🔥 اكرام توبتي 🔥 ( الدارجة المغربية ) تيما مبارك

الاجزاء 197 198

✳ الجزء 197 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

صباح جديد

كانت واقفة كتشوف في الدهب ديالها كان دبيلجات بين يديها كان جابهم ليها هو نيت مع دهازها تبسمات سمعاتو فتح الباب و دخل كي حك شعرو كي زيد ينشفو دارت شافت فيه

اكرام:بصحة
شرف:يعطيك الصحة
اكرام:اااممم
شرف:اش تما
اكرام:بغيت ندوي معاك ولكن متقلقش مني عافاك و متفهمنيش غلاط
شرف(رما الفوطة و مشا عندها هز ليها راسها عندو مدور يديه عليها):شنو 
اكرام(وراتو دبيلجات):هاك
شرف؛مالو
اكرام:على قبل المكينة القهوة على الاقل الا بعتيه عيجيب ليك 4 الف درهم و زيد عليها انت شي بركة و شري الماكينة
شرف:رجعي رزقك البلاصتو

مشا هز تقاشر و هي مشات وقفات عليه: منين عتجيب فلوسها و هي باينة غاليا ياك
شرف:باش عرفتي غاليا
اكرام:منين مقديتيش تشريها لبارح راها غالية
شرف(طبطب على  سرير و جات جلسات حداه شد يديها بجوج وجمع الدبيلجات ليناتهم):متخميش ليا عنتسلف من عند حمزة شي بركة و لي عنيد و عنحطهم في الماكنة و نحط عليها شيك ضمانة انت متخميش في هذه الشي
اكرام:شحال كدير الماكينة
شرف:3 المليون

اكرام خنزرات فيه ناضت جبدات صندوقة لي عندها في الشانطة و حلاتها جبدات منها دهب ديالها و شي فلوس كانو عندها حطاتو قبالتو و شافت فيه

اكرام:معتسلف من حد و معتعطي حتى شيك ضمانة الفلوس حنا لي كنديرهم مشي هما لي كي ديرونا غادا ولا بعدو منين متلقاش منين تخلص مول المحال و مشي يحط عليك في المحكمة و تصدق مجرجر في المحاكم
شرف:اكرام معناخدش منك سنتيم

اكرام:شرف انا مكنقولش ليك خودو اه بغيتك تاخدو حيت انت راجلي و واجب عليا نعاونك ولكن فكر بعقلك كاينة شمس خاصها طبيب كاين انا و ختك و مك تحت مسؤوليتك عتسلف هذه 3 المليون و هي كاينة عندك

شرف:بقا كي شوف فيها و هي تنهد

اكرام:هذه 7الف درهم لي عطيتيني في صداق و هذه الدهب رهنو و خود فلوسو و منين تجمع البركة ردو ليا

كي شوف فيها و تبسم ناض باس راسها و نطق:ردي دهبك عندك
اكرام(ناضت جمعات الوقفة و خنزرات):شرف واش حتى لهذه الدرجة مكنسوى والو قدامك
شرف(خنزر):اش جابنا هذه الهضرة
اكرام:كتعامل معايا على انني غريبة عليك و مباغينيش نعاونك نهائيا علاش
شرف(شد وجها):انت مراتي
اكرام:مباينش بغيت نعاونك نوقف معاك حيت مراتك و انت رافض هذه الشي متاعد تسلف من البراني و متخليش مراتك تعاونك
شرف:مشي هذه الشي مباغيش نضيعك في رزقك
اكرام:رزقي هو رزقك الدهب و الفلوس حنا لي كنديرهم حنا عندنا منين علاش عتمد يديك لبراني ا شرف حشومة عليك هذه الشي لي كدير فيه

عتابها كان  في محلو و عندها الحق الفلوس كاينة علاش عيتسلف و بنادم ولد الحرام عنقها و طبطب عليها و تنهد:خلي صداقك عندك غادا نخرجو انا و ياك و نوشفو الذهب شحال ساوي و نرهنوه
اكرام:لا دابا نيت عتحيد عليك هذه القضية
شرف:عندنا ما يتقضى
اكرام:لا عنفكرو و نخرجو
شرف(تنهد):واخا ا اكرام ميكون غير خاطرك

عنقها و زير عليها كل ما زادت معاه كون ما كبرات ليه في عينيه من تصرفاتها و هذه الشي بحد داثو مخليه فرحان حيت مراتو✳ الجزء 198 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جالسين كي فطرو مرة مرة يحط ليها الحاجة قدامها نادية مفهمات والو بيناتهم غير لبارح مناگرين و اليوم مصالحين دعات معاهم بالهداية و كملات في فطورها حتى شافتو نايض و دوات معاه

نادية:شرف ولدي
شرف(شاف فيها):نعام ا ميمتي
نادية:اليوم معروضين راك عارف و حشومة ندخل بيديا خاويين
اكرام:زعمة حنا غراب ا خالتي
نادية:ربي عالم ا بنتي مزتكم عندي قداش لا انت لا مينا ولكن ضروري من الصواب
شرف:واخا ا ميمتي نشوف
نادية:الله يرضي عليك

تبسم ليها و دخل البيت شرف من نوع واخا ميكونش عندو ميقولش ليك معنديش نهائيا المكينة تخصرات و هو شحال كان يجمع باش قدر يشريها كان كي حوش من لهنا من لهنا و عطى شيك ضمانة باش تخصرات ليه تلفات بيه لي كان عندو دار بيه عرس لاكرام واخا مطلباتش ليه بزاف ولكن خلاها تهز راسها و الباقي لي شاط ليه مخبعو لدواير الزمان

يعني كان عيتسلف من جديد و يرجع لعادة القديمة اما اكرام حتى هي حربية و عارفة لي كاين و حاسة من ناحية انه مضرور منين قال ليها البارح كنجري من معلم المعلم و هذيك القهوة هي مصدر رزق ديالهم متردداتش انها تعطيه دهبها باش يشريها و هذا مثال الزوجة الصالحة

دخلات عندو البيت لقاتو كي حيد تيشورت و كي لبس التاني ديال الخروج مشات هزات صاكها دارت فيه الدهب و لبسات حوايجها و خرجو بجوج من تما تحت دعاء ديال نادية ليهم

اكرام:شرف
شرف(حل ليها يديه خشات يديها في دراعو و شاف فيها):نعام
اكرام:عتشري كادو لختي
شرف:ضروري
اكرام(تنهدات):واخا و شنو عتاخد ليها

شرف:معرفتش نشوف شي حاجة مزيانة و مغالياش
(شاف فيها):هذه الايام عنكونو مزيرين ا اكرام بزاف القهوة دخل ديالها محدود و خصوصا دابا الشتاء عتدخل و قليل لي عيجي ليها
اكرام:مشي مشكل ما ناكلو المهم تكون انت مرتاح
شرف:هاي هاي هاي على نكون انا مرتاح
اكرام(خدودها توردو):ضروري
شرف:باغياني نكون مرتاح
اكرام:علاش انت مشي راجلي و تاج راسي
شرف:رخفي عليا ا اكرام شوية

ضحك معاها و دخلو عند دهايبي الاول تمن لي عطاهم معجبهمش و التاني و التالت كلشي كي طيح منهم حتى وصلو المحل التالت شاف في شرف و ستأدنات هي لي تشطر معاه مزيان خلاها على خاطرها