✳ الجزء 318 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
منين مشاو اكرام جمعات الدنيا و دارت العشى دجاجة مبخرة معمرة بالكبدة و الشعرية الصينية و الزيتون و دارت شلاطة معاه و خلاتو يطيب و خرجات كتشوف شمس لي كتعاود صورة الناس واخا كتعكل ولكن مزيانة تحفظها جلسات حداها و بقات تعاود معاها حتى تسرح اللسان و هي كتحفظها ناضت طلات على الدجاج لقاتو طاب طفات عليه و خلات يبقا سخون حتى يجي شرف و ديرو في الفران و شعلات السخانة و دخلات هي و شمس الحمام دوش ليها و لبنتها مزياااان و خرجات عند مشات لبساتها و لبسات حتى هي و طلقاتها خرجات و هي بقات تنشف راسها حتى كتسمع الباب تفتح و شمس كتمشي كتجري الدروج خافتها تزلق و طيح خرجات بالزربة خطفاتها قبل ما توصل
اكرام: ناااريييي ا بنتي اتسكتي ليا القلب معاك
شمس:باببباااا
اكرام:ها باك سيري عندو
شرف(مد يديه كي ضحك):الله الله اري ليا بنتي اريها
شمس:بابا حفظت ارأن
شرف:أجي جلسي و قولي ليا اشنو حفظتي
(باسها في عنقها كتفرنس):اااااح الله رحت البانظوش تعطعط منك ا روح باباك اكرااام
اكرام(خرجات):نعام
شرف:راه لي وصيتي عليك
اكرام(شافتو و فرنسات):لهلا يخطيك عليا
هزات الشبيكة و دخلاتها الكوزينة خلاتها كتلقا الخيار ضحكات ولات مضروبة عليها و معاه شي فواكه جابهم ليها هزات تغسل الدجاج دارتو في الفران يتحمر و هي كنسمع شمس كتقرى عليه سورة الناس بطلاقة شحال فرح و فرحتو ميعطيها الحد شمس بدأت تدوي و تفرز شوية و ولا صوتها طالع في الدار و هذا دليل على انها طالعة دكيا و حتى ملاحظة ديالو ان طبع اكرام و صفاتها تزرعو في شمس بزاااف حتى هي ولات تشعل التلفازة يا اما دير الرسوم يا اما دير شيخ في التلفازة واخا مكتعرفوش اش كي قول المهم تسمعو و الا شافت اكرام كتقرى القران تجلس حداها و الا صلاة تمشي تصلي حداها واخا كتلعب اللهم انها كتعلم حاجة مفيدة
و هذه الشي ناتج من الموحيط لي كي عيشو فيه الاباء مشي جميع الأبناء كي تعلمو بحال هكذا حيت كاين جوج خوت واحد كبير و التاني صغير يقدر الابن الاصغر يطلع حشايشي و الاكبر يشد طريق الله حيت داك الطبع كي اثر يا اما بسلبي يا اجابي و بنسبة الشمس هذه حاجة اجابية
جات مسحات الطبلة و حطات شلاضة و مشات جابت طبسيل دجاج محمر حطاتو معاه الخضرة مبخرة و الخبز و جابت عصير اليمون معصر مزيان و حطاتو و جلسات
اكرام:أجي ا ماما تعشاي باش تنعسي مشا الحال أجي
شمس(نزلات و جلسات عندها):واحا
شرف:لسانها تطلق
اكرام(كتبرد ليها الخضرة و تحط فيها طرف الدجاج):كان خاصها الرعاية ا شرف بزااف
(حطات يديها على راسها):مزالة طايبة
شرف:راه الدوا ديالها
اكرام:واخا
شرف(كي مد ليها حتى هي تاكل):علاش مبغيتيش تمشي العرس
اكرام:مبغيتش و زيدون مخلط
شرف:فهمت كنقول كون فوجتي
اكرام(شافت فيه):سخيتي بيا
شرف:شكون يسخى لهذه الزين مكرهتش نشد عليك و ميشوفك حد من غيري
اكرام(صغرات عينيها):و باااااز زعمة كي شوفوني الرجال
شرف:لا زعمة غير انا
اكرام(ضحكت):كول كول باززز ا سيدي
شرف(ضحك):شبعات
شمس:نااااااا طااافييييي نينييييي مااااماااا نينيييي نووووووووض
أنت تقرأ
🔥 اكرام توبتي 🔥 ( الدارجة المغربية ) تيما مبارك
Ação🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
