🔥 اكرام توبتي 🔥 ( الدارجة المغربية ) تيما مبارك

الجزء 17 و 18

🌙 رمضان كريم  🌙

        ✳ الجزء 17 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

الايام كتجري و كلها كي جري على قبل خدمتو من قنت القنت اكرام قادات المحال و رجعاتو كي شعل مشات مع مها الفاس و قادات الامور ديالها لي دافع ليها العربون عيطات ليه يجي يدي عبايتو و لي خلا ليها الفلوس على نوع معين من العبايات رجعاتو ليه جمعات الرحيل ديالها و دارتو في 207 و صيفطاتو المراكش بكلشي ليه

رجعات مع مها الدار عاوناتها في الرحيل كامل و لي معندهم ليه غاراض يا باعوه يا صدقوه حتى كملو كلشي في خطرة و حملو لي عيتصيفط و لي بقا حتى يمشيو ليه كاملين

خرجو يركبو و كي سلمو على جيران كاين لي مسخاش ليه و كاين لي بقات فيه الشمتة على جوج بنيات كانو باغينهم لولادهم  و كاين لي ممصوقش كاع سلمو عليهم و زادو ركبو شدو طريق فرحانين ببداية حياتهم جديدة في مدينة جديدة قراب لعائلتهم و قلبهم عيطير بالفرحة

شنو مخبي الزمان حتى واحد ما عارفة من غير الله سبحانه و تعالى هو لي كي يسر لينا الامور و هو لي عارف مصلاحتنا

وصلو الحومة و نزلو الرحيل لي بقى طلعوه دراري الحومة معاونين الطبقة التانية لقاو نزهة و مينا سيقوه و رتبو المطارب و قادو الصالة و بيت نعاس بقات غير الكوزينة يالله حابو ليها رحيلها مشاو تجبدو يرتاحو و اكرام حيدات خيمارها و مشات توضأت تصلي الضهر و العصر حيت فاتها عاد رجعات جلسات حداه

مينا(من الكوزينة):مييي واش نشعل التلاجة
اكرام:لا عنداك
مينا(خرجات منها):علاش
عيشة:راه الكاز لي فيها مخلط ا بنتي خليه حتى يتركن
اكرام(ضحكات):و باااااز ضحكتيني
نزهة(طلعات ليهم صينة اتاي و مسيمنات ياكلو يردو الروح):كيف كان الطريق
اكرام:مزيانة الحمد لله

عيشة(شافت في اكرام):هداي عليا ديك الهوندة لي دبر لينا عليها ولد المامون هي غادا و باركة علينا طىررر زلاااق طىررر زلااق تقولي راكبين على حمار زوينة قال ليك ضبر لينا عليها نحيلة با با على نحلية

اكرام:شداتني الدوخة فيها
عيشة:بسيف و هي عامرة غير ريحت المازط تقولي كان كي دوش ليها بيها
مينا(ضحكات و كبات اتاي):المهم جيتو مفوجين و صافي
عيشة:طالق ليك واحد الديسك كي عقل على ايام بويا عمر غادي مزگ و هذه لي حدايا باركة عليا استغفر الله
اكرام:و باااااز امي انت شديتي في الدري و ما بغيتي طلقيه تقولي غير عتزوجيه وحدة من بناتك

عيشة(خيبات سيفتها):امممم شلااااا ما ندي ليكم انا والله و ما كان راجل بناتي قادة و همة و شان لا ديتوو ليكم هاي هاي شايطين عليا بناتي اوا صافي
ايناس(ضحكات):ا خالتي هي نشوفو ليها ولد خالتي نادية راها تجي معاك
نزهة:شكون
ايناس(شارت الاكرام)
عيشة:أجي هااا متقوليش ليا داك السكايري
نزهة:هو هداك
عيشة(طانزة على بنتها):هو عاطي العين
مينا(ضحكات):واييه هي لي تصلاح ليه تاخدي فيه اجر مسكين
اكرام(ضحكات الحال شيرات عليها بمخدة بمرح): بعدو مني

ناضت البيت و نزهة ضحكات:وييليييي شوفي ليك البنت حشمااااات

ضحكو على اكرام لي دخلات البيت و فرشات صلايتها باش تصلي المغرب عاد تخرج التاكل اما الباقي عطاوها لهريد الناب و القيل و القال حتى سمعو الغوات في الزنقة🌙 رمضان كريم  🌙

        ✳ الجزء 18 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند شرف لي ولا ينوض الصباح بكري و يتبع ختو حتى المحطة الطوبيس فين كتركب و يقلب الطريق هذه المدة ولا يدخل بصيلونص و يخرج بصيلونص و راه الحومة رتاحت من صداعو شي شوية علاش قاني و شنو لي نخليه مهدن حتى واحد ما عارف

كي رجع الدار و يدخل يجلس كي حك راسو و يفكر و عقل غايب حتى واحد ما يقدر يدوي معاه بنتو هي الاخير الا غير بتاسم ليها راه بحال الا دار شي انجاز عظيم

جالس شاد تيليكوموند في يديه و كي قلب من قناة القناة الكورة و مو في الكوزينة كتعجن المسمن العشية مرادينش البال لشمس لي كدور من حيه الجيه او بالاحرى نادية عند بالها ولدها راد البال لبنتو و هو كي تفرج

جابت صينية اتاي و هي كضحك معاها و شمس كتفرنس:ا بنيتي واش كتلعبي ا حبيبة ديال ميمة اااه

شمس كتفرنس ليها حتى نطق شرف:لقيت الشاري لدار عنبيعها الا كتاب السيمانة الجاية گاع

نادية(عطاتو النخال حيت من نهار قال ليها عنبيعها و هي قاطعة عليه الهضرة مشات الكوزينة تكمل شغلها)

شرف(غوت):قلت غير نعلمك راه لقيت برطمة في أكادير عتمشيو تعيشو تما غير غنبيعها عناخدها تباتو ما تصبحو هنا راه دوين مع حمزة عيرد ليكم البال تما

نادية نخال و ااااخ من قلب الام لي كي تقطع طراف طراف على ولدها و كيف ولا تمنات كون ماتت قبل ما يولي في هذه الحالة الولد لي كانت تباها بيه قدام الناس بالإخلاق ولاو الناس يشمتو فيها عليه حيت ولا خارج الطريق

دموعها مع الحجينة كي هبطو واش هذه هي الامانة لي خلاه ليه الاب ديالو واش هذا هو الرضى لي كي قلب عليه اي واحد شنو وقع مع ولدها حتى تبدل شنو لي واقع من مور ضهرها و هي معارفاهش الغبينة كتنهش قلبها مسكينة ومعالم بيها غير الله

وسط دوامتها كتسمع صرخة في الدار كاملة منين خرجات لقات شرف طاير ببنتو الطواليط طالق عليها الماء بارد كان كي حك عينيه و هي مشات كتشوف في الطبلة مدات يديها و جرات مانطيل لي فوق الطبلة هبطات الصينية اتاي كاملة تجرات بكيسانها كان كا شرف لي رد البال ليها كانت البنات ماتت مفيهاش تخرشيش حيت البراد كان عايتكب ليها على وجها لولا لطف الله طاح ليها على يديها لي جرات بيها و رجليها تحرقات منها و صدرها لي طير االتيشورت لي لابسة من على لحمها و طلع عليها الما بارد يبرد ليها

نادية(مفزوعة):مالها مالها مالها
شرف(غوت):علاش حاطة الصينية لي الطبلة علاااااااش
نادية :مرديتش البال مرديتوش

طار بنتو خرجها من تما و غوت في راس الدرب و البنت عتهبل بالبكا و الحمها دغيا لفط ليها و دار جلدة البيضة من الفوق غوت ربي لي خلقو على جار ديالهم

شرف:فووووووؤاااااد