شاركيني لو مشينا دروب الهنا واعذريني لو لقيتي بدروبي عنا

البارت التاسع والاربعين

🍒🍃🍒🍃🍒
🍃🍒🍃🍒
🍒🍃🍒
🍃🍒
🍒 49 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🍒🍃

غمز له وهو يخرج وتأوهه من رفسـة فياض وهو يحط يده بألم : وجـع

.
فاطمة وهي تسكّر ع الشاي : يلا انت وياه اطلعو من مطبخي
ضحك فياض : تطردينا يمه
اشرت له بالخروج وضحك فياض وهو يخرج ويجلس جنب ابوه بعد ما قبّل راسه وهو يناظر بحنق لثنيان اللي ماسك يد عبدالله ويسولف له : عاد لا اوصيكم يبه تجون الليلة
عبدالله : ان شاء الله وانا ابوك ان شاء الله
فياض تنهد وابتسم وهو يوقف يساعد امه بتنزيل الصينية : ارتاحي يمه
جلسوا حول بعض كدائرة وتتوسطهم صينية فطور تضم الشاي وكاساته ، شكشوكة لذيذ , فول , وبيض , خيار وطماط وشوية لبنة وعسـل وسط مناقرات فياض وثنيان على الاكل وسخرية عبدالله وغضب فاطمة لانها نعمة وواجب الاحترام
.
خرج عبدالله بعد الفطور لمزرعته كعادته ، وانسدّح فياض بحضن امه وبجنبها ثنيان يسولفون معاها
ونطق ثنيان بضحكة : اقول يا يمه ماودّك تعطينا كذا بيتيِن حلوين من فمك؟ اخر ما حفظتيه يعن
رمقته فاطمـة وهي تضحك وتضم يدينها وهي تحاول تستحضـر ابيات شعر حفظتّها الفترة الاخيرة ونطقت وهي تناظر فياض لوهلة وثنيان وهلة اخرى :

قوامك فتانٌ وطرفكِ أحور
‏ووجهك من ماء الملاحة يقْطر
‏تصورتُ في عيني أجلَّ تصور
‏فنصفك ياقوت وثلثك جوهر
‏وخمسك من مسك وسدسك عنبر
‏وأنتِ شبيه الدر بل أنتِ أزهر
وما ولدت حواء مثلك واحدا
‏ ولا في جنان الخلد مثلك آخر
‏فإن شئت عذبني فمن سنن الهوى
‏ وإن شئت فارحمني فأنت مخير
‏فيا زينة الدنيا وغاية المنى
‏ فمن ذا الذي عن حسن وجهك يصبر

ابتسـم فياض وهو يسحب كفها ويقبّلها لثواني ، ونطق ثنيان بعد ما اعتدل من قبلته لجبينها : صح لسانك يا قمر
ضربته فاطمة بخجل وضحكوا بقوه من شافوها تغطي وجهها بكفوفها بخجل ~

.
نطقـت بعد ما تذكرت وهي تقول كتمويه لثنيان : عاد حبيبة القلب يا فياض اللي مخبينهّا شفناها قبل كم يوم بالمستشفى
فياض عقد حاجبه لثواني وارتخت عقدة حواجبه من فهم طرف الحكي واعتدل يشوف ملامح ثنيان الهادية بحسن نية وهو يظن ان جدته تتكلم عن بشرى : تبكي المسكينة ولا عرفنا سببها عاد يمكن سمعت كلام من هنا ولا احد ضايقها من هنا
تبادل فياض وثنيان النظرات وعقد ثنيان حاجبه من سكوت فياض ونطق فياض بضحكة : ترا الكلام يمسـك ، سلام انا ماشي
خرج فياض والتف ثنيان لفاطمة : وش يقصد هالمهبول ؟
فاطمة ضحكت : يقصد هتان
ارتخت ملامحه وهو ينطق بهدوء وانجذاب لاسمها : شفيها ؟
فاطمك ضحكت وهي تلعب باساورها : ابد تسلّم عليك
.
بالليل , بالفنُدق
ارتدّت عباية سودة هالمرة جاهّلة اختيارها او تتحاول تتجاهله بأن ستايلها ما يعجب اهل ثنيـان ..
تحتها فستان اوف وايت طويل سادة ، تاركه شعرها مسشور بشكل عادي وهي تحط ميكب خفيف ابتسمت من شافت ابوها ينسَف غترته الحمرا : يه يه يه ، معرس ابوي
عبدالله ضحك وهو يرَش من عطره ويلتف لهتان ونطق بعفوية: انتي العروس والله
شتت انظارها وهي تبتسم ونطقت بتغيير للموضوع : يلا لا نتأخر عليهم
عبدالله مسك يدها وهو يقول : هيا بنا
ضحكت هتان وهي تسحب شنطتها من الكرسي وتمشي مع ابوها

.
نسـف غترته البيضا وهو يرمق نفسه بهدوء ، لاول مرة يتوتّر بهالشكل وكأنه عريس !
ابتسم بتوتر وهو يترك العطر من سمع اصوات تحت وعرف بوصول جده وجدته ورُبما بشرى
ودخلت نجـد وهي تبتسم له وتترك المبخرة : لا لا مصدومة انا
ثنيان ضحك ونطق بهدوء : كيف شكلي
نجد بانبهار : ت ج ن ن ، والله لو انّه مب عشا قلت رايحين نخطّب
ضحك ثنيان وهو يشتت انظاره ونطق : وصلوا؟
هزت راسها بنفي وهي تشوف نفسها بمنظرته وتعدّل شعرها وتتأمل مكياجها ، كانت لابسه جمبسوت اسود عاري الاكتاف .. بحركة عند الصدر مزمومّه للأعلى ولابسه حلق فضي وساعه ، ومسويّة شعرها اللي لبداية ظهرها ويفي وحاطة ميكب ناعم يناسب عشا وجمعة بسيطة .. نطقت وهي تمد البخور : تبخّر بس
انا طالعه اشوف اكيد امي فاطمه وبشرى وصلو
نزلت نجد وهي تبتسم بتوسع من لمحت الجدة فاطمة واقتربت وهي تقبّل راس جدتها اللي القت المدح مباشره عليها وتسلّم على بشرى ابتسمت بتوسّع من دخلت العاملة وخلفها هتان بتوتر فضيع كونها دخلت لحالها
ابتسمت من لمحت نجد وسلمّت عليها .. ابتسمت لبشرى وهي تقبّل خدها بعد ما القت السلام
وتسلّم ع الجدة .. ابتسمت ام ثنيان بامتنان لهتان وهي تحتضنها ونطقت بهدوء : مشكورة يمه
هتان توسعت ابتسامتها بخجل : ماسويت شي

🍒📚 @storykaligi 🍒📚🖋
🍃🍒
🍒🍃🍒
🍃🍒🍃🍒
🍒🍃🍒🍃🍒