✳ الجزء 175 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
ضرب الباب برجليه حتى حلات ليه الباب بزربة خايفة طلات عليه بنص عين لقاتو هاز هاز صمطة في يديه صرطات ريقها و جات مردوخة على الارض منين دفعها عليها هزها حتى السماء و شبطها و غوتات
شرف(مخنزر):وليتي شمكارة ياااك
هبة:عافاك ا خويا غير نشرح ليك غير شرح ليك
شرف(هز صمطة و عطاها شبطة اخرى لفخاض):شنو عتشرحي ليا كثر اااه شنووو اش داك عند قاسم ااااش
هبة:حيت هو لي كي بيعها
شرف:راه كي بيع وسط منوووو الحشيييييش الحمارةةةةةة
هبة:كيفاش
نادية(مشات عندو البيت عياكلها):صافي اولدي صافي الله يرضي عليك اخر مرة
شرف:خليني امي ربيهم
نادية:الله يرضي عليك لاما سمع مني
شرف(شد ختو من شعرها خرجها و جلسها حدا اكرام و هو معصب):عارفين اشنو درتووو ااااه
اكرام(سالو عينيها بدموع):مدرت والله والله
هبة:سكتي حتى انت كنتي معانا
اكرام(خنزرات فيها):مترميش سبتكم عليا الله يرحم باكم لا انت لا مينا انا دخلت نشوفكم اشنو كديرو و البكية كانت في يديك انت انا مقلتش ليكم اشنو كديرو قلتو ليا مشغلكش
هبة:و من بعد سكتييييي
شرف(شاف في اكرام):كلشي يخرج منك انت ا اكرام مراتي كنقول عليها رزينة و متبتة و عارفة بينها و بين الله وااااااا بكثرة الايمان لي فيك كنحشم نبوسك
اكرام(خرجات عينيها كاملين شافو في شرف دوات من تحت نيفها): انت مشي غير كتبوس كتسرط
شرف:عاودي اش قلتي
اكرام(قفزات):مقلت واااالو و زيدون هما سباب
هبة:ايييه لا زين مشي سباب تسترتي
اكرام:متسترش
هبة: تسترتي
اكرام:متسترتش
(مسحات عينيها شاف في شرف لي مخنزر و هاز الصمطة عوال عليهم بجوج و نادية مخرجة عينيها فيهم):هما ا شرف والله حتى هما انا مدرت والو حيت واخا يوصل شنو ما كان معنضرش واحد في داتو ابدا
هبة(شافت فيه):لعنداك حتى انا مليا دنب هي لي بقات كتقول عنداك تجي في شرف
اكرام(خرجات عينيها فيها):انت جوج شبطات بقيتي تسرسري ليه و تخرجي لي مكاينش مدخلونيش بيناتكم
هبة:مالكي مقلتيهاش
اكرام:قلتها يا الهم حيت مبغيتوش يتأدا
(شافت في شرف لي هز الصمطة على ضهرو مستاعد يشبط وحدة فيهم هي تخبي وجها و دوات):والله ا شرف ما عندي دخلة و قلت ليهم مديروهاش و مي جات هزات الكيسان و كنت عنقولها ليها سدو ليا فمي باش منقول والو والله ما كنكدب عليك و حتى باش كنا عنخرج شدوني مخلاونيش و الباقي راك عارفو
فعلا كانت الشبطة عتجي فيها ولكن جات في هبة لي حكاتها خلات اكرام تقفز و تبعد من حداها و هبة كتحكها ودموعها دازو بين عينيها
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
