امس
صغرت عينها وهي تنطق بهدوء من لمحت شخص من الطرف : هذه شفيه مفهّي فينا ! تعال اقعد معانا بعد
نجد استغربت ولفت وهي تكتم ضحكتها من شافته ثنيان : ياحمارة اخوي !
هتان نطقت مباشرة : وجع
نجد : وتراه يكلّم بالجوال تحسب انها اخر حبة ويناظر لها اقول امشي ندخل بس
هتان بحمق وهي تدخل : شدعوة عاد ، شفته لاف علينا قلت هذا مسوي مُعجب
نجد ضحكت وهي تتنهد وتجلس .. جلست هتان بجنبها وهي تترك اغراضها : شفيج انتي ! من البداية حاسة فيج شي
نجد بصراحة اعتادها هتان : بيتنا ، اخواني هجام وثنيان وابوي وطيف وامي ونفس المشاكل
هتان وهي تتنهد : يا حبيبتي مافيه بيت يخلو من المشاكل
نجد هزت كتوفها : بيتنا غير يا هتان ، عايلة اذا وصلت البنت سن الـ ٢٤ وهي لا زالت ببيت ابوها يعتبرونها عانِس ! بدل ما يشجعوها على الشغل وتكوين نفسها ! عايلة تاخذ العادات والتقاليد بانها دين جديد ، متناسين الدين اللي امرنا فيه الله ورسوله ! اه يا هتان لو احصي ما بخلص الله يجيرني منهم
نطقت هتان بغضب : يخسون عاد ، انا لهم بالمرصاد
ابتسمت نجد وهي تتنهد : طيف هربت ، بتوصل المغرب امريكا
هتان تربعت بحماس : عاد تصدقين ، اختج هذه كفو! انا احس انها بتصير شي كبير بعدين وبتكسر عين اخوج اللي ما يستحي على ويهه
نجد : الله يسمع منك
هتان بتنهيدة : عِندنا عرس الجمعة ، ما شريت فستان ولا اعتقد بيمديني اطلع اذا رديت
نجد : لا تروحين ! لازم؟
هتان : عرس بنت خالتي ، حرام ما اروح وحيل ودّي اروح
نجد بحزن : بعد اسبوعين الامتحانات ، اذا رجعتي البحرين ما بتجين ؟
ضحكت هتان بسخرية من نفسها : وين ؟ لا مثل العادة الويكند وراجعة ، لازم ادرس هني ماودي اخذ نص اغراضي عشان اقعد كلها اقل من شهر ونعطّل ، حزتها بختفي
نجد بحزن اكبر : وما اشوفك بعدين
هتان : لا لا شدعوة ، اكيد بمّر عليج انتي اختي وحبيبتي معقول انساج!

نجد ضحكت : ايه ايه سلكي لي
هتان وقفت : اقولج قومي بس ، بتطير المحاضرة واحنا هني نفضفض يعني كلش عاد حزينين هواي
وقفت نجد وهي تضحك وتسحب اغراضها وتروح خلف هتان ..
~

بعد يوم كامل ، بالحدود بين السعودية والبحرين .
واقفة بالزحمة الخفيفة بشي طبيعي كل ويكند
بعد ما ودّعت نجد بالجامعة بتتجه للبحرين
كطبيعة روتينها كل ويكند تقضيه بالبحرين وترجع السعودية ليلة الاحد بحُكم جامعتها .
لابسه نظاراتها الشمسية وتطقطق على الدرسكون بملّل
لين ما صار دورها ووقفت فتحت الدريشة وهي تسمعه ينطق بهدوء : البطاقة السُكانية لو سمحتي
مدتّها وهي تلف لشنطتها تطلع جوالها ، لفت من سمعته ينطق : اختي هذه منتهية صلاحيتها !
هتان بذهول : شنو؟ شلون!
الشرطي بهدوء : صفطّي ع اليمين ، بتركهم يشوفونها لك
هتان تأففت وهي تصفط وتنزل من سمعت الشرطي ينادي بـ ثنيان ، مد الشرطي لثنيان بطاقة هتان وهو يأشر عليها : هذه البنت ، منتهية بطاقة احوالها شوف اجراءاتها
ثنيان وهو ياخذ البطاقة : تم

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹