🔥 اكرام توبتي 🔥 ( الدارجة المغربية ) تيما مبارك

الجزء 41و42

🌙 رمضان كريم  🌙

        ✳ الجزء 41 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

دازت السبت و الحد و و الايام كي جريو بالضبط شهراين ناض شرف الصباح و دوش و لبس حوايجو و خرج مشا نيشان الكوميسارية يتاكد البلاغ ضد سميرة و بنتها و زيد عليها حتى العرج و صحابو كاين لي تشدو ولكن العرج مزال ما تشد نهار كامل و هو يجري و يجاري باغي يعبر مها شقف واحد 4 شهور

و هذه الشي باغي و مخطط ليه في نفس النهار جاو عندو العون باش يشوفو البنت فاش عايشة حيت على حساب كلام سميرة انه سكايري مقابل غير الطاسة و القرعة لا خدمة لا ردمة  جا معاهم قد قد في الزنقة تبسم و رحب بيهم كيف الشيطان تخافي من تصرفاتو كان لابس نقي و مقاد ليك الحالة و مسكسف عليها متقوليش هذا هو لي كان كي دوش على شهر

شرف:مرحبا بيكم ا سيدي
نادية؛معرفتهمش ا ولدي علاش جاو
شرف:مرحبا بيك تفضل

العون:لا مكاينشاي جيت ندير غير خدمتي
شرف:الله اودي مرحبا زيد تفضل

دخل معاه الدار و كي دور راسو من قنت القنت و حداه واحد كي سجل الدار نقية و مقادة ومعدلة دخل البيتو و شافها و كل حاجة  كتزمم ولو ان الدار صغيرة شوية 90 ميترو ولكن فراشها ما شاء الله عليه زليجها كوزينتها تبقاي حالة فمك فيها و زربية على لون طلامك الحاصول تحشمي دخلي بصباطك الداخل

العون:كاين بيت لبنت او لا
شرف(كي لعب بالساروت في الصالة):الله اودي بنية وحدة عندي في هذه الدنيا و منديرش ليها بيتها أجي اخويا تشوف

العون دخل كي شوف و فعلا شرف كان داير ليها بيتها بوحدها في الدار واخا مانعس مع نادية باين على العون عجبو البيت زمن كلشي و خرج مع شرف الزنقة

شرف:كيف كتشوف الدار بنتي فاش عايشة الحمد لله ممخليها ناقصة من حتى حاجة
العون:كلشي باين اخويا خدام
شرف:اه ضروري
نادية:ولدي
شرف:الوليدة انا نمشي معاه القهوة صافي
نادية:الله يرضي عليك

زاد مع العون و شاف فيه:بنتي انا لي مقابلها من نهار ماتت مها او بالاحرى من نهار نتحرات و خلاتها حتى من انها نتاحرات و ولدي في كرشها مخمماتش ليا وليها
العون(تعاطف معاه):الله يحسن العون ا سيدي شنو سبب باش نتاحرات
شرف:معرفتش ا سيدي منا دايرها فوق راسي و ها انت حتى من مها حرشات عليا لي قتلني حيت مخليتهاش تاخد ليا بنتي من يدي شمس هي ضو عينيا زيد اسيدي

العون(كي دور راسو في القهوة)

شرف(غوت):عبد الرزاق واحد البراد اتاي زيد جلس
العون(عجباتو القهوة):امم كتدخل مزيان
شرف:الحمد لله ما عندناش مخصناش
العون:باين ا سي شرف الرجال بحالك قلالو
شرف:اوا الحمد لله
العون:قول ليا ا سي شرف  شنو كضن سبب لي يخلي ام مراتك الله يرحمها بغات تدي ليك بنتك

شرف تزير من السؤال ديالو  و جلس كي فكر و يخيط شنو عيقول ليه و شمن سبة عيعيطه حك راسو كي قلب و يعاود حتى هز راسو و كي شوف اكرام خرجات مع الكليانة ديالها كتسلم عليها و تبسم و نطق

شرف:حيت خطبت بنت الناس لي تقوم ليا ببنتي و راه الحانوت ديالها🌙 رمضان كريم  🌙

        ✳ الجزء 42 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في هذه الشهراين لي دازو اكرام دارت بلاصتها و البنات بداو يجيو عندها كلشي ولا عارف المحل ديالها البنات و العيالات المحجبات و المنقبات ولاو يجيو عندها كي عزلو و يتخيرو

حتى هي حلاوة اللسان لي عطاها سيدي ربي يخليك ترتاحي ليها في كلشي هضرتها بالقياس و العبار و في الخدمة لي عندها كتخلصها في ساع و لي معندهاش كتسلفها حتى تجيب الفلوس على خاطرها كاين لي دفع ليها العربون و من بعد صافي مولاش رجع و هذه هي الخدمة و سلام

حتى ان فؤاد دار ليها كاميرة في المحال على ود اشفارة و الا عاود جا داك الشمكار واخا منين حلف عليه شرف مولاش كاف بساحتها

جالسة في المحل ديالها و كتقرا القران في السر ديالها حتى كدخل عليها وحدة من الكليانات تبسمات ليها سدات القران و ناضت عندها سلمات عليها

اكرام:ختي بشرى مرحبا بيك
بشرى:بلي خليك اكرام حيت نعطيك الإمانة ديالك
اكرام:علاش مشي دابا اختي حتى يكون عندك
بشرى:الا تسنيتو معنساليش نهائيا ا صحبتي و عتمشي اللهم خوديهم
اكرام(مدات يديها):باسم الله

دازت الكارني حلاتو و مسحات الكريدي و بشرى كدور في المحل و تشوف عجبوها الفولارات

بشرى:عجبني هذه الفولار ا اكرام بشحال
اكرام:حيت كليانة ديالي نخليه ليك ب 30 درهم
بشرى:هاي هاي هاي و شحال كتبيعيه
اكرام:50 درهم
بشرى؛لا اختي خليك في 30 درهم قولي ليا عندك في بلوماري خاصني ضروري واحد التكشيطة ديالي لي خديت
اكرام(مشات عندها):جيبي معاك التكشيطة باش نشوف ليك اللون اي يتماشا ليك معاها
بشرى:حتى هذا نضر

خرجات معاها و شافت الباندات ديال شعر هزاتهم و مدات ليها 5 دراهم:عندي هده عجباتني لي ديت قبل صرحة عندك هذه الشي كاليطي
اكرام:الحمد لله

بشرى(سلمات عليها):يالله نخليك اختي بسلامة
اكرام:بسلامة

تسناتها حتى مشات و بقات كتقاد في الحوايج لي عندها مع عتهم راسها كتشوف شرف واقف ليها عند راسها عقدات غوباشتها باين عليها ستغربات هذه الشي شافو من حجبانها المعقودين

اكرام:خاصك شي حاجة
شرف(كي حك شعرو):لا اه
اكرام:دابا واش اه او لا
شرف:صرحة الوليدة مكايناش و انا خدام بغيتك تجيبي شمس من الخظانة تبقا معاك على ما نسالي و نديها واخا
اكرام(توسعات ابتسامتها حتى عينيها ضحكو): اه واخا
شرف(كي شوف فيها):شكرا بزااف

تبسم ليها و زاد خلفة مع الطريق كي حك شفايفو رجع جلس حدا العون كي تحتت هو ياه هي حطات عمود على الباب و مشات على نيتها تجيب شمس و مول النية يغلب