🌙 رمضان كريم 🌙
✳ الجزء 23✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
دخل كي نهج الداخل وجهو مزنگ بالاعصاب صباحتو لله كيف كنقولو اما هي نادية جلسات حداه و هي كتبكي و اخ من دمعة الام شحال خايبة كتقطع في الخاطر داى عندها ناض باس راسها و هذه كانت اول مرة يديها من هذا شحال صدمها صدمة عمرها كانت كتوقع انه يرجع يبوس ليها راسها
شرف:سمحي ليا امي
نادية فرحتها لقدااش ناضت من بلاصتها و عنقاتوو و هي كترغب و تزاوك فيه يبعد من دريقها هذيك فيها التفرعين و هما ما قادرين عليها و هو ودن عندها و ودن مشي عندها بقا جالس معاها شوية حتى بردات. ناض طلع البيتو لقا شمس جالسة و كتشوف بعويناتها في صورة ديال مها و هبة جالسة حداها
شرف:هبطي عند مك
هبة:واخا
مزادتش معاه الهضرة حيت باين معصب هبطات كتجري هو جلس حدا شمس كتشوف فيه و تشير ليديها
شمس:ديدي بابا
شرف(هزها باسها ليها):خلعوك ا بنتي
شمس(هزات راسها باه)
شرف:تبقاي مع ميمة ولا تمشي عند جداتو
شمس(حركات راسها بلا):ميما
شرف:مبغيتيش تمشي
شمس(حركات راسها بلا)
شرف(عنقها):حبيبة دباباها معنخليهمش يديوك انت بنتي الغزاااالة ديالي الفنة ديال بابا
شمس اول مرة تحس بدفأ ديالو بحال هكذا كان يعنقها و يبوسها ولكن بشكل سطحي اما دابا كي ضحك معاها و يبوس ليها يديها و هي كتكركر بالضحك و عاحبها الحال مو طلعات على غفلة تجمع الطلبة كتسمع الضحك و نشاط في البيت ديالو مشات فتحات الباب شافت شمس في نادية نزلات كتضحك
شمس: ميما بابا هام هام
نادية(هزاتها كتضحك معاها):باغي ياكلك يالله نهربو منو يالله
شمس (تخبعات و كطل عليه):ايييو
شرف(فلتات ليه ضحكة من وجهو):ياك ا شيطانة
نادية(تبسمات اول مرة بعد زمان تشوفو كي ضحك):الله يرضي عليك اولدي الله ينور ليك طريقك و يعفو عليك من ديك البلية و يبعد عليك ولاد الحرام يااااربييي
شرف هز براسو ناض خرج من البيت و نزل التحت لبس صبادري ديالو و زاد كانت حتى اكرام خرجات و غادا المحال ديالها تقادو و تريكل الأمور ديالها فيه
شرف غادي و كي فكر الجيست لي دار هو انه منين تحنات مو عند يديه و ترغبو و تزاوك فيه راه فيقات شوية من داك الجانب لي كان مات فيه واحد النور شوية بدا كي بان و هذا كي عني انه قادر يرجع الطريق الصواب منين كتوصل الدرجة الام ديالك تحنا عند يديك و تبوسها ترغب و تزاوك عرف راها وصلات بيها العظم و هذه الشي لي وقع مع شرف
زيد عليها الدئاب لي دايرين بيها هي و مو هما دراوش و غادين جنب الحيط جات بغات تدي البنت كون مكانش معاها كون داتها و متحيرش فيها السيدة مجهدة و بزاااف و مكتخافش فمها مبري منها هو لي راجل حتى هز عليها المضى و هكداك مزالة كتقابح معاه على الاقل خاصو يبقا جنبهم و يرد ليهم البال كيف كنقولو خاص عماد العائلة و شرف هو العماد ديالها🌙 رمضان كريم 🌙
✳ الجزء 24 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
وصل القهوة و هزها حلها كي شوف فيها و يدور عارف مها ديال لمياء معتهداش حتى تاخد ليه البنت و منين مقدراتش تاخدها ليه بالقوة عتاخدها ليه بالمخزن و عندها منين تشدو
دخل القهوة كي سرح عينيه و يشوف من قنت القنت خدا كرسي قلبو و جلس فيه كي حرك عينيه قبل بعاماين كانت هذه القهوة فيها الحياة و الرواج شي داخل شي خارج و الضحك و نشاط واخا كانت يالله ماتت مراتو صبر على قبل بنتو حتى كتقلب كلشي في خطرة حط يديه على راسو كي تعصب منين كي تفكر
ناض جمع الوقفة و جبد تيلي كي صوني دخل الداخل و جبد الوراق حتى جاوبو:الو عبد الرزاق
عبد الرزاق:سلام خاي شرف لباس عليك بيخير
شرف:مزيان شوف عنجمع الدراري لي باقي ملقاوش خدمة و تقول ليهم يجيو القهوة
عبد الرزاق:وايلي ا خاي هي صافي عتفتحها
شرف؛طلق راسك بلا كثرة الهضرة
سمع ليه و هو فرحان ناض جمع الدراري و مشاو عندو القهوة لقاوه جبد الماء و صابون و الكراطة كا ما كي ختاج هز راسو فيهم و تبسم
شرف:دخلو ا دراري مالكم واقفين
منعم:خويا شرف هذا ولا كدبت
شرف:زيد زيد
منعم:الله اخويا و شحال توحشناك
شرف(رتب ليه في ضهرو):القهوة نبغي لقاها كتشعل الغمال سيبوه و لي باقي جديد خليوه و الا ناقصة شي حاجة عنخلي ليكم الفلوس جيبوها عنمشي انا و عبد الرزاق نتقداو ليها نرجع نبغي لقاها كتشعل
خالد:الله ا خويا شرف كون هاني مع ضهر تلقا القهوة كتشعل
شرف:هذا هو المضنون فيكم يالله ا عبد الرزاق
زاد خارج هو و ياه و حتى واحد ما عارف شنو تحت راس السيد نهائيا ميمكنش بين ليلة و نهار يتبدل كاينة ان لي هذه القضية او ربي عفى عليه لا مستحيل ضبرو على طاكسي و ركبو فيها قاصدين المحلات الكبار وقف نزلو غير شافوه الناس لي كي تقدى من عندهم تصدمو صدمة بحال الا ضربتيهم بطرشة
***:ا سي شرف هذا
شرف(مد يديه):لباس عليك بيخير
,***:الله اودي كيف راك انت كيف هي الوليدة العزبة كبرات شوية
شرف:الحمد لله شوف كيف ديما و سلعة نقية عبد الرزاق عيبقا معاك حتى توجد و عيط ليا
***:الله اودي كون هاني
تبسم و مشا كي حك شعرو تقولي سبحان مبدل الاحوال وصل راس الدرب صونا ليه التيلي جبدو كي لقا صاحبو ضحك حتى الودنيه
شرف:ا فاين ا با حمزة
حمزة:راني غير خداك ا ساط
شرف(دار و هو يتصدم دار عندو و عنقو عناق رجولي):هاي هاي على الشريف ولد سبعة رجال
حمزة:لباس عليك بيخير
شرف:مزيان اوا عطلة هذه ياك
حمزة:غير عطلة و سكتي راه العمر كامل و اخيرا جاني انتقال
شرف:مزيان ا سيدي زيد زيد
حمزة:عاد عنمشي نشوف الوليدة و ندوز عندك الدار
شرف:يا القهوة يا الدار
حمزة(تصدم بقا كي شوف فيه):واش داوي من نيتك
شرف:مالك ياك لاباس
حمزة(ضحك بالصدمة):شرف واش رجعتي كيف كنتي
شرف:لي فيه شي بلية ما تحيد منو دوز عندي القهوة ندويو يالله انا نطلع شي سخرة الدار و نتلاقاو تما
حمزة:أهاه مرحبا
زاد حمزة و شرف داز السوق تقضى و طلع الدار كي جري عتقولو سبحان مبدل الاحوال ولكن نقول ليكم متيقوش في هذه الشي حيت كلشي من تحت راسو و متعرفي اشنو فيه
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
