🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 158 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
زمت شفايفها وهي تسمح لدموعها بالنزول واكمل هو : عُمر الشي اللي ينكسر ما يرجع ! ولو رجع مايرجع بكلمة نتراجع بتاتاً يا هتـان
وقف وهو يترك بحضنها جبر اللي نام : ولو حصل وتراجعت ، فبتراجع عشان شي واحد بس
رفعت راسها له وهي تشوفه يناظر عيونها وياشر على حضنها : عشانـه ، لان ما يستاهل يعيش بهالشتات من بداياته ، سـلام
التف بيمشي ونطقت : لو الاعتذار يفيد فـ اسفة يا ابو جبر !
ابتسم بهدوء وهو يمشي ، رغم ان ارتاح من التراجع الا ان يحس بأن ماوده فيها حقيقي وزعلان بشكل كبير ، بس من يرجع كبرياءه اللي انهز ؟.
-
عند نجد والليث |
نجَد بكت : ماهو على هواك تحدد ، هذا اسمه انتحار
الليث : اخرجي برا قبل اقوم انا واطلّعك ! اخرجي
نجد غمضت عينها تاخذ نفس ، مدت كفها لكفة ورجع يده واصرَت نجد على مسك كفه وهي تسحبها لها .. احتضنت كفها بكفه وهي تأشر على بطنها : طيب .. بس عشان اللي هنِا ، ارجّع زي ماكنت عشانه مب عشاني
جمّد مكانه وهو يناظر وجهها ينتظرها تنطق بأي شي يوحي للمزح .. او الكذب لكنها كانت جادّة !
جادة بشكل مو طبيعي .. ماكانت تبي تقوله هالخبر وهالوقت تحديداً كانت مترددة انها تقوله فيه لكنها يوم شافت ابتسامته اللي بدت تتمرد على ملامحه ولهدية الله لهم بهالوقت الصعب !
ما ندمت انها تسرعت ابداً .. كانت شاكة والحمدلله ثبت !
,
عنِد طِيف ونادِر ؛ باحد المكتبات |
تفرفر بين الكتب وتقرأ اللي يجذبها وكذلك نادِر .. كل واحد فيهم منفصل عن الاخر لاختلاف اذواقهم بالقراءة
الثقافة مُهمة .. والقراءة ووجود قراء بالفترة الاخيرة رُمبا قلّت وصار صعب يتواجدون محبِين القراءة !
التفت من حست انها ارتطمت بجسد شخص وابتسمت من انتبهت انه نادر : بين رفوف المكتبة نلقى الحُب
ابتسمت وهي ترفع كتاب بيدها : واعتقد ان الحُب بين يدينا ولا ؟
نادر ضحك : اكيد ، بين يديني وقدام عيوني بعد
شتت انظارها بخجل وهي تبتسم : نحاسب ؟
نادر : اخذتي اللي ودك
طيف : الحقيقة هو اني ماحصلت اللي سعيت لجله لكن مستحيل اطلع خاليـة ، خذيت هذا احب اقرأ لهالكاتب
نادِر : عندي سلسلتين له ، لو ودك اجيبهم لك استعارة
غمز وهو يبتسم بمكر ويمشي قدامها ..
طيف انتبهت للساعه : امي فاطمة يمكن تطردنا لو رحنا الحين ، تاخرنا على غداها
نادر مد الكتب للكاشير وهو يمد الفلوس : والله بقولها حفيدتها نست نفسها بين الرفوف وأخرتنا عاد انا انسان جديد ماتقدر تسوي شي ، اما انتي حصلي نصيبك عاد
طيف بحنق : اصلا تحبني ، وعادي كذا ولا كذا بجيك نصيبك من جدي وبضحك عليك يا نادر لين اقول امين
ضحك بخفة وهو يشكر البائع وياخذ الكتب ، مد يده لها لتمسكها ويخرجون متوجهين لبيت الجد عبدالله لان الكل هناك
-
عنِد الحُب .. دكتورتنا بشُرى والعسكري فياض |
زمان المرور عليهم وعلى حياتهم اللي صارت احلى ونفسية بشرى اللي تعدلت اكثر .. رسمياً وقانونياً صار التبني بإسمهم للطفل اللي بكل مرة تزورهم يناديها بـ الاسم اللي انحرمت منه ! وزعزع كيانها ومشاعرها ومشاعر فياض ! لين حكن معاه بالموضوع .. رغم انه كان متردد بالبداية لدرجة الرفض الا انه لان عرف ان مافيه علاج لهم بتاتاً !
" آدم " الطفل الجديد اللي اصبح ولدهم .. وبشرى طايرة وجداً فيه !
دخل فياض وهو ماسك شماغه : يلا يابشرى امي منتظرتنا وباقي احنا مارحنا !
بشرى سحبت جاكيت آدم وهي تمده : امسك ياماما .. البس يلا
رفعت صوتها وهي تسحب طرحتها : بلبس عبايتي وجاية خلصنا
فتح الباب وابتسم لآدم اللي ركض له واحتضنه : اهلا يابابا .. كيفك ؟
آدم : بخير
فياض بحنية : فطرت ؟
آدم هز راسه : ايوه مع ماما ، اكلنا كورن فلكس
فياض : يا جعله بالعافية .. يلا جهزت انت ؟ اركض يلا ع السيارة
ابتسم وهو يشوفه يمشي بتسارع وتنهد بفرح : عقبال تكتمل فرحتنا برجوع ثنيـان
بشرى بابتسامة : ويرد النفوس لبعض .. عاد ودنا نشوف الصغير تعبنا من الصور
فياض ابتسم بتوسع : ان شاء الله امين .. هيا تاخرنا
,
ماسك بحضنه ورد وداخل وهو يدندن وخلفه هتاف اللي مشتعله غيرَه للي حصل بالسوق .. ولا كأنها موجودة !
-
نرجع شوي .. لهتاف وهجام وبنتهم اللي طالعين طلعة عائلية وتسوق
واقف يجرّب ساعة .. وهتاف متكتفة بجنبه تناظر مكان الالعاب وورد اللي داخل تلعب , التفت لهجام وهو ينطق بخفة : سكريها
وانلجمت من الموظفة اللي مدت كفوفها : اساعدك ؟
وما كان من هجام الا ان يمد يده لتسكر الساعة ..
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
