🌙 رمضان كريم 🌙
✳ الجزء 78 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
وصل عند فؤاد داخل عندو غير شافو خلا داكشي لي فيديه و مشا عندو وقف عليه داير يديه من مور ضهرو كي شوف فيه مخنزر
فؤاد:ياك لاباس اولد يوسف خير ان شاء الله
حمزة:شرف قال ليا نجي و نتسناه حتى يجي
فؤاد:علاش
حمزة:نداكرة في مشكلة ديال مي و شنو دارت و نلقاو حل يرضي الجميع حنا راه في النهاية جيران و ربي وصى على سابع جار
فؤاد:مك ما راعات لا صحبة لا الجورة اولدي
حمزة:مي عارفها غلطات و لي غلب يعف
فؤاد:دوز دخل حتى نشوفو هذه الحريرة هذه زيد
دخل جلس و فؤاد مشا يقضى شغالة و حمزة جالس مهبط راسو التحت فعلا حشمان ولكن حتى الا مخرجاتش مو من الحبس كي تسمى دار مجهود ديالو واخا مدارت فيها ما يصلاح نهائيا شرف صعيب طعني شخص واحد اخر له فكرات في راسها و ميحسابش ليها راه عتوصل حتى اللهنا ابدااااااا هي فقط بغات ليها ضرورة و تربي عيشة على لي دارت ليها و جرات عليها من الدار
بقا كي تسنى حتى كي شوف شرف جا دخل سلم على فؤاد و جلس فؤاد جا جلس حداهم مع عيبداو كي لقاو مينا وقفات عليهم و سلمات على عمها جابت كرسي لراسها و جلسات
مينا:باسم الله سمعت شي كلام ا عمي ياك لاباس
حمزة(خرج عينيه بالصدمة كان بحساب ليه عيدويو غير رجال لعضياتهم)
فؤاد:حمزة جاي باغينا نخرجو مو من الحبس و نتنازلو على الدعوة
مينا:ييه اجي نقول ليك ا سي حمزة مك مخمماتش في العواقب منين شوهات ختي في الدرب و دارتها مسكة بين الناس كي مضغوها و هي موصلاتها بحتى عيب كون غير دارتها ليا انا نقولو عندي مشكل معاها على تصاور و الفيديو لي صوراتني بلا خباري مي جرات عليها واخا و اكرام فاش اداتها دوي
حمزة:مي غلطات عارف
مينا:غلط كبير بزااف و انت جاي ترغب عليه
حمزة:مي هديك واش نخليها في الحبس
مينا:مك مقلتشاي لا ولكن مك قكرات فينا فكرات في ختي فكرات في عمي لي معمر شي واحد قالها فيه خايبة جات هي و طيحات بيه قدام لي سوى و لي مايسوى حط راسك في بلاصتو و شوف اشنو هو رد ديالك عليه
حمزة :سي فؤاد انا جاي مباغيش المشاكل
فؤاد:راها قالت ليك الصح ا ولدي
حمزة:شرف قول شي حاجة
مينا(شافت في شرف لقاتو حاني راسو و كي سمع كيف النمس):شنو عيقول هو براسو راه مضرور من هذه الشي سي حمزة راه مك مدارت فيها ما يصلاح و واحد المثل كي قول لي دارو من زاج ميضربش ديور الناس بالحجر
حمزة:انا مجيتش نوض المشاكل جيت نطلب على مي تخرج مبقا غير صباطكم نتحنا عليه اسي فؤاد
سكتو كي شوفو فيه حتى تكرم عليه سي شرف و نطق:مينا عندها واحد الشرط الا بغات مك تخرج
حمزة(شاف فيها):شنو هو
مينا:مك تجي عند ختي و طلب السماحة
حمزة:نجيبها حتى لداركم
مينا(تبسمات):مشي الدار في الحومة توقف و قدام جيران تطلب من ختي السماحة الا بغيتي نسامحو ليا بصح
(شافت في فؤاد):عمي خليت ايناس و هي مزالة ما شداتش الخدمة مزيان خليت ليكم الراحة
ناضت مشات و خلات حمزة مصدوم من لي قالت مو مستحيل ديرها مستحييييييل🌙 رمضان كريم 🌙
✳ الجزء 79 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
ناضو جمعو الوقفة و خرجو من تما تما فؤاد هز يديه و خلا مينا تدوي حيت ختها هذيك واخا حتى هو مسؤول عليها ولكن خلالها دافع على راسها غادي حمزة و هو مزير و معاجبو حال عارف مو مستحيل دير هذه الشي واخا تموت و مديرهاش
حمزة:واعدتني ا شرف
شرف(وقفو في راس الشارع ياخدو طاكسي): وقف معاك وقفة الرجال ا حمزة شنو خاصك كثر ها مك عتخرج
حمزة:مي مستحيل دير لي قالت عليه مينا
شرف:شغلكم لي عليا درتو
حمزة:عاود دوي معاها
شرف:انا و مينا مكنتفاهموش نهائيا دويت و عاودت سيمانة و انا معاهم راه راسها قصح من الحجر مكتعرفش المحنة مشي كيف ختها
حمزة:و المعمول
شرف:تدوي مع مك منين تخرج تمشي تطلب السماحة معزدك ما دير المهم نخليك تهلى
ركب في طاكسي و قال فين عيمشي و هو كي حك لحيتو و كي شوف في الطريق تبسم حيت عارف صاحبو عيديرها غراضو من هذه الشي غراض اخر خصوصا انه الا سمعو الجيران انهم عيتزوجو عاد عيقولو رقية عندها الحق و بلي هذه الشي كاين بصح و عيحلو فامهم حتى الودنيهم و يألفو قصص من عندهم
مباغيش اكرام تقاص بهضرة الناس خصوصا انه عطا وعد الام ديالو في حالة تانية راه اكرام عتولي مراتو و شرفها من شرفو مباغيش يتوسخ بين الناس بدا كي حلل و يفصل غير بوحدو منين عطا عهد لصاحبو عيوقف معاه من جهة ميخصرش الصداقة ديالو معاه و من جهة تانية يحمي اكرام و شر الخلق
وصل الحومة و توجه القهوة نيشان كي صغر عينيه كي بان ليه المحال ديال اكرام مفتوح اذن رجعات تخدم تفكر الشرط ديالها و الوعد لي عطاها في حالة قبلات و حك قرفادتو من لور
شرف:اي اي اي اي اي عيطت وعد و انا مقادر عليه معدة طلبي بالهداية قصحتي معايا الشغل ابنت عيشة
دخل القهوة و مشا يجمع الحساب لي عندو كامل و يشوف اشنو ناقص لقا بزاااف المكينة القهوة تخصرات و داوهاراري يصايبوها الكيسان تهرسو و اتاي السكار حتى هو قرب يتسالا خاصو ميزاااااانية كبيرة باش يحل هذه الشي كامل
أنت تقرأ
🔥 اكرام توبتي 🔥 ( الدارجة المغربية ) تيما مبارك
Aksi🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
