شاركيني لو مشينا دروب الهنا واعذريني لو لقيتي بدروبي عنا

البارت التاسع

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 9 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌹🍃

هتان اللي من صحوّتها متناسية احداث البارحة ، وحمدت ربها ان نجد ما سألتها ..
تكلمت منيرة باعجاب من هتان : تكفين يالبحرينية ، علميني بخطتك !
هتان ضحكت بذهول : اي خطة؟
منيرة : ستايلك حياتك كل شي ، ودنا نتعرف
هتان : يشرفني والله ، ومن كرمك وذوقك
سكتت لثواني وضحكت بخجل اكبر : استحيت حسبي الله
ضحكت نجد وهي تمد لها كوب الشاي : لعبتي احكي عن هتان
هتان وقفت : اجل بختفي بعدل شكلي قبل تنزلون
توجهت للحمام " وانتو بكرامة "
عضت مُلاذ شفايفها : شفتو عمة حصة شلون تطالعها ..

نجد وقفت بتجاهل : سوو نفسكم ما تشوفوها ، دايم ما يعجبها العجب ، وتكرهنا بعيشة الله
رفعت صوتها : يلا يا هتّان
خرجّت هتان بربكة : ها يلا جاية
لفت للمراية وهي تلف حجابها بعشوائية : نجد انا مكاني مب هني شسوي بينكم
ملاذ مسكت يدها بهدوء : مِنا وفينا ولا تخافين صدقيني الكل بيحبك
منيرة هزت راسها وهي تناظرها باعجاب : اولهم انا !
ضحكت هتان وهي تبتسم لها بامتنان ..
.

بعد الغذاء
هتان جالسة بين نجد اللي جالسة جنب جدتها وبين منيرة وتناظر مناكيرها بشتات من نظراتهم لها وبالخصوص " حِصة " وقت الغذاء ما اخذت راحتها بسبب نظراتها المستنقصة ..
رفعت راسها من شافت نجد قامت تصبّ الشاي
والجدة استغلت وقوفها وهي تمد يدها لهتان : تعالي يمه جنبي
بلعت ريقها وهي تقترب : هلا يا جده
ابتسمت الجدة وهي تمسح على شعرها : من متى وانتي تعرفين نجدنا ؟ وه يابختها بحلوة زيّك
ابتسمت هتان بخجل : تسلمين والله انا يا بخّتي فيها
نجد ابتسمت لها وربتت الجدة على يد هتان وهي تناظرها بحُب : متزوجة يمه ؟ محجوزة مخطوبة
ضحكت نجد وكتمتها من شافت انظار هتان ونطقت هتان بمزحة جريئة : بتزوجيني على ايدك ؟
رمقتها حصة وهي تعتدل من سحبت كاسة الشاي اللي مدتها نجد : ناوية على سعودي ؟
هتان رفعت حاجبها وهي تجلس بنفس جلسة حصة : اذا نصيبّي مكتوب سعودي فباخذه ، يضرّك شي ؟
حصة رمقتها بنظرة : بس ابعدي عينك عن عيالنا ماودنا بقليلة ادب مثلك تكون بعايلتنا
شهقت ام ثنيان ونطقت بغضب : حصة ! وش هالحكي؟ وهذه ضيفتّي تسوين فيها كذا قدامي اجل لو وراي ؟
حصة بغرور : وراك والا قدامك ما قلت الا الصح
هتان رمقتها بنظرات وهي تستغفر وتشتت انظارها
بتحترم نفسها كونها غريبة بينهم وما تعرف نية واسلوب حصة للان لكن اذا زودّتها بتقلب المكان يشتعل وما يهمها اي كلام بينقال
نجد جلست بخجل من هتان ومسكت يدها : امسحيها بوجهي
هتان : حصل خير
دخلِت بُشرى بابتسامه وهي تحط كيس الحلو على الطاولة : السلامُ عليكم
الجدة باستهلال : هلا بزوجة ولدي هلا تعالي جنبي يا يمه
سلمّت على هتان باستغراب وهي تجلس بجنب الجدة بعد ما قبلّت راسها : كيفك يا خالة
الجدة : الحمدلله يا نظر عيني ، الا وين فياّض ؟
بشرى : يسلم ع الرجال ويجيك
التفت لصوت ام منيرة اللي نطقت : الا يا بشرى كيف اهلك
بشرى : الحمدلله بخير يوصلون السلام لكم
ناظرت هتان بهدوء : كيفك
هتان هزت راسها : الحمدلله
نجد تربعّت ونطقت بحُب لبشرى : صديقتي هتّان من البحرين وتدرس معي بنفس التخصص
قاطعتها حصة وهي ترتشف شايها : هو من زين التخصص لجل تفتخرين فيه ؟ مايجيب الا سواد الوجه
استغفرت هتان بداخلها وهي ودها تفجر حصة ، وسط تجاهل الجميع لها ولاسلوبها واكملت نجد : وهذه الدكتورة بشرى زوجة عمي فيّاض
مدت هتان يدها بابتسامة : تشرفت
ضحكت بشرى وهي تربت على كفها : الشرف لي يا قلبي
هتان : دكتورة جراحة ؟
بشرى هزت راسها بنفي : دكتورة نساء وولادة
دعت ام ثنيان بداخلها ما تنطق بسوء امام هتان لكن خابت دعواها من سمعت حصة : تولّد الناس وهي ما جربت الولادة الله يعطيها ادعي لها ! ١٨ سنة وما شفنا ولد لاخوي
تغيرت ملامح الحضور واندهشت هتان من خبث حِصة ! جابت كلامها بشكل ساخر وواضح من تغيرت ملامح بشرى بالكامل ونطقت هتان بغضب : احياناً الله ياخذ مننا اشياء ويعطينا اشياء ثانية تميزنا ، عُمره الولد ما كان ثمرة حُب اذا الله كاتب لهم يجيبون بيجيبون ، وعاد هم ممكن مقتنعين بحكمة ربهم بس شلون نعلم الناس الذوق في انتقاء الاحرف بدل ما يطلع سم من لسانهم ؟ صج الله ياخذ ويعطي والظاهر بعض الناس الله ماخذ من عندهم نعمة كبيرة مميزنا فيها عن الحيوانات
شهقت نجد بخفة من حست بصمت المجلس بأكمله ، واعتدلت وهي توقف من سمعت تنحنح الرجال اللي راح يدخلون وسحبت هتان معهّا متوجهين للصالة الثانية !

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹