🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 98 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🌹🍃
نفذت اللي قاله وجلست على ركبّها بقربه بعد ما فصخت عباتها ، رُغم خوفها لكنها وقفت حركته
لأنه كان بخيّط جرحه ويضمده لحاله
نجـد بثبُوت نطقت : انا أسويه ، ماخذه دورات
الليث هز راسه برفض : بتخافين ورجفتك ما وقفت
شافها بملابسها والدم عليه : غيري ملابسك وانزلي وبتشوفيني خلصت
نجد بإصرار : انت تعبان وما تشوف من تعبك اتركني ليث !
تنازل مباشره من تعبه وهو يترك راسه ، اقترّبت وهي تقص ثوبه برجفة وحزن , قـوّت قلبها وهي تلبس القلفز
سحبت حبوب وهي تركض للمطبخ اللي شافته امامها تسحب موية ورجعت له وهي تشوفه يناظر السقف بتعب وصدره يعُلو ويهبط بتسارع
نزلت وهي تمد الحبه لقُرب فمه ، رفّض يشربها وهو يبعد وجهه : ما يأثر فيني
نجد بغضب من الاحداث ومن رفضه : مو فاضِين لعنادك ليث ! اشربه خلصنّي
رمقها بنظره ارعبتها رغم ارهاق وجهه ورمت الحبة وهي تبلل القطنه بالدواء : مو انا اللي بتألم
ونطق الليث بتأييد : بالضبط
قربت لجرحه وهي تشيل الضماد القديم اللي اصبح دم وشهقت من عُمق الجرح : هذا ايشش !
سكت الليث ومدت نجد يدها برجفة وصدمة تعقمه ، عّض الليث شفايفه بألم وانفاسه تزيد
بعد مرور فوُق الـ ربـع ساعة ,
أرخت جسمها من تاكدت من ضماده الثابِت ، سقطّت انظارها على أثار الجُروح اللي بكتفه ، جنب صدره وبطنه !
بردت ملامحها وهي تبلع ريقها بصدمة من شافّـت شي صدمّـها !
متجمّع دم كثير حول مكان بخصرّه وتحـت توقيع حرفين وتارِيـخ ! والواضـح انه جديد وما صار له وقت عليه !
" ١١-١١-١٤٣٠هـ " , زاي وعين
عقـدت حاجبها وأنفاسها تزيد ووعتّـه متجاهلة تعبه بصدمة من اللي تشوفه لكن الليث من فرط تعبه فقد وعيَه وما ردّ
-
وقفت وهي تنفض نفسها بغضب وتتوعّـد فيه صعدت تدور بين غُرف البيت عن غرفتهم واغراضها وتتكلم بغضب مع حالها , مصدومـة للقد اللي ماله قد من اللي تشوفه واللي تعيشـه ! تحـس ان الأحداث اللي تتوالـى عليها كابوس بتصحى منه من لحظة خطفّها لتدخلـه بخطبتها من عيسـى وخطبته من ثنيان لها على خطبّه عيسى , موافقـتها اللي هي ذاتها ماعندها اجابة لسؤال " ليش وافقتي ؟ " , كلامـه نظراته هدوءه وجُموحه وقت الغضب بيعتَه لنفسـه بأي شي واخر شي هو زواجهم ! ودخوله مصُاب لها ، ونظراته اللي ما تبشر بخيـر وتعبه الواضح ! الجرُوح والوشوم اللي زادتها ريبَة منه !
رغُم الخطـر اللي ممكن يسببه لها الليث بسبب تعامله مع عصابات ماهي عصابه وحدة , وعدم توفر حماية لها من الاستخبارات او حتى من اخوها ثنيان !
دخلـت غرفة كبيرة بتوسـع , من وسعهّا الاثاث كله بعيد عن الثانِي , استنتجت انها غرفتّهم من دبشـها اللي بالزاويه بآخر الغرفة
تقدمّت وهي تسحب شنطتها وتفتحتها ع الارض ، سحبّت ربطة الشعر لتحرر شعرها وجلست تدور بين ملابسها على ملابس مرُيحة .. سحـبت بجامة طويلة
وهي توقف وتفصخ فستانها الابيض اللي تحول لاحمر من دم الليث ودخلـت تاخذ شور بعد ما رمت بجامتها على طرف السريـر , شوّر مو ينظفها وحسب بل يغسّل توترها وغضبها من الليث اللي ودها تهشَم راسه
-
وعـى الليث بتعب وهو يحّس بوجهه المعرّق من حرارة جسمه الملتهبـة دار بأنظاره للمكان يبحث عن جسد نجد وعرّف انها صعدت , وقـف بعد مُدة من التأوهات
واحمرار عنقه ووجهه وهو يحمَد ربه بوجود مصعـد بالبيت
دخـل ويده على جرحه بألم ويمشي ببطئ اتجاه الغُرفة
نسي يطِـق الباب ودخل بصرخه نجد وهي تشد على نفسها الرُوب من دخوله اللي بنظرها همجـي
التوَت نجد على نفسها وهي تاشر له بالخروج بعد بحة صوتها من صرختها : بلبس بلبس !!
رجـع سكر الباب برُعب وابتعد تجاه غُرفته المظلمه بآخر الممر وهو يزفـر
نجد مسحت وجهها بتكرّار وتشتم نفسها وانظارها على مفتاح الغرفة : كيف صعد ذا كيف صعـد !
غمضـت عينها تهدأ انفاسها : باقي الليل مشيِها برواق يا نجد ، لا الليث يهمك ولا غير الليث لكـن اسألتي تجاوب عليها الحين يا الليث ورجلك فوق راسك ..
🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
