✳ الجزء 123 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
دار عندها و هي كتشوف فيه سيمانة و هي مبلوكياه و حتى ابيل والو و لو انها كانت كتجابو بالنفخة كان عارفها عتحن لكن دابا قطعات عليه كلشي و من الخدمة لي بداها مبقا عندو كيف يدير يدوي معاها ملقا غير هذه الفجوة
حمزة:علاش بلوكيتيني من الواتساب
مينا(جامعة يديها عندها):حيت بغيت
حمزة:مينا يا مينا قولي شنو بيك
مينا:قلت ليك مكاين والو علاش يحساب ليك حياتي دايرة غير عليك ولا
حمزة(مخنزر):مينا دوي بركة من الهضرة الخاوية دوييي
مينا:معندي ما نقول ليك سيري عند هديك لي عتخطب ليك مك توهمو بنات الناس بالزواج و نمشيو تخطبو بنات الخلات
حمزة:دويتي مع مي
مينا:اااه دويت معاها و هي بفمها قالتها ليا
حمزة:و تيقتي
مينا:اه تيقتها
حمزة:علاش في ختك متيقتيهاش و فيا انا تيقتيها
مينا:حيت شفت البنت بعيني خارجة معاك
عاض شفايفو مغزف عليها ضرب يديه مع الحيط حتى رجعات بلور و دوا ساخط عليها
حمزة:عنعتابرها غيرة منك ا مينا ندوز هذه التيقة لي ماباغياش تيقي فيا انت هنا ضاربة الدنيا بركلة و انا كنتفقص غير بوحدي على قبل سبب تافه مفيهش حس المعقول كون كنت بغيتها راه نمشي ليها هي مشي حتى نبدا نضفر الشيب في راسي ابنت الناس
مينا(خرجات عينيها):علاش شحال في عمرك
حمزة:مشغلكش
خرج من تما و خلاها كتشوف ايناس دخلات عندها تستفسر قالت ليها لي كاين بالتفصيل و ايناس خشات ليها صبع حيت راها هبيلة بصح حمزة كان باغي يخطب اكرام ولكن ضد في شرف حيت مراعاش ليه ولكن منين شاف مينا و هي في عقلو و نقدرو نقولو ولا حب حيت راجل منين كي فوت 30 سنة مكيبقاش حامل يلعب مع البريهشات كيبغي وحدة نيشان و يشد معاها الطريق يبني حياتو معاها و هذه الشي مفاهماش مينا
نزلات و جلسات حداهم مرة مرة عينيها كي مشيت حمزة كتشوفو كي دوي مع صاحبو و يضحك باين عليه مبغاش يشوف فيها صرطات ريقها و تفكرات كلامو نغزات اكرام و ناضت معاها البيت و دخلات سدات الباب و شافت فيها
اكرام:ياك لاباس
مينا:جلسي بغيت ندوي معاك
اكرام(جلسات):ها انا
مينا:انت عارفة ان رقية هي مولات هذه الفعايل كاملة
اكرام؛اوا
مينا:ولدها شاد فيا شدة العمى اختي و هو صرحة بدا كي دخل ليا العقلي ولكن خايفة من هذه الشي
اكرام:حنا معندانش التصاحيب
مينا:انا لي باغيا غير سولي ليا شرف عليه ياك راجلك
اكرام؛دابا ولا راجلي نسيتي الدعاوي لي جمعتي ليه سيمانة كاملة
مينا:الا وقف معايا في هذه معمري ننساه في خيرو
اكرام:دابا نشوف ا ختي
مينا(فرحات):بصح
اكرام:والله
ناضت عنقاتها و خرجات من تما مشات جلسات هما يشوفو فؤاد نايض يحل الباب منين دخل كانت صدمة ليهم✳ الجزء 124 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
كان باين حمزة لي دخل مشا سلم عليهم و مد ليهم الكادو ديالهم و مشا جلس حدا حمزة و دوا ليه ودنيها و دار عند فؤاد كي دويو و يتحتو مع بعضياتهم
مينا كتنغز في اكرام تصيفط لي شرف و هي تخنزر في الاخير صيفطات ليه و شافت فيه هو وصلو الميساج قراه و شاف في اكرام و هز براسو
ناضت من حداهم و دوات مع مها و طلعات الفوق و شرف غير شوية و هو يتبعهم اما مينا طلعات كتسلت تسمعهم
شرف(شافها جلسات و هزات راسها فيه):هانا ياك لاباس
اكرام:بغيت نسولك
شرف(لحن صوتو معيبها):نسولك فاااش
اكرام:و شررررف
شرف:يالله دوي
اكرام:على قبل صاحبك حمزة
شرف(جمع تخنزيرتو و دور بجدية):اش قربك ليه
اكرام:مشي انا
شرف:شكون
اكرام:مينا
شرف:فهمت
مشا جلس مقابل معاها:حمزة ولد مزيان و الله يعمرها دار و حتى هو ناوي معاها المعقول راه دوى يوسف مع فؤاد و قال ليه يتسنى حتى يدوز عرسنا و عاد يدوي مع عيشة و بنتها
(غمزها):بات عيشة فيكم شي حاجة خليتو ولاد مدينة مراكش يتزوجوكم
اكرام(تحشات وسد حوايجها):و صافي
شرف:قولي ليها غير تهنى معندها مناش تخاف
مينا(من دروج):يخليك ليلي انسيبي العزيز
نزلات ناشطة و اصلا عاق بيها كتسمعهم و حتى هو زين صاحبو في عينيها مشكل مشي في من حيت عارف حمزة قادر يخرجها من ديك الدار ويسكنها بوحدها و يخلي مو طرطق
نزلو التحت و جلسو معاهم على ضحك و نشاط حتى كملو و ندية مكاين غير الله يعطيك صحيحتك فرحانة باكرام حتى ناضت عيشة جابت ليهم يغسلو و حطو ليهم الغدا دايزة الكلام على حطو و طريقو كلاو لي قسم الله و ناضو الرجال جمعو الوقفة و خرجو من تما مخلين العيالات و صرحة فرعو ليهم راسهم بكثرة الهضرة داكشي علاش اكرام حيدات نيقابها و تفسات كانو خديداتها حميمرين
نادية:اوا عروستي امتى عتجي لدارك ياكما سخيتي بينا حنا
عيشة(عنقات بنتها):عتخوي عليا الدار كبيدتي عتخويها
نادية:راه مشا شرف دوا مع المحامي على قبل بنت ديك لي متسماش و قال ليك الا عودات تعرضات ليها ترفع اكرام دعوة عليها
اكرام:بلاش اخالتي متفهماها ختها مترضى تجي في بلاصتها حتى وحدة
نادية:اوا راك نية ياااا بنيتي نية انت معارفة والو
عيشة:اش واقع
شافت فيها هبة و غمزاتها غير تدوي حيت اكرام منحقها دابا منين ولات مرات شرف
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
