شاركيني لو مشينا دروب الهنا واعذريني لو لقيتي بدروبي عنا

البارت 121

🌷🍃🌷🍃🌷
🍃🌷🍃🌷
🌷🍃🌷
🍃🌷
🌷 121 ..

📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }

📖🖌 @storykaligi 🌷🍃

" البحِرين "
واقِف أمامه بغضب بعد اتصال بنته بحسن نيِة وفضفضتها الكثيرة بالأمس .. لافعال بدر وردة فعل ثنـيان !
بدر عدل تيشرته ببرود وهو يشوف ناصِر يهدِي بينهم : هدّي يا عمي مب قصده بدر شي بس
قاطعه عبدالله بصراخ : لا تدافع عنه ! حطاك وكيل عنه تدافع عنه انت ؟ عنده لسان ويعرف يتحجى ولا بلعه الحين ؟
بدر بذات البرود : لاني ماسويت شي أبداً ! ليش ادافع عن نفسي وانا مب غلطان من الاساس ؟
سحبه عبدالله من طرف تيشرته وانظارهم لبعض حارقة : ثنيـان ماعنده هالاجوبة ! , لا مردغّك بالأرض محد يقدر يتكلم لأنها زوجته حياته غير عن حياتك انت !
بدر ابتعد وصرخ بغضب : اذيتونا ترا بثنيان ! كل شي قلتو ثنيان ما يرضى على هتان ترا هتان اختي , مسوي يغار عليها وانا اعرفها من قبله ؟ قعدت معانا وضحكت معانا قبل لا اهوه يجي على دنيتها ! ليش ما يستوعب حياتها ويتقبّلها مثل ما احنا رضينا وتقبلنا حياته ؟
ناصر بهدوء : بدر افهم ان اللي تسويه غلط
بدر : اللي اسويه مب غلط وعُمره ما كان غلط دام بيني وبينها حدود !! عاد انتو لا تسوون لي فيها الحين
عبدالله بغضب أكبر : لا تخليني يابدر احرمك منها مثل ما حرمتك منها ٥ سنين ! وتحرّم شوفتها !
رمقه بدر وهو يحس من كتّمه لغضبه بينفجر وبيّن عليه من رجفته : لا تهدد عُمرك يا عمي لا تهدد وانت عارف بالمعزة وتكسرني فيها , لكنه اهو لو براسه حب انا بطحنه له
ابتعد عنهم وهو يخرج من بيت عبدالله بغضب منه وتهديد ووعيد بثـنيان اللي بنظّره خرّب حياة هتـان ومشى كلمته عليها !
—

ناصِر ربت على كتف عبدالله : ماعليه عمي , تعرف بدر وطيشّه مب قصده شي وترا بالاخير ثنيـان بيفهم قصد بدر وبدر بيفهم قصد ثنيان لا تحاتِي
عبدالله مسح على وجهه ليهدأ من غضبـه هو الاخر : مابي المشاكل لبنتي وبس
ناصر : انت تعرف ان بدر اخر شخص بيسبب مشاكل لهتان , يحبها اكثر من نفسه ولو بُعده عنها راحة لها فبيتركها بس تعرف بدر يعاند لو جا الشي بالاجبار , خليِه يفكر بروحه وبتشوفه يّاي يعتذر منك ومن كل شخص غلط عليه حتى لو كان ثنيان
عبدالله هز راسه بزِين : ان شاء الله تصّدق
ناصر تنهد وهو يشتت انظاره بتزفيره انفاسه !

-
بعـد ثلاث شُهور ,
مرّت على الكل بحلُوها ومرارة عيشتها ! بدعـوات حارة مصحوبة من قلوب الامهات

-
الاربعة بسيـارة .. فيـاض وبجنبه سُعود يسوق وبالخلف
عزام المستند على كتف ثنيـان اللي مرتاح بإعلانهم انتهاء المُهمة الاخيرة لهم الاربـعة ! فيـاض نطّق بهدوء وهو يناظر سلاحه اللي على فخذه : نروح المركـز أول طالبـنا الفريق أول ومن بعدها كل شـخص للمكان المطلوب !
سُعود بهدوء من انتبه لنوُم عزام العميق وثنيان اللي مغمض : طال عُمرك باقِي وقت على الوصُول لو ودك تريّح !
ربـت فياض على كتف سعود وهز راسه بنفِي : على القوة .. انتظر مافيه مشُكلة ولو ودك تجي مكاني تريّح واكمل اسوق ؟
هز سعود راسه بنفِي مباشر : مرتاح لا تتعب نفسـك
التف فياض بجسده ليشُوف ثنيان مستند على زجاج النافذة زفر بعُمق وهو يسحب لحافه ويتركه على ثنيـان
ويعدّله عليه من انتبه لعزام اللي مغطي نفسه ببدلته
رجع جسده للامام وهو يغمـض عيونه وبالـه مشغول وطويـل ..

—
بـ بيت الجـد عبدالله .. مجتمعيِن كعادتِهم ليلة العيد دوم للعيِلة من الطقوس الاساسيـة لهم !
هتـان بجنب بشرى والبنات يتكلمون عن تجهيزاتهم للغد بحمـاس
وعبدالله يكلم اولاده عن صديق قدِيم بيكون ضيفـهم
بكُرا , على العِيد اللي بيصير عيدِين بعدم معرفتـهم بوصول العساكر !
-
مرت الاشـهر بدايتها صعبة على هتـان لين صارت متبلدة المشاعر .. لا زالت مخبيّة موضوع الحمل عن الجميع
وتلبس ملابس وسيعه لجل مايبين بطنها اللي بدأ يوضح ! اول رمضان واول عيد ما كانت بقُرب ثنيان اللي انهارت بكاء كل ما تذكرت الشي ! وهوّن عليها ابوها ووقتها اللي قضّته بين البحرين والسعودية .. اشتاقت وجِداً لـه ولوجهه ماكان يكلمـها الا مرة بالاسبوع ولدقايق يتطمن عليها .. ماهو اتصال حتى انما تبادل مسجـات لا غير
رفـعت هتان عينها ناحية الرجال اللي جالسين بعيد عنهم لكنها تشوفهم وسقطت انظارها على هجـام اللي الهـم زاد على وجهه وبدأت تطلع خصلات بيضاء له !

🌷📚 @storykaligi 🌷📚🖋
🍃🌷
🌷🍃🌷
🍃🌷🍃🌷
🌷🍃🌷🍃🌷