🔥 اكرام توبتي 🔥 ( الدارجة المغربية ) تيما مبارك

الاجزاء 121/122

✳ الجزء 121 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

الايام بسرعة كتعدي على اكرام و هي دابا لابسة حوايجها و معطيات وجها و كلها كترعد دورات راسها ببتسامة لختها و هي كتشطح

اكرام:من اليوم معنبقاش ديال راسي
مينا:اه الحمد لله
اكرام:يااااربييي تيسر ولا تعسر
مينا:شوفي ليك الخوينزة قالت ليك باغيا تزوج
اكرام(نفضات من يديها):و بركة

سمعو فؤاد كي غوت ليها مشات هزات نقابها دارتو و نزلات التحت عندو فتح الباب و خرجات كانو كي كي تسناوها عيشة خرجات معاهم و تدعي ليهم بتيسير فرحانة لبنتها كثر من اي واحد ركبات لور و فؤاد حداها و زاد حمزة لعند العدول نيشان

طريق كلها كتلعب بيديها و تعاود متوترة كثر من ايها واحد في هذه اللحظة وبكن ميكونش قد توتر شرف حيت دائما الراجل كي كون متوتر و مكيبانش عليه عكس المرة وصلو و نزلو كاملين دخلو لواحد العمارة وطلعت الطابق التاني كان العدول كي تسناهم سلم عليهم و جلسو حداه

عطاهم ارشادات في هذه الحياة و عطاهم احاديث نبويه و من قرآن الكريم باش يحسنو بعضياتهم و يتعامل معاها شرف بالمعروف و يهزها فوق راسو و هي بالمثل سولهم شحال من سؤال و اهم حاجة واش عطاها صداق شافت في عمها لي عطاها إشارة بعينيه و هزات راسها باه كل واحد سمع ليه و شروط ديالو عاد سولهم واش قابلين و كانت الإجابة هي نعم علنهم زوج و زوجة

عطاهم سناو بجوج و بصمو على العقد خداو نسخة هما و التانية بقات عند العدول و خرجو من تما كانت اكرام عينيها حميمرين بالبكى و شرف منكدبش عليهم نقول ليكم مكانش متأتر دار عندها لقاها كتمسح عينيها جرها من يديها و عنقها و هي دورات يديها عليه

شرف:مبروك علينا
اكرام(غلباتها البكية):الله يبارك فيك
شرف(بعد جبد كلينيكس وكي مسح ليها عينيها):علاش البكا دابا
اكرام:معرفتش والله حتى انت عينيك حومر
شرف(قرب عندها):نقول ليك سر
اكرام: شنو
شرف:احساس اول مرة نعيشو
اكرام:بركة من الكدوب و مراتك
شرف:تزوجنا في سر
اكرام(خرجات عينيها):كيفاااش
شرف:حيت حملات مني بشمس تزوجتها في سر
اكرام:علاش خبيتي عليا هذه الشي
شرف:ها انا قلتو ليك
اكرام (سكتات و هي تبسم تحت نيقابها): عارفاك كتبغيها
شرف(شد وجيها):اكرام تسناي واخا نساي اي حاجة سمعتيها داك النهار كنت معصب و معرفتش اشنو خرجت عفمي فهمتي دابا انا و ياك لي كاينين انت مراتي شرعااا صافي
اكرام:واخا
شرف:يالله ضحكي
اكرام(ضحكات):صافي تهنى

زاد معاها خرجو كان فؤاد على قرى كي تسناوهم سلمات عليهم و باركو ليها و ركبات هذه المرة شرف لي ركب لور معاها و عمها القدام✳ الجزء 122✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في دار عند عيشة

كلشي كي جري من قنت القنت حيت عيتغداو عندهم كلشي وجداتو على حقو و طريقو و عاونوها البنات و نزهة مجلسوش

عيشة:ميناااا صنية التمر و الحليب
مينا(من الكوزينة):حدا الباب امي
نزهة:ايناس فين هما الكيسان لي قلت ليك غسلي
ايناس(نازلة من الدروج):ها هما
عيشة:اري ابنتي نمسحوهم مبقا والو و يجيو
ايناس:بابا صونا قال ليا قربو يوصلو
عيشة:الحمد لله ياربي يسر في هذه التزويجة
مينا:اوا الله يحظر سلامة مع داك شرف و خلاص
عيشة(مشات شداتها من يديها):سمعيني مزيان هاااا ودني منكككك نسمعك خشيتي ليه الهضرة راني كنعرفك متهناي حتى تردي دقتك
نزهة:معندها علاش تقلق كان معصب و هي زادت عليه
مينا:يااااكوووو
ايناس:مينا مشي دابا دوزي قادي معايا المانطيل في صالة يالله

شافت فيهم و مشات مخنزرة قاداتو و حطو طبيسلات فيهم و سرابت و وجدو الكيسان حتى هما و شوية كي سمعو كلاكصون خرجو العيالات البرا كي شوفو الجيران كلشي خارج يطل و يبرگگ منكدبش عليكم ولكن أغلبية حسدو اكرام على شرف كيف ما كي حسدو اي بنت عندهم في الحومة

اما نادية كانت عند الباب كتسنى نسمع غير الكلاكصون هي و هبة ام شمس كانت جالسة لابسة ليك كسيوة بيضة و صباطها بيض و طالقة ليها شعرها غير سمعاتو ناضت هزات الكادو لمرات ولدها و خرجات من تما مشات وقفات حدا ولدها لي دور يديه عليها و باس راسها و هو مبتاسم

عيشة(صلات على نبي و تغاريت):مرحباااا و الف مرحباااا مبرووووك عليكم اوليداتيي مبروك
شرف:الله يبارك فيك

مدات ليهم مينا تمر و الحليب و دخلو الداخل كاملين بيهم مجموعين فرحانين بزواج بنتهم لولدهم و مبتاسمين كل واحد شد بلاصتو الا حمزة لي كي دور راسو و شاف مينا طالعة الفوق لقا نزهة دوا معاه

حمزة: خالتي  الحمام
نزهة:ها هو
حمزة:عامر
نزهة:اوا طلع لفوق ا ولدي متحشمش الدار داركم

تبسم ليها و حك راسو طلع كي جري لقا ايناس و مينا حر ايناس خرجها و دار ليها حركة بيديه سكاات و سد الباب و دار عندها مخنزر