✳ الجزء 165 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
بعد صلاة الضهر رجع الدار باش يتغدا كيف دخل ريحة ديال الكسكسو و سمن الحر عاطية في الدار و هذا ان ذل كي ذل على حداگة مولات الدار طلع و هو في يديه ميكة طل في الدار و ضحك منين سمع جرا ديال شمس في السطح مشا الكوزينة لقا اكرام كتفور كسكسو في التفويرة الأخيرة ليها حيت سمعات الباب منين تسد مداتهاش فيه حط الميكة و شاف فيها
شرف:ريحة عاطية من راس الدرب كنقول سعدات لي واخد طيابة ريحتو يتشم و يتشهاه غير دخلت على باب الدار عرفت راسي واخد زينت الحادگات كسكسو اش ناقصو ا اكرام
شافت فيه و دارت تهز مغرفة هو تبسم و كمل كلامو:ناقصو ا شرف اللبن ها هو جبتو
مكيتلقا من عندها فقط الصمت شاف فيها و هز ليها شعرها لي مسند على ضهرها و عراه ليها قرب باس كتفها و هز راسو فيها
شرف:توحشتك غير من 10 ل 2
هربات عنقها منو و هزات راسها مستقيم و دوات بصوت رقيق كيفها كلامو الدابة ماثرش فيها نهائيا و حتى تصرف لي دارت معاه بزز باش صرطو خنزر معجبوش الحال نطقات بين شفايفها
اكرام:سير بدل حوايجك الغدا طاب خالتي شوية و تهبط عنسكي دابا
شرف(حاصرها من بوطاجي و من عروق يديه باين انه تعصب):اكرام دوري شوفي فيا
اكرام:شرف معنديش الگانة والله العظيم بدل ساعة بخرى
شرف(ضغط على سنانو بزز):شووووفيييي فيااااا
اكرام(غمضات عينيها و دارت عندو بالعرض البطيء):هانا
شرف:من هذه تصرفات ديالك بلا ما تنتاضري مني نطلب السماحة انت جيتي في وقت الاعصاب و اي حاجة خرجات من فمي بدون قصد و انت عارفة هذه الشي نيتي مكانتش هكدا
اكرام(كتشوف عينيه كيفاش حومر طلعات نفس و هبطاتها و نطقات):عارفة اشرف معتجيش عاد توريني فيك و مشي اول مرة قبل منهم بزااف
كي شوف وجها تبشر و ابتسامتها وساعت مفهم حتى حاجة حتى نطقات نادية عاد فهم البلان ديالها
نادية:والله يهديك اوليد وا خليها غير تنفس و انت خانقها هكداك
اكرام حشماتها بكلامها و شرف دور وجهو لهيه و ولا شاف في اكرام طلع باس راسها قدام مو و خرج من تما خلاها مصدومة دخلات عاوناتها في توجات و حطو فوق الطبلة✳ الجزء 166 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
كي ياكلو وشرف عينيه عليها منزلهمش تصرفاتها كي دلو انه مواقع حتى مشكل و اصلا مكاين حتى مشكل تصرفاتها عاديين تصرفاتها في محلهم لكن الا جيتي تشوف الداخل ديالها حساه تكسر و دليل هو انه معمرو قال ليها توحشتك حتى اليوم علاش في هذه الساعة بالضبط لي قالها ليها فسراتها انه باغي يصلح جرة فقط داكشي باش كان عندها ديك ردة فعل و متأتراتش بيها في حين هو بصح قال داكشي لي حاس بيه فعلا توحشها و مكدب عليها في والو
هنا كي ستنتح ان اكرام بعيدة كل البعد على لمياء بعيدة في كل حاجة تصرفاتها اقوالها تحركاتها افعالها في كلشي لمياء كان كي غوت عليها كتنفخ و تجلس في البيت و هو مكيبغيش يعثادر الا هبة و نادية لي كي ضغطو عليه باش ينوض ولو غير يقول ليها نوضي تعشاي بالدارجة انه الدار كاملة كي عرفو علاش مخاصمين شحال كان يقريها على هذه التصرفات حيت كتجيه هو ديال الدراري الصغار اي حاجة وقعات بين راجل و مراتو يحلوهم هذه الشي كاين في اكرام
ناتي حاجة لمياء كان الا غوت عليها كترفع صوتها حتى هي حتى غواتهم كي صول عند نادية و تطلع كتجري خايفاه يضربها حيت يديه صابقين مكتعرفش تعامل بالتي هي أحسن كيف اكرام منين دار فيها سكتات و منين جا عندها دابا كتقول ليه بدل ساعة بأخرى
يعني بالدارجججججة شرف لقا داكشي لي كان متمني في لمياء في اكرام بالضبط لقا فيها كل حاجة باغيها و دليل قدامو هي مخليا خلافهم حتى يكونو بجوج و يحلوه مكاين لاش دخل نادية في الخط من جديد
بقا كي شوف فيها حط المعلقة و زاد ياكل بيديه نادية ضحكات عليه:شرف مشي ليك
شرف(شاف في اكرام لي مشافتش فيه باين عليها انها كتنقب و هذه الي ما باغيش): مراتي غير كتنقب
(دار لگيمة بيديه و مدها ليها):باسم الله
اكرام بقات كتشوف و نادية فرحات:كولي ا بنتي راه ميتفارق معاك حتى تشبعي
اكرام مدات فمها خدات من عندو شرف دور راسو و شاف في شمس دميعاتها في طرف عويناتها و نطقات
شمس:بابا انا
شرف(حل يديه):أجي عند بابا
شمس ناضت من حجر نادية و مشات عندو جلسات حتى هي عطاها حقها و بقا بين اكرام و شمس هنا و هنا حتى وقفو اما اكرام كانت حشمانة من نادية مبغاتش تعرفهم مخاصمين داكشي علاش سكتات هو حتى كملو ناض غسل يديه و رجع جلس كي ياكل و هو مخنزر سمعو صوني شافت في اكرام
نادية:صايبتي طبسيل ياك ابنتي
اكرام:اه ا خالتي
نادية:نوض تعطيهم مساكن ابسم الله
شرف(تبع مو حتى مشات و شاف فيها):مرة أخرى خلي الخلاف بعيد و كولي
اكرام(خسرات عليا كلمة):واخا
شرف(حط يديه على يديها حتى هزات راسها فيه):حتى في تخنزيرتك كتكوني زوينة
اكرام(جمعات يديها و زادت قطباتهم):مع العصر عنمشي لدارنا
شرف(رجع لور و هز كاس لبن):واخا
دورات وجها ليه حتى غمزها دقتو مكيعطلهاش و سماحة مقادرش يطلبها هزات كاسها اللبن و هي دير مناقص
اكرام:انت لي جايب اللبن مخاصنيش
شرف:على أساس كسكسو جبتيه انت
اكرام(شافت فيه):شوف راه الاعصاب عند نيفي يا تبدل الساعة بأخرى انت يا انا
شرف(عض شفايفو نايض ليها و هي ترجع بلور ولكن مخنزرة):تبتي لارض و انت لسانك مبري منك
اكرام:نوض عليا
شرف(ضحك):شي ماتش دابا تبردي
نادية:اوا الله يمسخك بعد من البنت و انت فين ما مشات لاصقها خاصك غير الغفلة
شرف(ناض حك شعرو):عندخل نتكا شوية شمس أجي ابابا معايا أجي
شاف في اكرام و دخل و هي مخنزرة فيه
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
