✳ الجزء 161 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
كانت جالسة في الكوزينة بعكازها و تنغز في سعيدة و تعاود
الكبيرة:دلكي مزيان دلكي
سعيدة:و جدة انا كندلك
الكبيرة:كيفاش بغيتي تزوجي اااه و انت مگرودين ليك اليدين
رقية(دخلات عندها):ا الآلة الكبيرة راه معتقدش على شقى
الكبيرة:علاش مالها بنت العروبية خاصها تكون حادكة و حادقة تحطيها على الجرح يبرى
الضاوية:بنتي ما شاء الله عليها حادكة
الكبيرة:فين هي بنت ولدي
رقية:اوا لا الآلة الكبيرة الا بنتي راه الا تزوجات عنجيب ليها خدامة و انا لي نخلصها
الكبيرة:ياهااااااه هااااااه على مزغوبت ليااااام هااااه عتخرجيها فالصوووو
رقية:اوا شنو
ضاوية:نوضي ا سعيدة انا نجي ندلگ و نكمل عليك نوضي
الكبيرة(ضرباتها بالعكاز حتى غوتات):دوزي لهيه مشغلكشاي دوزي نصبي انت راجلك ميقا ليه والو و يدخل
خنزرات و دخلات تنصب و داكشي لي كان حمزة و يوسف دخلو بجوج قد قد مشاو الصالة و هما حطو العشاء كاملين زادو يتعشاو و الكبيرة كتمد يديها تاكل و تشوف في حمزة لي كي دوي معاها و يضحك و سعيدة و ضاوية مداهاش فيهم نهائيا و هي تعصب و نطقات
رقية:كيف جاك العشى اوليد
حمزة:الله يعطيك الصحة ا ميمتي
رقية:مشي انا لي درتو سعيدة اولدي
الكبيرة(شافت فيها و سكتات مخنزرة على كدوبها)
حمزة(شاف في سعيدة):يعطيك الصحة سعدات لي عيديك عتبرعيه شهيوات
سعيدة(هبطات راسها حشمانة):بصحتك اولد خالتي
يوسف:فين سلمى
رقية:مشات تبات عند صحبتها
يوسف:و علاش انا مفراسي خبار
رقية:و صافي ا يوسف قالتها ليا قلت ليها سيري
حمزة:تعشى ابا انا عنمشي نجيبها
رقية:معتمشي فين خلي عليك ختك و كول بصحتك اولدي
منين كانو كي دويو كانت الكبيرة نتفات زغبة من شعر ديال سعيدة بلا ما تحس و حيت حمزة جالس معاها مردوش ليها البال و حطاتها وسط الدغميرة و حمزة دوز الخبز و كلا كي نضغ حتى وقف في البلاصة بدون ما يكملها خرج الزغبى قدها قداش من فمو خلا كلشي يعيف و هو اعدى حاجة عندو هي الزغب وسط الماكلة حتى من رقية كتغطي شعرها باش مطيح حتى زغبة حيت كي تعصب ضرب فوق الطبلة و غوت عليها
حمزة:تبرك الله على الطيااااابة شهاااااااد العفففففنننن
رقية:ولدي اش كاين
الكبيرة:ارا نشوف ويلي ويلي ا سعيدة اش هذا الزغب وسط المرقة
رقية:لا ميمكنش راها مغطية الراس
حمزة:و هذه منين جات خخخخخ تفووووو مناقص من شي عشا عيفتوووونااا
ناض من فوق الطبلة و مشا الطواليط كي غسل فمو و هو غايف و عيف حتى يوسف معاه لي حتى هو طلع الفوق و دخل الطواليط اما الكبيرة شافت في رقية
أنت تقرأ
🔥 اكرام توبتي 🔥 ( الدارجة المغربية ) تيما مبارك
Ação🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
