🔮🍃🔮🍃🔮
🍃🔮🍃🔮
🔮🍃🔮
🍃🔮
🔮 149 ..
📚 😍 📃
📖 روايـــــــــــــة ✍🏼
{ شاركيني لو مشينا دروب الهنا وأعذريني لو لقيتي بدروبي عنا }
📖🖌 @storykaligi 🔮🍃
هز راسه نافي كلامها : كلامك دايم موزون , معاك وخلفك بكل خطوة ياروحي انتي !
انتبهت لصوت المذيعه اللي نادتها : دكتورة بشرى , تفضلي ؟
بلعت ريقها وهي تشد على كفه وتناظره بإمتنان من سمعته يقول " معك واناظر لك بكل وقت بتشتتين انظارك لجل تدوريني "
ربت على كتفها وتقدمت بشرى وهي تبتسم للمذيعة من خلف نقابها : اهلاً وسهلاً
.
التف فياض للمخرج اللي متفق معاه ونطق بتساؤل : المفاجئة بتكون بعد كم من الوقت؟
المخرج وهو يناظر ساعته : بعد ٤٥ دقيقة من اللقاء , بتخرج من الباب وانت بتكون بالخارج بُقرب الاولاد
ابتسم فياض بموافقة : على خير يارب
تكتف فياض وهو يعدل الكاب عليه ويناظرها بابتسامه عميقة ..
,
ببيت يوسِف ، ابو ثنيان
تحديداً شِقـة هجام الجديدة
ورد مختفية مع عماتها بالاسفل وهجام يتابع تلفزيون
وهِتاف تبدع بالمطبخ .. انتهت من طبختها وخرجت تبحث عن ورد بعينها : ورد ماجت ؟
هجام انتبه لشكلها المحيوس وكتم ضحكته ، تنحنح وهو يعتدل بجلسته : نجد دقت وقالت بتاكل معهم
هتاف بللت شفايفها : طيب انا سويت باستا ، جايع ؟ احطلك منها ..
هجام هز راسه : عادي
هتاف : طيب اجهز السفرة واناديك
هجام ابتسم لها بامتنان ، ووقف من سمعها تناديه بعد ما جهزت الاكل
عدل تيشرته وهو يتوجه للكرسي لجل يجلس : ماشاء الله يالريحة ، الظاهر مبدعة
هتاف جلست بعد ما مدت له كاسة البيبسي : تظن اني ما اعرف اطبخ ؟ انا فنانة اصلا
ضحك وهو يقرب اللقمة ليذوقها ، وانظار هتاف تنتظر ملامحه ..
بلعها بصعوبة وشرب بعدها بيبسي وهو يبتسم بضحكة ، هتاف باستغراب : ماهي حلوة ؟
حاول يدور كلمة مناسبة للسؤال ولكنه ماتحمل وفقعها ضحك ، اشر لها وهو يحاول يكتم ضحكته : اسف
هتاف بزعل : من جدك هجام ؟ تعبانه وكاسرة ظهري بعدها كذا ؟ اصلا ماعندك ذوق
مد لها من لقمته : ذوقيها تكفين
بعدت وجهها بزعل ، وهجام مدها بإصرار : حلفت عليك الا تاكلينها تذوقين
ناظرته بحدة حزينة لثواني وصدت وضحك بخفة : هتاف هياا ذوقيها
زفرت من اصراره ولفت تذوق ، انعفست ملامح وجهها ودورت اقرب منديل جنبها لفت ع هجام بصدمة : الظاهر اني ضيعت بدل الملح سكر !
ضحك هجام وهو يوقف : بطلب من برا اكل ، وش خاطرك فيه ؟
هتاف بزعل : وهذا مين ياكله ؟
هجام : من جدك من ياكله ؟ ما يناكل من الاساس ! اتركيه عنك بطلب لنا كبسة
التفت يدور مطعم ولف لها من سمع ضحكتها القوية ، وابتسم بهدوء وذهول من ضحكها اللي اشتاق له وكثير !
طول الشهور اللي أمضوها ما شافها تبتسم له حتى ولو نست ، وهالمرة اصوات قهقتها ودموعها الي نزلت من فرط ضحكها يسمعها !
تنهد بحُب وهو يهمس لنفسه : ياجعلها دوم
التفت له وهي تضحك : من جد كيف ضيعت بين السكر والملح بعرف ؟ فشلة وربي مع وجهي اقول اني فنانة وانا من جنبها
ضحك هجام : مشكلتك مدحتي نفسك بشي ما انتي شاطرة فيه
ضحكت وهي تصد عنه وخرج هجام يطلب لهم وهو ماهو مصدق ضحكاتها معاه وابتساماتها اللي تهلكه وكثير !
-
واقف بالخارج وانظاره على وقوف الكل بالجهتين ، وبجنبه الاولاد منهم اصحاب ذوي الهمم ومنهم لا ، اللي ساعدتهم بشرى وكثير وكانت بمثابة أم معهم ! من لحظة ولادتهم الى حد هاللحظة هي معهم بكل مراجعة دكتور وكان وقوفهم بمثابة شُكر عظيم لها
-
بالداخل ، وقفت بعد ما طلبوا منها بانهم ينهون الجزء الاخر بالخارج وماعندها اي معلومة عن المفاجئة المنتظرة .. بحثت بأنظارها عن فياض وتوترت بخوف من مالمحته
اشرت المذيعه للباب : تفضلي اخرجي بالاول
بشرى هزت راسها وهي تفتح الباب بحسن نية .. عقدت حاجبها من شافت اشخاص كثير واقفين لكنها ما اهتمت بالبداية وخرجت باكملها ..
انذهلت ملامحها من شافت بنهاية الطريق فياض وبجنبه جميع الاطفال المرضى اللي كانت تلعب معهم وتضحك .. تسمع صفقات الكل لها وبيد فياض ميدالية
دمعت عينها وهي تشوف الكل يقدرها ويشكرها ، وتمشي للامام لتوصّل الى فياض والاطفال .. يتهاتف عليها كلمات شكر وامتنان
ارتمت بحضنه من وصلت له وبكت وضحك فياض وهو يترك الميدالية بين كفوفه ويحتضنها : قلت لك انك كفو ولا ، فخور فيك يا بعد دنياي
قبَل جبينها ومسح دموعها وابتسم من شافها تنزل للاطفال تحتضنهم بقوة ، بكت اكثر من سمعت شخص يناديها بـ " ماما " ، وتوتر فياض من حس بمشاعر كثير فاضت عليه ورجع خطوات للخلف
احتضنت بشرى اللي ناداها .. اكثر طفل تعشقه وكثير وكونه يتيم كانت تشوف امومتها فيه وعليه ، وتلبي جميع طلباته واحتياجاته
🔮📚 @storykaligi 🔮📚🖋
🍃🔮
🔮🍃🔮
🍃🔮🍃🔮
🔮🍃🔮🍃🔮
أنت تقرأ
شاركيني لو مشينا دروب الهنا واعذريني لو لقيتي بدروبي عنا
ChickLitرواية سعوديه منقولة ( فقدان ، قتل ، ظلم ، محاولة زواج اجباري ، غرور وتكبر ، شجاعة ، مشاعر ، صداقة ، وفاء ، حب ، زواج ، وفاء ، بحث ، تحدي ، نهاية سعيدة ) تابعونا ... @storykaligi 📖
