🔥 اكرام توبتي 🔥 ( الدارجة المغربية ) تيما مبارك

الاجزاء 133 134

✳ الجزء 133 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

مشا ليهم شرف و دفع مهم و هو كي رعرع و يغوت تفرتكو من قدامو هذو حنا المغاربة مكاينش فينا لي يشوف القتيلة و يزيد كلشي خايف على راسو حضرو الكلشي ولكن حتى كي فوت الفوت عاد كي قول ليك لا مسكينة مدارت والو مسكينة راه تكرفص عليها هنا كنجيو نشوفو كنلقاو شرف ب100 راجل لي دخل بيناتهم و فكها مع انه كانت عتجي فيه كون تعطلت البوليس غير شوية ولكن كنقولو المهم دار مجهود الواحد

شرف:اكرام اكرام
ا

تحنا عندها و هي غير سمعاتو تخشات في صدرو خايفة اول مرة تزعم على الواحد و تعنقو لكن بالنسبة ليها هو المنقد الوحيد في هذه المعماعة كاملة الملجأ الوحيد ليها في هذه الساعة هو شرف دموعها خيط من عينيها و دمها في تيشورت ديالو طبع مهاموش قد ما هاماه هي واش اداوها كثر من هكدا و زيد عليها نضرات الناس لي تلممو عليها خلاه يجيد جاكيت و يحطو عليها فوق راسها مخبيها كاملة

شرف(كي حاول يهدنها):ششش دازت معتبقاش فيه والله ما تبقا فيه لا هو لا لي مصيفطينو

زاد واحد الراجل و جايب ليه ايزار:هاك اولدي غاطيها
شرف(خنزر فيه و غوت):سيري درق علي زلافتك لا انت لا هذه الشمايت لي معاك منين كانت بين يديه مقد حد يزيد يعتقها فركتو عليا الجقللللة الله ينعل اصل مكم كاملين يا جماعة النفاااااق

زادو بحالهم و شرف مد يديه هز نقابها و شد شعرها جمعو بين يديه قادو ليها مد ليها نقابها تديرو هزات راسها من صدرو و نسات راسها هزاتو في شرف هو كان ملهي معاها و كي قلب على حانوت واش حال يجيب ليها الماء  تشرب و كلينكس تمسح دمها دور راسو يقول ليها تنوض بشوية عليه

بقا جامد في بلاصتو عينيه مقدرش يزحزحهم منها ولو ان الدم على وجها الا انه مخفاش جمالها لي واخا طبيعي عادي بحال اي بنت ولكن بالنسبة شخص اول مرة يشوفها كتكون ردة فعل غير متوقعة اما  اكرام حسات بنضراتو ضغيا دارت نقابها على وجها و وقفات هو وقف معاها و شد ليها وجها جهة عينيها كانت الضربة باينة و الدم نازل مع الحرارة

شرف(تلفات ليه الهضرة)
اكرام:بغيت نمشي من لهنا
شرف:الدار
اكرام:لا لا مي الا شافتني عتبدا عليا بالاسئلة
شرف:واخا أجي

شد ليها يديها و زاد معاها حتى المحل ديالها خدا من عندها الساروت اما اكرام مزال الخلعة شادة فيها مزال رجليها مهازينهاش جلسات على العتبة و هو حل و دار عندها لقا دميعاتها هابطين مسح على وجهو و نزل عندها

شرف:شوفي فيا
اكرام(هزات عينيها حمرين بالبكى شافت فيه)
شرف:معتبقاش فيهم والله ما تبقا فيهم الا مجرجرت حسهم على هذه الشي لي دارو ليك منتسماش شرف الدين صافي مسحي عينيك
اكرام:مزال فيا الخلعة خايفة يرجعو يتعرضو ليا عوتاني
شرف:مغديش يتعرضو ليك لي قرب ليك نقتل مو
اكرام:شافوني كاملين ياك شافوني
شرف(كي حرك راسو بلا شد وجها):حتى واحد ما شافك اكرام حتى واحد ما شافك منهم حتى واحد