🔥 اكرام توبتي 🔥 ( الدارجة المغربية ) تيما مبارك

الاجزاء 131 132

✳ الجزء 131 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

خرجات اكرام من الدار و نفس الشخص لي كان حاضيها من هذا شحال تابعها و المضى عندو تحت الحوايج غادي و كي حك راسو شمكار بمعنى الكلمة الوشام و حتى يديه مضروبة من العنق حتى الدراع و واحد الشعكاكة طالعة السماء كيف الدجاجة

اما هي وصلات الدورة كتشوف بنية كتبكي و جالسة حدا العتبة غاضتها مشات عندها تحنات

اكرام:مالك ا ماما علاش كتبكي
***(هزات راسها):تلفت على دارنا
اكرام:كيفاش واش معقلاش على الدار
***:لاء ا خالتو
اكرام:اشنو سمية ماماك
***:بشرى
اكرام:واخا مخفضاش نمرة تيلي ديالها
***:اه حافضاها
اكرام:عطيها ليا نصونيو ليها

مسحات عينيها و عطاتها النمرة لقات المرة جاوباتها و نعتات ليها فين شدات البنت من يديها و زادت غادا فين نعتات ليها في الوقت لي كانو هي غادا و لاخ تابعها عماد كان شافها وقفات مع البنت و شدو الفضول و او ربي سخرو ليها تبعها و هو كي ستلت شافها خرجات على الحومة و دخلات التانية و قلبو بدا كي ضرب خصوصا منين دار و لقا لاخر جبد المضى عرفهم لاعبينها و مستدرجينها عطا رجليه الريح لشرف يقولها ليه قبل ما يفوت الفوت

اما اكرام وصلات البنت الحومة و هي ترخي منها و مشات كتجري هربات و اكرام معرفات والو و مفهمات والو شافت فيها و مقدراتش تغوت تنهدات و جات تدور و هي تلقا داك الشمكار قدامها و 3 صحابو مدورينها بيناتهم خافت

ولد العرج:يا هلا يا هلا بالهوانم واااا صاحبي شوف شكون هنا
***:مرات سي شرف عندها هنا في الحومة نورات
اكرام:عافاك خليني نمشي بحالي
ولد العرج:عاودي اش عافاك سمعتو الدراري قالت عافاك

شدها من جهة مؤخرة راسها حتى مشات و جات و شاف في الناس لي خرجات تطل في الزنقة و شاف في صحابو

ولد العرج:راجلك دخل بااا الحبس و اليوم نصيفطو ليه مراتو مشوهة
اكرام(دموعها سالو):شنو درت ليكم بعدو مني
ولد العرج:كتبكي لا مخاصكش تبكي حيت خاصني نعطيك كادو ديال عرسكم احسن حنة ولكن مشي بالابرى

هز المضى بين يديه و وراه ليها:بهذه

اكرام قلبها مشا و جا منين رماها لصاحبو شدها و هي عتموت بالخلعة شاف فيها ولد العرج و نطق:اليوم نشوفو واش سي شرف واحد الزين اليوم نشوفو هذه الوجه لي مخبياه على ناس

كتحرك راسها بلا و هو مشا ليها كي حدو ليها و هي كتبغي تحرك لكن والو مقاداش و كاين لي كي ضحك كاين لي عيط البوليس تخبية لا يمشي يدير ليه شي حاجة و كاين لي غير كي تفرج و يتحصر مقادين يديرو والو بلا تيلي لي واحد شادو و كي صور بيه

نتف ليها نقابها و تعرى شعرها و وجها من قدامهم خلاهم كي شوفو فيها بنضرات شهوة و ريوگاتهم سائلين

ولد العرج:وااا ناااري الدراري المسخوط خدا الزين ولكن خسارة عندوقوه حنا الاولين شكون فيكم لي بدى

كتحرك و تغوت يرخيوها و هي مزيرة قرب ليها واحد و هي تهز رجليها و عطاتو المهم متخليهمش يقربو ليها و زهر مجاتو غير الحجرو خلاتو يتلوى العرج تعصب و عطاها بداك المضى الرأس حتى طوش الدم✳ الجزء 132 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

شدها من شعرها و كي دي فيها و يجيب و هي كتغوت حتى واحد ما قد يزيد ليها المهم تكرفصو عليها بالمزيان بالتصرفيق غير على قبل شرفها لي كان واحد باغي يوصل ليها و دم لي في وجها خلاص بقا غير كي هبط مع الحرارة دم سخون

و ع:طوال لمك اليدين اااه دوي والله يا مك اليوم نصفيوها ليك اليوم نصيفطو مك عندو مشوهة

اكرام كتعافر و تضرب برجليها حتى جات الضربة في لي قبل منها شادها قصحاتو و بغات تهرب لكن شدها لاخر من شعرها و جارها عندو و طلع ليها باقي لي بقا من نقابها على عنقها حتى خنقها بيه العرج ناض ليها و كي شوفها مكتقدرش نفس شاف في صاحبو طلقها نزلات الارض كتنفس و تكحب و لاطراس على عنقها باش

ولد العرج(تحنا شدها من شعرها و طلعها عندو مخنزر):البزناز كي سلم على راجلك دا ليه الأولى و عنتبعو ليها التانية

يالله عنزل عليها بالمضى يشوه ليها وجها كي حس براسو مضروب لراسو بحجرة رخا اكرام اي بقات كتحكب و شادة على عنقها

كان شرف لي طالعة ليه ديال بصح كي شوف فيها اش دخلهم في اكرام علاش يمشيو ليها معارفش  بنت سميرة متسرطاتش ليها انه تزوج صافي بقات غير صدقة و يديها عندو الدار خصوصا انها كتحماق على شرف و كانت حاسدة ختها عليه

غير وصل كي شوف صحاب العرج شادين اكرام و شعرها مطلوق و وجها مكشوف و دمايات هابطة ليها على وجها و خانقينها ولاد الكلاب و الناس كتفرج مانعين شي واحد يدخل كان داير المضى بين يديه علاين يخصر ليها وجها

تما جن جنون شرف مشا ليه نيشان هز حجرة و شيرت على مو حتى فلقو و طوش الدم و حتى عليه من القرفادة و عطاه الرأس نيشان بداك المضى صحابو بغاو يزيدو كي سمعو صوت سطافيك شي حد وصلها ليهم عماد شاف القضية عتحماض و عيمشي فيها مشا خدا المضى  من يدين شرف لي كان هازها و عينزل على مو بيها الكرش ساعة شاف الله من جيهتو

هرب بيها عماد بين النسا و شرف مبرداتش ليه تحنى عليه مكاين غير الله يعطيك صحيحتك في الضريب

شرف: مراتي الكل  ب مراااتييي اش قربك ليها اش قربببببببككككككك اليوم نق   تل مك اليوووووووم

ما فكو غير بوليسي لي جرو من يديه مبعدو و شدو ولد العرج طلعوه و البوليسي كي دوي مع شرف و دافعو الحيط حيت كان عيطلع ليه حتى السطافيكا عندو يقتلو بقا معاه حتى برد او نقولو هدنو شوية و خاصو يجي هو و اكرام لعندو يقدمو الشكاية ديالهم و هو حلفها فيه حتى يغرق لباه شقف دار عند اكرام لقاها جالسة في الارض و جامعة رجليها عندها و الناس قالك زايدين عندها يعاونوها