🔥 اكرام توبتي 🔥 ( الدارجة المغربية ) تيما مبارك

الاجزاء 300 301 302

✳ الجزء 300 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في دار عند حمزة و مينا كانو دوزو هذه الايام غير في جري من لهنا الهنا كي جمعو الوراق حتى من سلمى تفاجات شوية واخا موت ولدها اثر عليها ولكن كتجي شوف ان ربي نجاها و باغي ليها الخير اما بخصوص محمد رتاحت ليه و لكلامو شخص هادي و رزين و عندو كلام موزون في كل حاجة

جالسة معاهم في الصالة و رقية كتقول علامن عتعرض و هي كتشوف فيهم حتى هزات راسها

رقية:سلمى أجي تشوفي ا بنتي الكسوة العريسات لي صيفطات ميمونة
سلمى:ختاري ليا انت
مينا(حاطة قدامها طبسيل ديال ليمون متقي كتاكل منو):لواه عرس عرسك و ليلة وحدة في العمر معرفتش علاش زربانين نهار ضريب الصداق العرس
سلمى(هبطات راسها):مشي مشكل حتى انا دايراها قد راسي

مينا(تنهدات):ربي جاب ليك سيد كامل مكمول و ولد الناس مشي كيف داك الكحل راس خاصك تعرفي كيفاش تصرفي معاه متبقايش شادة في راسك ضحكي و نشطي و ختاري و نوضي قيسي جري و جاري خلي الجيران يشوفوك كتوجدي لعرسك ها كلشي تصلح و باقي ليك 10 ايام على العرس متبقايش منكرفة و تخمي نوضي دوي مع باك و بوسي ليه راسو و طلبي السماحة راه هو كلشي في هذه الحياة و رضاتو مهمة

رقية:مرات خوك عندها الحق ا بنتي نوضي ا كبدتي تصالحي مع باك و اجي نشطي و فرحي

بقاو عليها حتى ناضت طلعات عندو البيت لقاتو كي سبح الله شافها فتحات الباب دور وجهو لهيه هي هبطات راسها و مشات جلسات عند رجليه واخا عيات جالسة ولكن مسمعاتش منو والو هذه هي لي ضراتها انه ما غوت ولا عاير ولا عاتبها نهائيا

سلمى(هزات راسها في باها):نهار لي عرفت اشنو درت و فقت بغلاطي بقيت كنفكر اشنو ندير غلطت ا بابا و ربي شاهد قداش كنت نتعدب و نتقطع من الداخل انك داير فيا التيقا و انا غدرتك حاولت شحال من مرة نعرض راسي الطران و غير الناس لي كي ردوني شريت دوا الفار و مقدرتش نشربو حتى منين حاولت ندير كسيدة غير تطلع روحي ولكن مكتابش
(كتسمح عينيها):انا درت تيقة في البراني و تبعت مراهقتي حتى خرجت على راسي و على الناس لي كنبغي انت و كي و خويا شوهتكم و طيحت صمعة ديالكم الارض
(شافت فيه):انا وحدة ممزياناش و انت ا بابا متستاهلش بنت بحالي عارفاك تمنيتي تكون مولدتينيش ولكن والله حتى ندمت و منفعلتني ندامة كندير لي فراسي و ولفت نسلك منها ولكن هذه ملقيت جهد درتها عارفة راسي غالطة
(طاحت ليه عند يديه)'عافاك و بابا سمح ليا عافاك معمري نسامح الراسي الا مسامحتينيش عافاك سمح ليا الله يرحم الوليدين معمرني ندير شي حاجة لي ضرك ولا تخسر السمعة ديالك وعد قدام الله عافاك ا بابا منقدرش نعيش بلا بيكم عافاك ا بابا عافاك