✳ الجزء 346 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
فؤاد عيخرج العقل لصامد من نهار قال ليه بلي هو كان بزناز و هو شادها معاه زكاير اصلا منين قالتها ليه شمس فهمها و وصلاتو الخبار قبببببببل گاع اي اب كي سول على راجل بنتو و اي اب خاصو يعرف لمن يعطي بنتو من نهار عرفها كتخرج معاه و هو ينبش من موراه و زهر لي عند صامد هو انه معارفوش مدوز الحبس في إسبانيا هذه الشي لي شادو بينو و بين ايناس كان معيعطيهاش ليه ولكن منين داز على المحل ديالو و شافو خدام عليه مزيان و كي عاون الناس لي مفحالهمش في التقضية فكر مزياااااان و لقا غير يعطيه فرصة و ضنو فيه مخابش نهائيا 3 سنين ديال زواج ببنتو معمرها غضبات دائما كي شوف بنتو ضاحكة و لي قرب ليها ولو بالهضرة ينوض عليه السكوندار حتى مبقا حد في الحومة يقدر يحل عليها فمو
اغلبيا كي قولو تزوجات صاحبها لي كانت طاطي معاه يكون تقبها عاد تزوجها راه حيت البنات عاودو لمهم اشنو قالت ليهم سلوى و حيت مزالة كتنبش كيف فضحها صامد في الحومة حتى هي بقات تنبش عليها و منين ساق الخبار صامد تما جعر خلى حتى ايناس مكايناش في الحومة داز ليها هو بيديه خرجها من وسط دارهم و دوز لمها اكبر شوهة حتى خلاهم يدخلو سوق راسهم و من تما ما بقات سلوى تقد تخرج من دارهم هذه الشي لي خلى فؤاد يزيد يكبر في عينيه كثر وكثر
و لكن غير تزادت البنت اوا هو يقلبهم عليه خصوصا صامِد عدوه لي تكون بنتو مرتاحة في نعاسها يمشي شي واحد يبوسها او يهزها و المصيبة جات مع باها ميقدرش يخصر ليه لا تنفخ عليه ايناس
جلسو على الطبلة و نزهة حاطة طاجين اللحم بالبرقوق صامد خلا عشا لي صايبات ليه ايناس و زاد ياكل مع نزهة لي اصلا مطلوق هو و ياها في الهضرة قولها و ضحك عليها علاقتها بيه كيف ام و ولدها حيت ايناس مكتخبي عليها والو من صغر حتى انها كتستر بنتها و هي لي كتقول ليها اشنو دير مع رجلها حيت معندهاش دراية كيف كي قول ليها صامد و فؤاد و هذه متافقين عليها سطللللة فاقت لمياء من النعاس ناض فؤاد و خلا صامد غير كي شوف مشا عدنها و هي كتفرنس مع فؤاد و ضحك و تبغجن في فمها عندها 7 شهور مزال متفرزااااتش مزياااان كيف كنقولو ولكن طالعة شويطينة كيف باها و زينها زين مهاااا كيف كنقولو ايناس خنزرات فيهم حيت صامد ناض ياخدها من عندو
ايناس:خنقتوها
فؤاد:دوي مع مراتك انت
صامد:دوي معاها انت لي باها
فؤاد:عاد ولات بنتي ياااك
صامد:ارا ليا بنتي و سير خود بنتك
فؤاد:لا عندي حفيدتي انااا و دي مراتك
صامد:ايييييه انت عندك مراتك و تزيد بنتي زوينة هذه ارا البنت
فؤاد:سير سير وجد انت و ياها شي واحد جديد و جيبو وليدات اخرين هذه معنعطيهاش ليك عنربيها انا
نزهة:البنت لاعبين بيها الكورة
ايناس:السيد كيبغي بنتو كثر مني
نزهة:دوزي ا بنتي خودي بنتك
ايناس:لا ا ميمتي بغيتي با يسخط عليا انا غير نقرب ليها يغوت ربي لي خلقو
(شافت في صامد):صامد
صامد(شاف فيها):دوي مع باك يعطيني بنتي نخدم عليها في ليل في الاخير يديها ليا باردة
فؤاد(خنزر):يااااك انا لي خدم ولد كبر خرق جيب ليكوش جيب الحليب جيب الرداعة عنداك شوف هز مالك كبر قري تعدب في الامتحانات كثر منها وصلها المدرسة جيب من المدراسة في الاخير كبرات و جيتي انت ديتيها باردة
صامد:مشغليييييش انا عطيني بنتيييي ا عباد الله خود ها بنتك
فؤاد:نهار لي عطيتها ليك كانت بنت رجع ليا البنت كيف كانت مشي حتى شرگات كرشها عاد هاك بنتك
صامد:من غادا نهبطها ندير ليها الترقيع و رجعها ليك كيف كانت عطيني بنتي و عطيني بنتي
فؤاد(وقف و شاف في نزهة):اوالله لا ديتيها
صامد (تبعو):ارا البنت
فؤاد(دار عندو من الدروج):سير ا وليدي سير حسن ما ناخد ليك حتى مها تصدق لا بالبنت لا بمها سييير
خلاه غير كي شوف خنزر و دخل لقا ايناس هازة ريشها و كتجمع في الطبلة حط يديه على الحيط و كي شوف فيها
صامد:شفتي اشنو دار باك
ايناس:عبر عليك
صامد:انت معاه او ضدي
ايناس(خرجات من الكوزينة):انا دير ليا الترقيع و ترجعني الدارنا كان خاصني نمشي معاهم نيت و نوريك غير كتشوف بنتك كتنساني انا تقول مزوج بيا غير على قبل الولاد مشي حيت كتبغيني
صامد(مشا عنقها و باس راسها):انت القلب و هي الكبدة ا بنتي واش انا نسخى بيكم اممم
ايناس:كتبغي لمياء كتر مني يااااك
صامد:بغيتي الصراحة
ايناس:شنو
صامد:كنبغيكم بجوج معزة الزوجة بوحدها و معزة الأبنة بوحدها
(حط يديه على خدودها بجوج و هو دافعها البيت):انت مراتي مكتعوضش و لمياء انت عارفة علاش متعلق بيها
(دور يديه على خصرها و هي تبسمات): منقدرش نفرقكم و باك خرج ليا من جنب اشنو ندير اممم كنخاف نخليكم و نتوما بعاد عليا ا بنتي
ايناس(دورات يديها على عنقو): نااارييي ا صامد ضغيا كدوخني بكلامك
صامد:شحال عندي منك انااا اممم باك خارج ليا في عودي ابنتي في عودي
ضحكات ليه و هو كي دوز على ضهرها معنقها اما فؤاد خدا لمياء و نعسها حداه و هي كتفرنس ليه حيت اصلا مولفة عليه كثر و كثر نزهة غير كضحك ولكن عاجبها الحال حيت ربي عطاها حفيدة على مزويناتها
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
