شاركيني لو مشينا دروب الهنا واعذريني لو لقيتي بدروبي عنا

البارت الثانا عشر

🌹🍃🌹🍃🌹
🍃🌹🍃🌹
🌹🍃🌹
🍃🌹
🌹 12 ..

📚 😍 📃
📖 روايـــــــــــــة ✍🏼
{  شاركيني لو مشينا دروب الهنا وأعذريني لو لقيتي بدروبي عنا  }

📖🖌 @storykaligi 🌹🍃

هتاف ابتسمت : واحسن لجل ما تجلس لحالها بالبيت !تقضيِن وقتك بشي مفيد
طيف بخوف : بس انا ماعرف احد هِنا ! وما اعرف احد بالكلاس ! مابي احس مرتاحه اني جالسه هنا واساساً تسليّني ورد
نادر بمصارحة : ماندري لمتى بتجلسين هنا ! لازم تستغلين كل وقتك لجل اذا رجعتي عندك انجازات سويتيها هنا !
طيف هزت راسها بنفي : مشتاقه لاهلي ودي ازورهم !
نادر : مستحيل الحين مستحيل يمكن موضوع الشايب ما خلص وموضوع اخوك بعد ما خلصّ !
طيف ابتعدت عن السفرة بزعل وهي تتوجّه لغرفتها ، مشتاقه لاختها وامها ، حِنية ابوها وفرحة ثنيان وخذِلان هجام

.
نادِر تنهد وهو يشوفها تتوجه لغرفتها وتسكر الباب ، هتاف التفت لبنتها ورّد اللي كانت بتكّب الموية عليها بسبب ارتفاع الطاولة عنها
هتاف : لا يماما لا !
نادِر زفر بعمق وهو يقوم من السفرة بهدوء : الحمدلله تسلم يدك
هتاف ابتسمت له وهو ابتعد ودخل غرفته ، يحضّر لكلاس الغد !
.

السعوُدية - الخُبر
قبل بوقت حتى ! قبل تتصل هتان لنجد
جالس ثنيان بحضن جدته كعادته وهي تمسحّ على شعره ومحتضن ثنيان كفها الثانيه ويقبلّها بين لحظة ولحظة
الجدة فاطمة بحنية : اقول ي يمه ماودِك تعرْس وتفرحني !
ضحك ثنيان بهدوء وهو مغمّض عينه : بتزوجيني يا جده ؟
الجدة فاطمِة : ودي افرح بِك !
ثنيان اعتدل ونطق بمزح : لقيتي لي عروسه ؟
نجد اعتدلت : لا ي جدة هذا ماهو وجه زواج خليه عزّابي
ثنيان ضحك بذهول : شف البزر وش تقول ! تغارين علي ! لكن عناد اتزوج واقهرك
نجد قامت لما شافت اتصال هتان وهي تضحك : وع اغار منك انت ؟ ولا عليك يالله اخر احلامي
.

رجِعت وهي تجلس بهدوء بعد اللي شافته لكنها طوفّتها مصدومة ومستثقلة الموضوع لان ثنيان ما يخبّي شي عنها ! وهذا شي كارثي بالنسبة لامها بعد حادِثته اللي تركتها تحلف له لو ما تركّها ما بتسامحه !
ابتعد ثنيان من قرب جدته وهو يقترب من نجد اللي تناظر الفراغ بشتات !

جلس بقربها وهو منتبه لجوالها اللي يضوّي كل شوي باسم هتان ونطق بهدوء : نجد !
نجد فزت وهي تلف له ونطقت بتسارع : مافيه شي
ثنيان : بس ماسألتك ! كِذا تخليني اتأكد ان فيه شي
نجد اعطته نظره بجمود وهي توقف : شِفت شي بس انتظر يتأكد ، بطلع اشم هوا
ثنيان تأملها وهي تعدل شعرها وتخرج وناظر جدته الساهية بكوب الشاي تنتظر زوجها وخرج ثنيان خلف نجد ونطق بجمود : من هتان صح ؟
نجد جلست ع سياج المِضمار : مو صح
ثنيان : تخبيّن عني ؟
نجد بتسليك غاضب : شي خاص ثنيان اتركني لحالي اذا تأكد بعدين اشوف ينقال والا
سكت لثواني ونطّقت بتشتيت للموضوع : طيف ؟ ماكلمتك
ثنيان رمقها بهدوء حاد وابتعد بعد ما دخل يدينه في جيوبه : شي خاص اذا شفته شي ينقال بقوله
رمقته بحدة من شافته اعطاها ظهره ومشي وعرفت ان يرجّع لها حركتها زفرت وهي تشوف اتصالات هتان
نجد بهدوء : هلا
هتان وهي تتنفس بتسارع : ويعّه نجد ليش ماتردين !
نجد : كنت مشغولة
هتان حكت حاجبها : انزين شسمه طلع اخوك ؟
نجد بتكذيب : لا ، من اللي رسلت لك الصورة !
هتان اعتدلت بجلستها بذهول : نجد قاعده تكذبين علي صح
نجد ناظرت الفراغ ونطقت بهدوء مخيف : هتان ! انا مانيّ غبية طيب ؟ الصورة بِشقة اخوي ! ما يهمني اذا كانت قديمة او جديدة بس محد يدخل شقته غيري انا وطيف ولا انا ولا هي صورناه ! ممكن توضحين من اللي ارسلها لك ؟ بعدين صديقاتك هم صديقاتي ليه ما ارسلوها لي مباشرة !
هتان عضت شفايفها وهي تشتم نفسها : شدعوه يبه شوي شوي انفاسك نجد ! الصورة وصلتني من بنت بالجامعة مو بتخصصنا تقول اخوها كان حاطّها بستوريّه بس وشكت وسالتني لانها استحت تسألك
لوت نجد شفايفها وهي تنزل من السراج وتمشي : طيب
سكتت لثواني ونطقت : متى بترجعين السعودية ؟
هتان : لو تلاحظين هذه ثالث مرة تسأليني واقولج بعد ١٠ ايام
نجد وهي تنتبه لهجّام اللي دخل : من الشوق صدقيني ، طيب اكلمك بعدين
هتان : تمام انتبهي لنفسك ..

مشت بتسارع من لمحت هجام ونطقت : هجّام !
التف هجام لها ونطق : نعم ؟
نجد شتت انظارها ونطقت : ما جبت جدي؟
هّجام بتزفيره : لا ليه هو وينه؟
نجد بلعت ريقها بخوف منه وشدت ع جوالها : بالمسجد
هجّام ابتعد عنها وهو يخرج متوجه لجده ، تنهدت بخوف وهي تكتم حتى انفاسها لما تكلمه ، ما ترتاح له ابداً وشتّان بينه وبين ثنيان اللي تسدح له كل شي وكل مصيبة وهي عارفة ان بيفهمها بمثل حِسن نيتّها !

🌹📚 @storykaligi 🌹📚🖋
🍃🌹
🌹🍃🌹
🍃🌹🍃🌹
🌹🍃🌹🍃🌹