🔥 اكرام توبتي 🔥 ( الدارجة المغربية ) تيما مبارك

الاجزاء 163 164

✳ الجزء 163 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

كان راجع بالخضرة حطها في عتبة الباب باش يدخل حتى كي صغر عينيه عوتاني صفر الكمارة كي طل على الدار مشا ليه نيشان ناوي على خزيت شنق عليه و زدحو مع الحيط حتى غوت و نطق بين سنانو معصب

شرف:اش قرب لديلمك لداري قلت ليك المرة لي فاتت خوي السيكتور اااه
نعمان:غير نشرح ليك غير نشرح ليك اش كاين والله ما كي حساب ليك
شرف(زاد زدحو):اش عتشرح ليا ينعل اصل مك قلب على زااااااااامل لي ولدك و فوت عليك داري كتسمع

خرج فؤاد و نادية حتى هي على صوتو باين عياكلو منين هز يديه حيت ميمكنش اي واحد عيدخل ليه الشك في الراس منين جا هدا و شنو لي جابو وعلاش دار شرف بضبط لي جاي ليها و كي حوم عليه اكيد كاينة شي حاجة و هذه الشي لي دخل الشك لشرف و خلاه يشعل شعلة المعقول و معقل على راسو الا شانق عليه و جيران كي تفرجو اما اكرام كتحك يديها مع بضياتهم

فؤاد:رخيه ا شرف رخيه اولدي نعرفو اش واقع
شرف:هذا الزا

ردها من فمو و شاف فيه:هذا سيمانة و هو يحوم على داري و يمشي و يجي عند بالو معايقش بيه
(شاف في نعمان):اش بغيتي عندييي اااااش

نعمان(كي كحب):انا انا انا ناوي نخطب ختك هبة على سنة الله و رسوله
شرف(شاف فيه بصدمة و خرج عينيه):عاود اش قلتي

نعمان:كيف سمعتي باغي نخطبها هذه الشي علاش انا جاي الهنا الحومة باش نشوفك و ندوي معاك انا عاد كريت هذه الدار ولكن ختك شفتها هذا شحال و عجباتني

شرف(دفع مو):سير تق ووود معندي خوتات لزواج

خلاه و دخل مخنزر اكرام تبعاتو الفوق دخل الكوزينة و هز الماء ويشرب و هي شافت فيه دوات بصوت رقيق ولكن فيه نوع من العتاب

اكرام: مكانش خاصك تصرف معاه هكدا ا شرف
شرف(دوا عكسها منفاعل):كيفاش بغيتيني نتصرف معاه سيد غادي جاي على الدار ميدخلش ليك الشك
اكرام(حطات يديها على صدرو لي كي طلع و ينزل بالاعصاب باين عليه):تهدن ا شرف عافك راه مقصدش و سمعتيه نيتو صافية متزيدش فيه
شرف(شد يديها نترها مخنزر من كلامها): انا مكنزيدش فيه تعلمي مدخليش في امور مكتعنيكش ا لمياء

خرجات عويناتها فيه بصدمة و هو عاد عاق اش خرج من فمو صرط ريقو اما هي الهضرة هربات عليها مقداتش تدوي تلجم ليها اللسان كيفاش قدر يجبد اسم مراتو الأولى قدامها لا و غوت ليها هي في بلاصتها

دورات وجها باش ميشوفش دمعة نزلات ليها نطقات و صوتها مرعود:انا اكرام ا شرف مشي لمياء سمح ليا الا دخلت في لي ماكيعنينيش

خرجات من الكوزينة و هو ضرب يديه مع البوطاجي معرفش راسو اش خرج نهائيا محسش الا هو داير فيها عتابها كيف عتاب لمياء غير لمياء العكس كانت كترفع صوتها اما اكرام لا كتدوي بصوت خافت ولكن فيه العتاب خرج من الكوزينة و مشا عندها الصالة لقاها كتخبط في المخاد و تعاود مبغاش يدوي معاها ديك الساعة هو معصب و حتى هي خرج من تما و هو قمة الاعصاب اما اكرام جلسات على سداري منين سمعات باب الفصيل تسد و جلسات دموعها على طرف عينيها مسحاتهم دغيا منين سمعات نادية طالعة في الكروج خبات كيتها في قلبها و قلباتها تبسيمة مغطية على لي في داخل ديالها✳ الجزء 164 ✳