🔥 اكرام توبتي 🔥 ( الدارجة المغربية ) تيما مبارك

الاجزاء 94 و 95

✳ الجزء 94 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

دخلات نادية و كتضحك هي و هبة على مينا و رقية تبسم ليهم شرف منين كي شوفهم كي ضحكو اما شمس ناضت من تما و كدور الدراري الصغار هما هدو نيت

ناض جمع الوقفة و دخل البيت تجبد شاف في تصويرة مراتو لي مزالة معلقة الدابا فيه و تنهد مرجع دكرايات داك النهار قبل ما يخرج من الدار

🔙🔙🔙

دخل الدار و طلع الفوق كانت نادية في سطح كتصبن سمع ماكينة الصابون خدامة و تشلال عض شفايفو و مشا كي قلب و يدور راسو هما و هزا و يشوف فين راها

حتى سمع تقرقيب في الكوزينة مشا ليها لقاها كتغسل الماعن الطجين حداها كي طيب و شلاضة صايباتها و قطعاتها طريفات و زيتون في طبيسلات و العصير معصر محطوط و دازت تجمع الماعن و تغسلهم و شمس برا فوق الكونة ديالها ناعسة 

شهقات منين حساتو جرها و خاشي راسو في عنقها كي عض عيضات فيهم قلبها بغا يوقف هز راسو باسها في خدها و كي مص

لمياء:شرف شكدير
شرف:نبوس مراتي
لمياء:واش هبلتي هدا
شرف(شادها من خصرها و هي كتبعد و هو كي زيد يلصق معاها):حطي هذه الشي و يالله الله البيت غير واحد واحد بالزربة قبل ما تنزل الوليدة
لمياء:لا شرف غير بلاتي شوف الغدا كي طيب منقدرش
شرف؛و حتى انا منقدرش
لمياء:كيفاش
شرف:نشوف هذه الزين كامل قدامي و مندير والو

مد يديه طفا على طجين و جرها معاه شاف في شمس كانت ناعسة و دفعها البيت اما نادية كملات صابونها و نزلات التحت دخلات كتشوف الكوزينة باقين ماعنها مركنين غوتات ليها

نادية:لمياء لمياء

كتلبس حوايجها و سمعاتها:شفتي حشومة عليك اصلا علاقتي بيها متوترة ا شرف
شرف(خنزر فيها):صاحبك معاك في البيت
لمياء:مقلتش هكدا انت اصلا مكتقدرش تصبر كتاخد مني الحاجة بزز
شرف(ناض دار هز سروالو لبسو و لبس تيشورت):دابا حقي وليتي تقولي عليه بزز ياااك
لمياء:مقصدتش هكدا والله

شرف هز حوايج اخرين و مشا حل الباب خرج و لمياء تبعاتو نزلات في الدروج حتى كانت عطيح كون مغوتاتش و دار عندها شدها خنزر

شرف:واااااش تسطييييتييييي مك ولااااا خرج ليييييك العقل علاش ناااازلة من الدروج هكدا علااااااش

لمياء(دموعها نزلو):مقصدتش ا شرف
شرف:طلعيييييي قابليييي بنتككككك

هزات عينيه فيه و هو خنزر فيها و دخل الحمام لي في التحت دوش بالزربة و لبس حوايجو و خرج

🔚🔚🔚

ناض خرج من تما مشا هز ليه الماء و دخل البيت حل الشرجم و هو كي شرب الماء كي سمع عيشة كتبكي و تدوي مع مينا و قلبها مشوي خرج بالزربة مشا دقدق عليهم✳ الجزء 95 ✳