✳ الجزء 291 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
ايناس معرفات راسها باش تبلات هزات راسها في الباها و دموع في عينيها مفاهمة حتى زفتة و فؤاد كشاكشو خارجة و الاعصاب تجمعو فيه شحال صعيبة تكون داير تيقة في بنتك انها من الدار الخدمة من الخدمة الدار و تصدق كتسركل ليه في الزناقي ولا فوق هذه الشي داخل عندها حتى الخدمة
ماهية غير نص ساعة في النهار باش كي وصلها ولكن راه تفكيرو مشا بعيد حيد الصمطة و شاف فيها
ايناس:بابا اشنو درت
فؤاد:من ايمتى مصاحبة معااه دويي
ايناس(صدمها):ش ش شكون هذا ااااااه
هز يديه شبطها حتى غوتات و نزهة كتضرب يفتح ليها و هو شاف فيها:دااااك سلگووووووط لي كان معااااك من فووووقااااااش
ايناس(عيونها نزلو بالدموع):والله ما مصاحبة معاه ا بابا والله ما درت شي حاجة والله
كدوبها عليه هو لي خلاه يشعل بقا غير كي ضرب و فين ما جات و هي كتغوت ربي لي خلقها و مكمشة في بلاصة وحدة الدعوة تخلطات و عيشة نزلات من سطح مفاهمة والو كتشوف في نزهة كتغوت و تضرب و تعاود يفتح راه عيقتلها هو مكاين غير الله يعطيك صحيحتك و ايناس كتطلب فيه و تعاود غير يسمعها و يعطيها فرصة
تقصحات من يديها بزاف حيت منين جات تنوض و ضربها رجعات عليها و زادت عطاتها الصداع و هو واقف عليها بالصمطة كلاتها بالمعقول و النفس مبقاتش كتقدر طلعها نهائيا نزهة على برى كتضرب و تعاود يفتح ليها و فؤاد مبغاش يفتح
فؤاد:عتبقاي هنا من يوم مكاين خرج حتى يجي لي يتزوجك و تغبري عليا كمارتك و داك تيلي معتعاوديش تهزيه الا لقيتك عتبتي باب دار ما تلومي غير راك انا كنصيفطك تخدمي و ديري فلوس تحت منك ولكن انت عاطياها غير التسلگيط
ايناس(كتشوف فيه تدوي و تشهق):والله ما درت شي حاجة خايبة ا بابا والله
فؤاد:معنتسناكش حتى ديري شي حاجة خايبة معنتسناكش حتى تجيبي ليا كرش كيف لي دارو قبل منك ها ودني منك ا ايناس
خرج و خلاها نزهة دخلات عندها تعنق فيها و تشوف في لحمها زرقة ناضت عنقاتها و خرجاتها من تما و عيشة معاوناها دخلوها الطواليط و هي كتغوت بيديها لي عاطياها الحريق معرفو ما يديرو ليها نهائيا شوية سمعو الدقان في الباب الحمام مشات نزهة حلات لقات فؤاد هاز في يديه الفاصمة و بوماضة
خداتها من عندها بالنترة و دخلات عندها سادة الباب جلسات حداها و كتدهن ليها
عيشة:باك ا بنتي باك
ايناس(كتشهق):ولله والله ما درت شي حاجة هو هو معمرو حتى باس يديا والله ا خالتي و الله
عيشة:صافي ا بنتي صافي الله يعطيك الستر
نزهة:خايفة ا عيشة غير الا ساق الخبار يمشي لفؤاد لمحال
عيشة:ميقدش يخاف على ايناس يجي ليها فؤاد و زيدون باها
نزهة:نوضي ا بنتي نوضي
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
