شاركيني لو مشينا دروب الهنا واعذريني لو لقيتي بدروبي عنا

البارت 114

🌻🍃🌻🍃🌻
🍃🌻🍃🌻
🌻🍃🌻
🍃🌻
🌻 114 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌻🍃

نجد نزلت عينها بحزن : بتروحين البحرين
هتان بحزن : ثنيـان بيرجع صح ؟
نجد سقطت دموعها مباشره ورجع تحتضن هتان : ان شاء الله , ادعيلـه
هتان : الله ينصرّهم
نجد تمتمت بخفوت ووقفت بوقوف هتان ، نجد : أخـاف عليك هتان دخيلك لا تكتمين مهب زِين اذا ما تحسيِن براحة تفضفين لشخص قريب منك , فضفضي لغيري بس لا تكتمين أرجوك
باست هتان خدها : لين متى بنصيح؟ ماعليك انا تعبانه برجع اكمل نوم
نجد تركتها براحة رغم انها عارفه انها تو صحت , ابتعدت وهي تخرج ودخلت هتان غرفتها وبكت بقوه من شافت كل شي يذكرها فيه !
رمت نفسها على السرير بحزن وهي تشد على الرساله وطرف مخدته , ورجعت غفت بدون إحساس وتحاول تتجاهل آلام بطنها !

-
نزلت نجد وملامحها حزينه بالحِيل , تحس الدنيا بكل قوتها تضغط عليها , ثنيـان من جهة وهتان جهة ثانية امـا الليث فهو بجهة مختلفة تمامـاً ! طالت مُدة سكوته وعدم رده عليها وزاد هذا الشي من خوفـها اكثر عليه خرج من عندها بعد ما خسـر كل شي ! وهي عارفة ان يدور على اللي تهجـم عليها ويتفرغ له بعدها يشوف موضوعه مع نجد بكل تفاصيـله !
رمقتـها نُورة " ام ثنيان " وهي تحـس فيها شي ! سكوتها بالفترة الاخيرة وشتاتها الكثير يوّتر ام ثنيان تماماً لاخر عنقودهـا !
شافت نجد تتوجه للمطبخ ودخلت خلفها : هتان قالت شي ؟
هزت نجد راسها بنفي وهي تتنهد : بكت شوي , واحسها ندمت
ام ثنيان جلست أمامها : ليه ؟
نجد ضغطت على كفوفها وهي تناظرهم : ماتبين ضعفها أبداً رغم داخلها انكسار قوي , رفضت تقول اي شي
ام ثنيان مسكت كفوف نجد ونطقت بحنيِة : مب عاجبتني اخر فترة , صاير لك شي يمه ؟
رفعت نجد عينها لام ثنيان ثواني وشتتهم من حست بالدموع بتتجمع وسحبت يدينها وهي توقف : لا يمه شفيِني يعني ؟ مابِي الا العافية
ام ثنيان : حبيبة امها مستحيل تكذب عليها صح؟ اعرفك اكثر من نفسي نجد بطلِي كذب
اخذت نجد نفس وهي تزفره : مابِي شي يمه على ثنيان بس
ام ثنيان : وزوجك !
رجفت نجد وهي تترك كوب الموية بهدوء : وش فيه؟
ام ثنيان : تاركك هنا , ماندري متهاوشين ولا ايش ورافضيِن توضحون .. نجد وش صاير؟
نجد بكذب تكرهه لكنها مالقت الا هالحل لتبعد انظار امها عنها : مسافر الليث لجل كذا انا جيت هنا
ام ثنيان بعدم تصديق : بيسافر ويهاوشونه؟
نجد بتهرّب وهي تمشي بتخرج : تهاوشت معاه قبل يسافر لجل كذا شافوه وكلموه يعني مدري يمه لا تسألين

-
عِند الليـث , ابتسم ابتسامة خبيثـة وهو يشوف بسّام أمامه مربوط ربت على كتف قاسِم " احد زملائه بالعمل " : يعطيك العافية
قاسم ابتسم : حيلّك فيه
الليث بتهديد : مابترك فيه حيل اصلاً
قاسم : برجع المركز عندي استلام , اترك به روح للدولّة
الليث هز راسه بتسلِيك وهو يشوف قاسِم يبتعد , قرّطع الليث رقبته وهو يراقب بسام الغايب ع الوعي
الليث تارك ذراعه اليسار خلف ظهره واليمين ماسك فيها دخان ويدخن ببرود ، دنـى على بسام وهو يزفر الدخان بوجهه وثواني بس وغرزّها بكـف بسام وهو يشوف بسام وعى وصرخ مباشرة من حرارة الجمّر في الدخان , شتّم بسام الليث ورفع الليث رجله ورفّس بسام بوسط صدره أدى الى سقوط بسام على ظهره والكرسي
تأوهه بسام وهو عارف نهايته على يد الليث
-
نجد دخلت غرفتهـا وهي تتنهد بحزن , تخاف على الكل لكن مافيه احد يخاف عليها .. تسأل عن الجميع لكن مافيه من يسأل عنها !
قاطع تفكيرها دخول طيف , وابتسمت نجد بهدوء
طيف : فاضيه صحيح؟
نجد : وش عندي يعني
دخلت طيف وهي تجلس بالقرب من نجد : كيف صاحبتك؟
نجد تنهدت : زوجة اخوك ترا
طيف بصراحة : حاولت اتقبلّها بس هي تكرهني فيها زود , احسها مغروره ومب مثل طيبة ثنيان احس ثنيان كثير عليها
نجد برفض : ماتعرفينها طيف ! , ترا كان لها أساس كثير بانها تستّر عليك يوم هجام عرف عنك , وتراها طيبة بس اللي ما يمشي معاها صح مستحيل تبيّن له طيبتها ! صدقيني انتي ما جربتيها فلا تحكمين
طيف : اكلتني بمجرد ماقلت الواقع ! صح ان بنبكي لو صار لثنيان شي والله يحميه يعني بس بنفتخر انو شهيد !
نجد بخوف على اخوها نطقت بحِـدة : طيف رجاءاً مب فاضين لجل ننكّد على نفسنا أكثر , كلامك لها غلط تشوفينها منهارة تروحين تدعين عليه ؟ انهبلتي انتي الظاهر امريكا غيرتك وغيرت مخّك المصدّي
طيف فتحت عينها بتوسـع وذهول من نجد وانفعالها : الظاهر انك انتي انهبلتي وجيتي تحطين الحرة فيني الشرهه علي جايتك
نجد ابتعدت عنها وهي تنسدح على سريرها وتغمض عينها : انتي دوم كذا , دوم انتي صح والباقي غلط ..

🌻📚 @storykaligi 🌻📚🖋
🍃🌻
🌻🍃🌻
🍃🌻🍃🌻
🌻🍃🌻🍃🌻