🌙 رمضان كريم 🌙
✳ الجزء 5 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
وصلو الحي و دخلو كي دورو راسهم فيه حتى وقف قدام الدار و نزل و نزلو معاه تشادو البنات مع بعضياتهم فرحانين قربو ينقزو بالفرحة كانت في الصيف مراكش الحمرة سخونة شافو في لعضيتهم حتى خرجات مرات عمهم و كترحب و تسلم بيهم بقلب صافي و صادق
نزهة:مرحباااااا و الف مرحبا بختي عيشة نورتو
عيشة(كتسلم عليها بالفرحة):ترحب بيك الجنة ا ختي نزهة
نزهة(سلمات على البنات):مرحبا لبنات لوسي زيدو دخلو مرحبا ادم زيد سلم مرحبا بيك
زاد ادم سلم عليها و دخلو حيدو صبابطهم و جلسو كانت الدار باردة حطات ليهم صينة ديال الماء بارد و اكرام حيدات نقابها و جلسات حداهم كي سولو و يعاودو و شحال ديك الدخلة كتكون حلوة راه كلشي حاسسها الا مشيتو عند ناس قلبهم صفى من الحليب كتكون الفرحة عامرة في القلب اما الا مشيتو عند ناس عارفين مكيحملوش فيك الشعرة كتكوني محملاش الجلسة معاهم
عيشة:اوا كيف دايرة واحد اناس فين هي
نزهة:ايناس مشات تطبع شي وراق على قبل الخدمة راك عارفة سيفييات
عيشة:مزال مسيكينة كدور
نزهة(هبطات راسها):اوا رجى في الله اختي معند الواحد ما يدير
عيشة:اوا صبر صبر كلشي كي فوت
اكرام:الخدمة ا خالتي مبقاتش في هذه الوقت
مينة:بصح ا خالتي خاص باك صاحبي و شوف تشوف
نزهة:انا كون ساعفتني دير مشروع لراسها
مينة:بصح انا مكرهتش لي تدخل معايا شريكة والله العظيم خديت الايجازة و بغيت نفتح وافاكاش و خاصني لي تعاوني نحلوها بجوج مشروع رأسنا اكرام عندها محل ديالها ديال اتواب و العبايات النسائية و انا بغيت نفتح المشروع
اكرام(تبسمات):حتى هذا نضر تجي تجلس معانا و ديروه
نزهة:تجي و نشوفو معاها على الله ا بنتي الواحد هو لي يدير مشيريع راسو و شحال قادة يتسنى
عيشة:تقولي ا ختي الواحد كي جري على قبل مستقبالو ا ختي
اكرام:خالتي البيت نبدل حوايجي
نزهة:ها انت ا بنتي بيت ديال ايناس دخلي ليه و بدلي
مينة:تسناي انا جاية معاك
ناضو البنات و نزهة شافت في عيشة:مقلتي ليهم والو
عيشة:لا مزال
نزهة:لا راه خاصك تقوليها ليهم راه الدار عتبقا مسدودة عمهم الكبير فرق الورت كيف قال ليه باه و كل واحد اش جاه في حقو اكرام راه خلا ليها حوينيت هنا في راس الدرب على قبل مشروع ديالها و ايناس و مينة نشوفو اش يديرو و انتوما راه خديتو طبقة الفوقانية
عيشة:الحمد لله
ادم:دابا عنبقاو هنا ياك
عيشة:الا كتاب اولدي
ادم:و رحيل
عيشة:وصيت لي يجيبو لينا و انا عنهبط و نطلع معاهم حتى نوصلوه من فاس لمراكش
ادم(ضحك):ياااه دابا عنعيشو هنا
ناض كي نقز و نزهة وقفات:يالله نمشي نجيب الخص ندير شلاضة علا ما تجي ايناس
عيشة:تسناي نمشي معاك
ناضو لبسو جلابهم و خرجو من تما كي تحتو و يضحكو و لي دازت من حداه كي سلمو على نزهة و يرحبو بعيشة🌙 رمضان كريم 🌙
✳ الجزء 6 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
وصلو السوق و بقاو كي سولو على خص خدات الباربة و مطيشة و الخيار و الخس حتى هو دازو عند مول الحانوت و وقفات دايرة يديها على جنبها و نطقات
نزهة:سي عبد القادر
عبد القادر (واحد الحمراني مراكشي قح):ا نعام ا لالة نزهة اش حب الخاااطر
نزهة:عطيني واحد جوج قراعي موناضة كوكة و البومص و عقطيني واحد 4 الخبزات
عبد القادر:هي الأولى الآلة نزهة
عيشة(غلباتها الضحكة):واش كلشي كي دوي هكدا
نزهة: مراكشيين الصحاح اه
عيشة:ادم مشا يتاتر بيها
نزهة(ضحكات حتى كتشوف جارتها دايزة و محملة على ضهرها بنت ولدها):كيف دايرة اختي نادية لاباس بيخير
نادية(دارت عندها و تبسمات مشات سلمات عليها):نزهة لباس عليك بيخير
(شافت في عيشة و سلمات): لباس عليك اختي بيخير
نزهة:هذه عيشة مرات لوسي الله يرحمو جارتنا الجديدة
نادية:مرحبا ليك ا عيشة زارتنا البركة
عيشة:ترحب ليك جنة
نزهة:الله الله الله على كبيدتي الشمش عتحرق ليها راسها
نادية(رجعاتها القدام كتقاد ليها الطربوش): اوا شنو ندير راه امانة
نزهة:مزال ما مهداه الله
عبد القادر:هاك ا الآلة نزهة ختي نادية كيف دايرة لاباس
نادية:الحمد لله
نزهة:شحال عندي ا عبد القادر
عبد القادر:حتى يدوز راجلك ا الآلة نزهة
تبسمات و زادت معاهم نادية:اوا قولي ليا اختي نادية مزال ما هداه الله على هذه البنية خلاص
نادية:مكتاب الله كي تصرف
نزهة:غير لبارح جا محيح في الحومة كي غوت تحلو ليه كون ما سي عبد القادر لي دخلو عندنا و سد عليه لا يمشي يدير شي موصيبة
نادية (قلبها كي يبكي دم على ولدها):الا من عند الله مرحبا بيها و الا من عند العبد الدعوة بيه الله في هذه النهار ولدي كان دريويش حتى تلاقا مع ديك العائلة ها مراتو ماتت و خلات بنية مسيكينة يالله كانت عندها عام مزال ما قفلاتو و ولدي ولا كل ليلة يدخل سكران لدار حتى من خدمتو سمح فيها والله ياخد الحق
عيشة:صبر اختي صبر مكتاب الله هذا معند الواحد ما يدير
نادية:و نعمة بالله
نزهة:اربي الآلة نادية لاما دخلي تغداي معانا راه عارفة هبة خدامة و انت غير بوحدك في الدار
نادية:بصحة اختي نزهة والله غير خليني نمشي نعس شمس و نقضي باش ما كان
عيشة:والله حتى دخلي اختي نادية حنا دابا راه عنوليو جيران
نادية بقات كتشوف في الاخير دخلات سخرتها الدار كطل كتلقى صباط ولدها مشات الصلة كتلقاه ملاوه دازت عماين على موت لمياء و هو في هذه الحالة شنو سبب لي وصلو غير شهرين الأولى كانت مزيان و بيخير ا غير ما عطاه و ولا كي شرب و يسكر و يدخل في ليل يغوت و ينطق بكلام ممفسرش دعات ايه بالهداية سدات عليه الباب و خرجات من الدار مشات عند نادية
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
