🔥 اكرام توبتي 🔥 ( الدارجة المغربية ) تيما مبارك

الجزء 9و10

🌙 رمضان كريم  🌙

        ✳ الجزء 9 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

تعاشات العشية و ناضت نادية هزات شمس لي مزالة ناعسة سلمات عليهم و خرجات الدارها دخلات ليها لقات شرف باقي كيف خلاتو مليوح في كل قنت تنهدات و دعات معاه بالهداية دخلات شمس حطاتها في البيت  غطاتها و خرجات الكوزينة

شرف سمع تقرقيب فيه و ناض مخسر ملامح وجهو تگعد راسو كي ضرو بزاف و كي حك عينيه كانو حومر بفعل الشراب و قلت النعاس خشا يديه في جيبو و جبد گارو و شعلو و غوت

شرف:ميييي
نادية(خرجات عندو و هي معاجبها حال): على سلامة ا مولاي السلطان عاد فقتي سيادك ناضو على النبوي و قضاو حاجتهم و انت الطاسة و الكاس في ليل و النعاس في الصباح اش قضيتي بيها اااه

شرف (كي كمي):مي خليني منغلطش فيك الله يرحم الوليدين

دارت عندو و هب دايرة الفواطة على خصرها و زيف حياتي على راسها هازة معلقة في يديها دير لبنتها ما تاكل

نادية:لا هز عمود الكراطة و اجي ضربني انت گاع
شرف (كي حك شعرو و يتنفس بجهد نفس الموال ولا كي سمعو في هذه الدار):واش دائما نفس الهضرة عنبقت نسمعها منك اااه واش مكتعيايش مشي شغلك فيا ندير لي بغيت حياتي هذه و انا حر فيها

نادية:انت مشي بوحدك عندك بنية لي تحرمات من مها و عتيتمها في باها و هو مزال حي اولد كرشي الله يرضي عليك فيق فيق و عيق راه 35 عام مضيعش شبابك واش لي تبعو طريق الحرام طفروه اااه

شرف:بنت مالها اش خاصها راها وأكلة شاربة معاك رادة ليها البال
نادية:اليوم انا معاك و غادا منين يدي من الأمانة امانتو اه
شرف (كمل الگارو الاول و تبعو بالتاني و هز راسو فيها):ديها معاك حتى هي متخليهاش ليا هنا سيرو كاملين

ناض كي حك راسو و نادية تبعاتو:وليت نحشم نقول انت ولدي وليت فين ما ندوز ينعتوو فيا الناس و يقولو ليا راها مت السكايري وجهي مبقيتش عارفة فين نديرو بكثرة الحشمة من الناس ا شرف مشي انت هو لي كانت دخل عليا بضحكتك الزينة

خرجتي من لاصال خرجتي من الخدمة حياتك خرجتي عليها على قبلها هي ماتت و شبعات موت و انت ميت و انت حييييييي

سد الباب و شاف في التصاور ديال مراتو لي معلقين و خنزر:كون كانت عايشة انا نقتلها و نمشي على مها الحبس

حيد تريكو و تلاح على النموسية يشد العشية ممسوقش الهضرة مو ولا كية لي في قلبها ولا عايش بحال الا معايش بين ليلة و نهار ولدها ضيع حياتو والا مفاقش راه شي نهار يجيبو ليها خبارو يا تقتل يا قتل و دخل الحبس 🌙 رمضان كريم  🌙

        ✳ الجزء 10 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

العشية وصلات 8 كتجي في الضو مع زائدة ساعة مزال الحال دخلات هبة و حطات صباطها عند البال و صاك ديالها مشات الكوزينة نيشان سخنات الماء و توجهات البيت بدلات حويجاتها و رجعات هزات المقراج و دخلات الطواليط نيشان هزات صابونة وغسلات رجليها و نشفاتهم و مشات البيت لقات شمس جالسة كتفرج في رسوم و نادية مجبدة حداها حتى هي

هبة:سلام ا مي
نادية:جيتي ا بنتي كاعما سمعتك
هبة:قضيت كلشي لتحت
نادية:مزيان هزي ا بنت تاكلي كيف كانت الخدمة
هبة:شحط شحط ا مي تقهرت مع العيد الكبير جاي خاصنا نسالي كلشي في دقة
نادية:فيها خير ابنتي دابا ترتاحي
هبة:شمووووسة حبيبت عمتو متوحشتينيش
شمس (شافت فيها و ضحكات)
هبة:شوفي اش جبت ليك دوزي أجي هاكي

شمس نزلات عندها و مشات تاخد من عندها
هبة(شداتها كتبوس فيها و تعض و هي كضحك):يخليلي ضحيكة ا حبيبة عمتو

هبة:دايزة امي و كنسمع صوت في دار عمي فؤاد ضحك و نشاط قلت سعداتهم والله
نادية(تنهدات):كنت معاهم

هزات راسها بان ليها شرف خارج من البيت و مشا غسل وجهو و جا الطبلة جلس فيها و هز ياكل شمس مشات حداه جلسات و مدات ليه شكلاط خداه باسها و حطو

نادية(تنهدات و كملات):عاد دخلات من عندهم صايبت ليك ما تاكلي ا بنتي

شرف(كب ليه القهوة و كي شرب منو ممسوقش)

هبة:هاي هاي على مي مشات بلا بيا
نادية:بقاو يرغبوني اوا دخلت يالله جاو جداد عيسكنو هنا حدانا عندها جوج بنيات كيف البلارات الدين و الحشمة و عندهم خوهم صغر منهم يمكن عندو الباك عاد خداه
هبة:دابا نتعرف عليهم
شرف:هبة كاس الماء
هبة:واخا

مشات جابت ليه الماء و جلسات هو جبد الكارو و شعلو كي نتر منو نادية خنزرات:راه بنتك حداك يا هذه البغل واش بغيتيها تمرض
شرف(حك نيفو و شد شمس من يديها):سيري ا بنتي عند جداتك يالله

مشات كتخطوي حتى العندها و جلسات حداها كتفرج و هبة كتشوف قطعات ليها شمس قلبها شافت فيه

هبة:واش عارف الا دعاتك معاها دياال لمياء تلحقك و تدي ليك شمس
شرف(نتر من الكارو):اوا
هبة:خويا رجع كيف كنتي الله يرحم الوليدين راه عتهلك صحتك و تهلك معاك بنتك و ضيعها راه مكنتيش هكدا حتى من حوايجك وليتي تبيعهم على قبل الشراب
شرف(ناض وقف و دوا مخنزر):دخلي في جهة لي ضاراك و عطيني التيساع

خرج من تما كي خطي و يلعن و هي تنهدات اما نادية قلبها ضرها و تنهدات عاماين و هي تابعاه و كون غير تعرف اش بدلو والله حتى توقف معاه