🔥 اكرام توبتي 🔥 ( الدارجة المغربية ) تيما مبارك

الاجزاء 105/106

✳ الجزء 105 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند اكرام في الدار عيشة ناضت تخلط الحلوة و مينا طارت عند الخياطة تكري من عندها تكيشطات و حطات فيهم لاكارط ديالها و دازت الحمام وصات طيابة متسدش مع 9 حيت ختها عتجي و انتوما عارفين ان الحمام حرام و مخاصش وحدة تشوف عورة لخرى غير الله يهدينا و سلام

دورات معاها باش قبلات خرجات دازت عند دجايجي كان وصاه فؤاد عليه كان نوجد ليها الطيور عاونها مول الكروسة داتهم الدار لقات مول اللحم وصل اللحم لدار و ادم كي دخل هو و ديسير و المناضة المهم موجدين الحالة

دخلات حيدات جلابتها و مشات دخلات عند مها الكوزينة و خدات الملحة و الحامض لي جابت و شافت في مها

مينا:عنطلع السطح نغسل الدجاج و نرقدو
اكرام(كتگفض على يديها):لا مطلعيش تمشي تمرضي حتى انت غير زيدي نتعاونو عليه في السفلي دغيا يدوز
نزهة(طلعات حطات لاطة):سليتي ا عيشة
عيشة: قربت قربت
(شافت في بنتها):مينا منين تساليو من غسيل الدجاج دوزو جبدو الكلامط في الصالة و مسحو الركاني مزيان لا يقولو علينا خانزين

مينا(كتقلب على صندالة الميكة):خالتي ندية مغريباش علينا امي شوف المكاتب شكون كان يقول ختي عتزوج بولدهم

(غمزات اكرام حتى حمارت):زيدي بركة من الهضرة الخاوية

زادو نزلو و عيشة كضحك تعاونو داك النهار كاملين بيهم و غلبو على شقا كامل ولكن لي كان عليه الدرك هي عيشة حيت منين وصل ليل و خرجات مينا تسيقا على باب الدار كان ايناس جات و مشاو الحمام خلاو اكرام دخل هي الأولى غسلات حتى كملات عاد دخلو هما و منساوهاش الطيابات بصلاة على نبي العدنان و الشموع يالالة المهم فرحوها داك النهار

رجعو بحالهم و تعشاو و خبطوها بنعسة الا عيشة و نزهة لي كانت فرحانة لاكرام كبخال الا فرحانة لبنتها و صرحة صعيب تلقا زوجة العم واقفة معاك الا عندها الله يخليها ليها الاهم حاجة يكون القلب صافي مفيهش الدغينة في نص ليل شرملو الدجاج و حلاوه يرقد غطاوه و مشاو كي تاكدو من الركاني لقاو البنات دارو الواجب شعلات صورة البقرة و طفات الضو فرشات في الارض و نعسو بجوج فيها في صباح ينوضو يطيبو الدجاج و يغسلو بجوج

اما في دار نادية لي كانت هي و هبة كي قادو التمر وسط منو الگرگاع و كي قادو دهازها في الصينيات و يغلفوهم دومونداو على طارطة باسمهم المهم مخلات ما خدات كل حاجة منها ضوبل كون صابت الضروبة تاخدها ليها ولكن مكاين جهد مكملات داكشي حتى لشمن ساعة  دلوقت من غير صداق خلاه هو الاخير حتى نهار ضريب صداقهم و يمدو ليها ليديها

اما شرف كان في بيت لي عيتسد هذه المرة في خطرة حتى تكبر بنتو واقف قدام تصاورهم و كي شوف فيها و عينيه عامرين حزن هذه المرة جانب لي ولا فين ما يشوفها قلبو كي تقطع حط يديه على تصويرتها و نطق