🔥 اكرام توبتي 🔥 ( الدارجة المغربية ) تيما مبارك

الاجزاء 84 و 85

🌙 رمضان كريم  🌙

        ✳ الجزء 84✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جلسات ليك و دارت رجل على رجل و النخوة نعام الآلة الجيران كي شوفو فيها و يشوفو في رقية اما هذه الخيرة مكرهاتش التشق الارض و تبلعها ولا هذه الحشمة لي دارت ليها هذه الاخت مكانتش عارفة انها عندها هذه الجرأة كاملة باش دخل لدارها و تجلس حداها بلا عراضة

مينا:اوا ا خالتي رقية عاودي لينا على الحبس كيف كان و كيف دوزتيه
رقية(صمت كتشوف فيها)
مينا:تكرفصو عليك ياك داكشي باش بقيتي تطلبي و ترغبي في راجلك و ولدك يجيو يرغبو عمي باش نسامحو ليك تخرجي
سلمى:شنو كتقولي واش جاية تشفاي
مينا:حاشا ولله انا جيت نطل عليكم و كيف كي قولو زيارة واجب و جيت ندير الواجب

الجارة:واش درتو ليها التنازل
مينا:علاش هي مقالتهاش ليكم ولا
جارة2:لا قالت لينا حيت مضلومة
مينا(شافت فيها)؛اويلي ا خالتي لاااا تقوليهاش حشومة تكدبي عليهم اااه نسيت انت عندك الكدوب كي مشي ليك في الدم

(شافت في الجارات):اوا راها خرجات اه و بشرط تكتب في الورقة النازل بلاتي نوريكم
(ضحكات معاهم بمرح): قاريين ياكو يا سيدنا

الجارات:اييه ضروري

جبدت ليهم الورقة و عطاتها ليهم و رقية متشوف هزو راسهم فيها مصدومين و هي نتعصب ناضت عندهم و خدات الورقة و قطعاتها قدامهم و شافت في مينا

رقية:هذه الورقة زيديها في راسك و معنجيش
مينا:لا عتجي و العيالات شاهدات الا مجيتيش راك عترجعي الحبس بعينيك مغمضين
سلمى:شنو كتقولي
مينا:قلت شي حاجة انا العيالات
الجارات:لاااا
مينا:كلشي في الورقة مكتوب و نسيت راه هذيك غير كوبي اما الاصلية في الحفظ و صون

ضحكات و شافت في الناس:خليت ليكم الرحلة و دوزو عندنا الحومة في العشية راه خالتي رقية عتجي تطلب السماحة من ختي على الباطل لي طيحات عليها

عطاتهم و داو ما يعاودو و رقية مصدومة شوهاتها شوهة عمرها معمرها ضنات عتشوه بحال هكذا برهوشة الخلى هي لي شدات معاها الضد دابا بزز منها و خنافرها محكوكين خاصها تمشي تعتاذر والا عترجع لحبس كيف قالت ليها مينا عينيها مغمضين

بداو الجارات يخرجو وحدة من مور وحدة داو ما يعاودو لي محضروش اما مينا رجعات الدارهم و دخلات الصالة عند نزهة و عودات ليهم كلشي غزاو فيها مع عيهزو راسهم كي شوفو اكرام نزلات كتحك عينيها لي منفوخين و حومر و خديدات مورضين بالنعاس حتى ضحكات عليها نزهة

نزهة:سعدات شي شرف عيدي زين و الحشمة و التبوكيصة
عيشة:بنتي غزالة فنا
اكرام(تبسمات ليهم صواب و مشات جلسات حداهم):عمي هنا
نزهة:مشا المحال
اكرام؛عنمشي عندو
عيشة:لاش
مينا:خليها امي

تبسمات و طلعات لبسات خمارها و نزلات التحت خرجات و زادت في الحومة و العيالات كي وشوشو و هي ممسوقاش ليهم حيت غير عتمرض في صحتها🌙 رمضان كريم  🌙

        ✳ الجزء 85 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

هي غادا و من موراها كان واحد الشمكار ديال بصح نيت من دوك المشرملين ضارب ليك الوشام من يديه على اليد التاني و شعرو طالع فيه واحد الگونشاشة و فارقها بخط طويل و زيد عليها و باين مخبي تحت منو شي حاجة شنو هي عنقول ليكم مضا كبيرة

بقات غادا حتى وصلات الشارع و شدات طاكسي نيشان الگليز وصلها و نزلات غادا كتقلب حتى وصلات المحال ديال عمها وقفات في الباب و الخدام خرج عندها

ميلود:ها انا الآلة اش حب الخطار عندنا توابات غزالين يجيو معاك زيدي دخلي
اكرام(تبسمات):جيت كنسول على سي فؤاد
ميلود:الداخل زيدي
اكرام:باسم الله
ميلود؛واا المعلللم
فؤاد(التحت كي جمع الحساب):ياك شي باس مكاين
ميلود:شي وحدة كتسول عليك
فؤاد(ضحك):كون تسمعك مرتي كون خرجاتك من عين يبرا اولدي شكون هذه

ناض و شاف اكرام من عينيها باين كضحك داز عنقها و ميلود كي شوف:المعلم كون شافتك الآلة نزهة كون دارت لينا الشوهة هنا
فؤاد:سير كون تحشم و قضي حاجة الراسك هذه بنت خويا كيف بنتي
ميلود:اوا هكاك ا المعلم مرحبا بيك هي شي كاس اتاي
فؤاد:اودي غير درگ عليا زنفارتك

ضحك و مشا و اكرام شافت في عمها و تبسمات ليه بهدوء و مرح:عندك فروجي
فؤاد:جلسي ابنتي جلسي كي خرج فيا العجب ولكن ولد الناس
اكرام؛كشي مشكل
فؤاد:ياك لاباس ا بنتي
اكرام:حيت ندوي معاك
فؤاد:خير ان شاء الله
اكرام(حشمات):هو انا انا
فؤاد:شنو
اكرام(كتفرك يديها):عمي انت عارف شرف طلب مني الزواج
فؤاد:و الجواب
اكرام: انا منقدرش نجلس انا و ياه على طبلة بوحدنا داكشي علاش جيت عندك تغوت ليه ندوي قدامك انت والي امري و وكيلي في هذه الدنيا بغيتك تكون شاهد على كل كلمة تخرج من فمي
فؤاد:ما قلتي عيب ا بنتي

ناض جاب تيلي ديالو و دوز الخط لشرف لي كان سالا الفطور ديالو و وصل بنتو النادي ديالها و غادي القهوة جبد تيلي كي شوف سمية فؤاد تنهد و جاوبو ضان انه مينا دارت ليه شي حاجة و جبداتو

شرف:اهلا سي فؤاد
فؤاد:شرف ولدي كيف دايرة لباس
شرف:الحمد لله هذه الساعة
فؤاد: مسالي دابا
شرف:لقيتيني غادي القهوة ياك شي باس ما كان
فؤاد:خير خير اولدي بغيتك تجي عندي المحال دابا يمكن
شرف:شي  مشكل
فؤاد:لا الموضوع كي تعلق باكرام
شرف:انا جاي دابا

قطع معاه و قلب الطريق الرأس الشارع ياخد طاكسي يمشي ما هي الا دقائق قليلة كان عندو دخل كي شوف اكرام جالسة و تحك يديها مشا سلم على فؤاد و اكرام من البعيد و جلس حداهم