شاركيني لو مشينا دروب الهنا واعذريني لو لقيتي بدروبي عنا

البارت 154

🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 154 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🔮🍃

عِنـد هتان |
دموعها تنزّل بألم وتطلب منهم يولدونها حالاً ، اقتربت الممرضة منها وهي تهديها : لا تعورين روحج حبيبتي ارتاحي !
هتان ببكاء : باموت انا ، اتعور بدون ما اسوي شي تكفون ولدوني مابي خلاص
الممرضة ابتسمت بهدوء وهي تمسح على شعرها : فيه وقت وايد على ولادتج ! احتمال لو ما توسعتي ندخلّج عملية ! استهدي بالله
بكت هتان وهي تغمض بالم : وين ابوي ؟ ابي ابوي
الممرضة : برع , اناديه لج ؟
هزت راسها وهي تحاول تاخذ نفس ، ابتعدت الممرضة عنها وهي تخرج
-
-
عنِد الكوبـل اللي ما نمره كثير ، وبقِل المرور الا ان احداثهم لها بصـمة |
طِـيف ونادِر , جالسين بإحدى الكوفيهات الخالِية من البشر سواهم مع طاقم العمل ~
تمد يدها لـ لعبة الحديد " XO " وهي تضحك بذهول من غش نادر الواضِح !
طيف رمت الحرف على الطاولة وهي تضحك : وقسم بالله غشاش يا نادِر ! عيني عينك اشوفك تحط الـ X بمكان لا التفت وتسوي نفسك ربحان؟
ضحك نادر من ضحكها وهو يناظرها : انا الغشاش والا انتي الفاهية ؟
طيف اعتدلت وهي تناظره بتحدِي : اجل نلعب الحين بس بشروط !
نادر تكتف : وشو
طيف : اول شي حرام عليك تغش ! ثاني شي اللي يفوز يسوي اللي يبيه !
نادر اعتدل بجلسته: تم وسمي وتآمرين !
ابتسمت بخفوت وهي تناظر الاماكن بدِقة
صفق بعد مدة وهو يضحك على ملامحها المكشرة بسبب فوزه : هذا وانا مب غاش وكذا !
طيف : ما أصدقك ، لك سوابق
ضحك وهو يمسح على لحيته بخُبث : عاد كذا والا كذا ، لي القرار الحين !
طيف تكتفت بحنّق : قول
نادر : عرسِنا ، جاهزة انتي انا عارف
طيف : قلت لك انتظر اخوي وزوجته
نادر تنهد بصِدق : انتي ما انتي متاكدة اساسا اذا زوجة اخوك بترجع حقيقة ولا ! خاصة انها ماخذه قرار الطلاق خلاص نأجل على اساسهم كيف تجي !
طيف : نادر , والله حاسة انها بترجع ننتظر اسبوعين ونشوف
نادر اعتدل بقهر : ماقلتو انها بالتاسع , مستحيل تحضر زواجك يا طيف يا حبيبي !
طيف تنهدت من توترها : عارفة ان ودك نرجع امريكا وانا قاعده اعطّلك بس قلت لك اسبوعين بس لو ما حصل شي وعد يصير اللي ودك
زفـر نادِر وهو يشتت أنظاره بعدم اعجاب ..
.

وصـل ثنيـان بعد ساعتين الى المستشفى وهو يبحث عن الرسبشن : السلام عليكم
الموظف بهدوء : وعليكم السلام ، آمر شلون اقدر اخدمك؟
ثنيـان : تسلم ، قسم الولادة هتان عبدالله بأي جناح ؟
الموظف نزل عينه للكمبيوتر : لحظة الشيخ
ثنيان اخذ نفس باستعجال وهو يهز راسه ويطقطق اصابعه .. فك شفايفه اللي زمهم بانتباه للموظف اللي نطق بـ : جناح ٣٧ الطابق الرابع
ثنيان : مشكور اخوي مشكور
ابتعد عنه بخطوات سريـعة .. وهو يستغني عن الـمصعد ويستعمل الدرج
-
-
دخـل ثنيان بعد ماطرق الباب وهو يشوف هتان مرتخيِة وملامحها مرُهقة .. وعبدالله بقربها
هز راسه يسال عنها بهمس ووقف عبدالله وهو يتقدم منه : ماندري متى يدخلونها , ادعي ربك
ثنيان مسح على شعره بتوتر وهو يخرج ويجلس على الكراسي
-
-
بوسّط غرفة الولادة |
وسط صراخ الطفل وانهاك الام ، ضحكات وتبريكات الدكتورة والممرضات وتبشيرهم لهـتان بقدوم " طفلها "
دمعت عيونها من انحط على صدرها وهدأت صرخاته
دمعت بفرح وحُب : اهلاً يامـاما
باست جبينه بعُمق ونطق ببحة : والله انك جبر لحياتي

.
بالجنـاح .. انتشـر خبر ولادة هتان بالسـلامة
الا محبوب القلب والخاطر ثنيان , جالس بهّم وبين الشي واللا شي ، بين الواقع والخيال .. وبين الحلم والوجود !
مصدوم ويتمنى ان اللي قالته فقط كان تعب ولادة وتراجعت عنه .. من بشروه بولدّه اللي جا وهو خايف يتوجهه يشوفه ويشوفها بقربه وتسمعه الكلام اللي تعب منه !
-
قبل موعد دخولها وبوسط المها نطقت بالصريح بوجهه : مابيننا نصيب يا ثنيان .. ما تصلح لي ولا اصلح لك بتعبك حيل معاي !
-
تركت توتره عليها يزيد بالداخل ! وكان يظن ان يسمع غلط لكن انظار عبدالله الصادمة والقلِقة اثبتت شكوكه !
بلع ريقه وهو يتنفس بتسارع ، يوم كامل ما غطّت عينه
مسك خط وجاها وتعامله بالصد ؟
انتبه لبّدر اللي جا متشقق من شاف البيبي الجديد , ومايعرف ادنى خبر او حدث باللي صار !
عرف من عبدالله ان الامور لربما بترجع لمياهها لكن مع هتان ؟ مايظن بتاتاً !
تقدم لتغيير من مود ثنيان المصدوم والشاهبة ملامحه : اقول يابو بدر ، شفت ولدك ؟
التف ثنيان له باستغراب : منو ابو بدر؟

🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮