شاركيني لو مشينا دروب الهنا واعذريني لو لقيتي بدروبي عنا

البارت96

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 96 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌹🍃

بيـت يوسِف " بو ثنيان " ,
دخلوا الحريم وابو ثنيان وبقى ثنيان اللي يكلم فياض بجواله داخل سيارته وهجام اللي ينتظره بالخارج لجل يحاكِـيه ,
انتبه له ثنـيان وتنهد وهو يسكره من فياض وينزل بتسارّع وتجاهل لهجام ليدخل .. مسـك هجام ذراع ثنيان وهو يرمقه : بكلمك يا ثنيان لا تصد يكفي !
ثنيان دفه بعنف : لا تفكر يا هجام ابداً !
ابتعد ثنيان ونطق هجام ونبرات الحزن في صوته : طول عُمرك بالغرور ذا يا ثنيان
ضحـك ثنيان بسخرية من كلام هجام وهو يوقف ، التف له وهو يرمقه بكسرة : صدقني ماقد انكسرت من شخص كثرك ، انت تعرفني ما اهتم لاي احد , لكنّك جيت بشكل يوجَع ! كسرت ظهري يا هجام تفهم وش يعني كسرت ظهري ؟
رفع هجام نظراته للاعلى يخفي عبراته ونطق ببحة : طايِش ! كل عمري طايش واسوي اشياء وانت تسامحني ! ، ليه ما تعذرَني ؟ انت ماعندك ادنى خبر عن اللي اعيشه ! اللي هنا كلهم مو معطيني اهمية وكأني جدار ، الكل يسأل عنك انت .. ثنيان وين ، ثنيان تعبان ثنيان بالدوام ثنيان ما اكل ثنيان ما نام! يفقدونك ويترقبون رجوعك ! اما انا؟ دايم كنت المكروهه دايم كنت الغبي العصبي الطايش ! صحيح يا ثنيان انك ما كنت طايش بكثري ! لكن ليه التفرقه ؟
ثنيان تقدم بحدة ونطق : وانت تغار مني؟ تغار من اخوك؟ صحيح كلامك ما انكره ! لكن انا وش كنت اسوي يا هجام ؟ لا تنكر اللي كنت اسويه لك حُبي وخوفي وسؤالي عنك ! انت اللي سويت هالشي في نفسك يا هجام لا تحط اللُوم على غيرك ! حتى اللي حبيتّها ما وقفت قدام ابوي واصريّت تاخذها مثلي ! هربت وتصددت ، لا تنتظر بعد كلامك والمصايب اللي حذفتها على راسي وانا طول عمري استّر على مصايبك انَي اسامحك , سـلام
ابتعد عنه بجمُود وهو يدخل بيته .. اخذ هجام نفس وهو يحس بالدُموع تتجمع جلس ع الارض بتعّب وانفاسـه مكتومة !

-
طيِف دخلت غرفتها وهي تتنفس بتسارع واحداث الليلة تتردد ببالَها .. نرجـع لساعات قليلة مَرت
لوصُول نادر بخروج طيف من الجهة الاخرى تكلم عمها ابو أميرة ! وابتعاده بأنظاره
وبعد نصِف ساعه بس لما ودّت طلب عمها شهقّت من اليد اللي سحبتها !
-
طِيف كتمت انفاسها وعينها انفتحت ع وسعها من الرُعب ومن يده اللي على فمها تكتم انفاسها لجل ما تصرخ كونهم بمكان قريب من بوابه القاعه !
ثواني واستوعبت اللي يصير ودفته عنها ونطقت بغضب وهي بتبعد لجل تغطي نفسها , رمى عليها شماغه وهو صاد بعد ما شبّع بنظراته المصدومة والمشتاقة لها , كانت نيتّه يشوف ملامحها فقط ! ابداً ما كان مخطط لأن يشوف كامِل زينتها ! جات كثيرة عليه كثير ، بشكـل يألم قلبه
تلثمت بالشماغ بعد ما عرفت ان بيتكلم ونطقت : ابدا لا تنزل انظارك وما احللك يا ناِدر !
نادر لا زال صاد نطق بجمود : ما انتي محافظة ع سترَك كثري لا تخافين
طيف بتنهيدة : اخلص وش ودك؟ بدخل اختي تحتاجني اكيد
نادِر كتم بقلبه كلام وشوق كثير ! اعتذارات كان بيصدرها لسانّه وتنازل عن كلام كثير , لكنّـه تراجع عن ذا كله بجُملة بايخه بنظر طيف اللي كانت تنتظر كلام منه يهدأهـا ، اعتذار او كلمة عادية تحيي بقلبَها كثير : جيت اسأل عن اخوك متى ناوي يعترف بأختي دامه مسترجـل وجايبها لهنا !
طيف بردت ملامحها من الخذلان ونطقت بحده وعصبية : مالك شغل واخوي رجال غصب عليك ، انا الغلطانه اني انتظر منك تقول كلام اصلاً وغلطانه اني واقفه معك هنا
جات بتمشي وسحبها من ذراعها من جديد وارتعبِت : تنتظرين اقول شي يعني ؟
طيف : نادر اتركني ماني حلالك لجل كل شوي ساحبنّي !
ابتسم نادر بغرابة : تصدقين وحشني اسمي من صوتك
بلعت ريقها بخوف وضحك وهو يتركها ويسحب شماغه ويخرج

-
نادِر دخل بيتهم القدّيم وهو يبحث بانظاره عن هتاف وورد ومن شاف ظلام المكان عرف بنومّهم
دخل غرفته وهو يرمي شماغه على السرير ويفصخ ثوبه
وتوجه ياخذ شور سريع وخرج وهو يعدّل ملابسه
تقدم يعدل لحاف السرير وهو يشيل الشماغ ولفحتّه ريحه عطر !
قدمَه من أنفـه بإستغراب وابتسم بتوسّع من عرف انها ريحه عطرَهـا وزادت بسمتـه من تذكر الحدث ضحك وهو يطوَي الشماغ ويدخله الدولاب ، مارح يغسلّه لجل ما تروح ريحتها وتظل حاضرة معاه
-

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹