✳ الجزء 141 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
سلام عليكم من فمها كتجيه كيف رنة في ودنو كتبورشو كي حسها خاصة بيه بوحدو معرفش علاش جلس و مسح على راسو عاض شفايفو بطريقة رجولية جميلة و فلتات ليه تبسيمة على لي وقع قبيلة و كيفاش كانت كتقول ليها عضربيني كانت خارجة من شفايفها كيف العسل خلاه يدوي مع مها بلا عقل
شرف:كيف بقيتي
اكرام(واقفة كتلعب بيديها):مزيانة ها انا كنعدي
شرف:سمعت صداع قبيلة باش كنت طالع
اكرام(تبسمات):كانت مي كضرب مينا
شرف:علاش
اكرام:حيت ساقت الخبار صاحبك بغا يجي يخطب ختي و هي مبغاتش
شرف:من حقها ا اكرام تخاف على بنتها
اكرام:مخاصهاش خاف كيف مخافتش عليا عليك
شرف(تبسم):انت خايفة مني
اكرام(حطات يديها على قلبها لي كي ضرب):لا م مخايفاش
شرف:متوترة حاسك
اكرام:لا م م متوتراش
شرف:بنتي حداك
اكرام:باش عرفتي
شرف:حيت راني قدامك دوري
دارت الشرجم و هي نشوفو واقف مشا منها لون و هو ضحك:تخافو ما تحشمو ا بنات عيشة
اكرام:شفتينا
شرف(حك شعرو):منين سمعت الصداع حيت كنجري لشرجم نشوف لقيتكم مخبين كيف القطوط و ضحكو
اكرام(عضات على لسانها كضحك):مي ضربني و متخلي لي يضربني
شرف:و انا
اكرام(ضحكات متشوف فيه):حتى انت
شرف:منخلي حك يقرب ليك
هما كي دويو و مينا حاضاهم و هازة شمس لي كتضحك معاها و تغني شافت في شرف و دفعات اكرام
مينا: واااا الاخت راه خاصنا نبداو شغل على قبل صدقة و خصنا نمشيو الحمام
اكرام:عندوش غير هنا
مينا:و طلقي راسك و قطعي يالله
اكرام(شافت في شرف):بسلامة
شرف:عندي شي شغل نقضيه حتى انا تهلاي في راسك و بلا ما نوصيك
اكرام:لا كون هاني
شرف؛تهلاي في بنتي
اكرام:بنتي حتى أنا
مينا:واااا شريفة
قطع و هو كي ضحك و اكرام تبسمات فرحانة دارت عندها و هي تطلقها:شافك شافك
اكرام:اه فين كاين المشكل
مينا:كيف كانت ردة فعلو
اكرام(ضحكات منين تفكرات):زوينة ا مينا بزااف عرفتي راجل و نص منخافش على راسي و انا معاه بصح مخاصناش نحكمو على الواحد من غير ما نعرفوه
مينا:الله يرحمك اختي
اكرام: كيفاش
مينا:راك طحتي على زنافرك
فتحات الباب و خرجات خلات اكرام كتشوف بصدمة من لي قالت ليها✳ الجزء 142 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
دوزو داك نص نهار غي في العرايض و شريان حتى من فؤاد منين قالها ليه شرف معارضش راها مراتو و معندو حق عليها داز داك النهار و جا نهار جديد غير في سير و اجي و دوز من لهنا و حتى من اكرام كانت مينا مخبية ليها مفاجأة عاد جا وقتها تديرها ليها
دار عمرات في الغدا على حساب العيالات طيابات في السطح كي طيبو و مكاين غير الكباسل معمرين على حقهم و طريقهم هابطين اما مينا و اكرام كانو الفوق مع ايناس حيت مخرجوش بقاو معاها حتى جات عندها عيشة و قالت ليها تخرج عندهم حشومة تجلس معاهم شوية راه مكاين حتى راجل غير نحيد النقاب داكشي لي كان خرجات عندهم بقفيطين جوهرة و سلمات عليهم و جلسات معاهم و هكداك مينا مسلماتش ناضت دارت ليك الشعبي و طلقاتو خلات اكرام تبيض في عينيها و جلسات ليك على شطيح فرحانة و ناضو البنات معاها و العيالات مقابليهم و يصفقو و كاين لي ناضت من بلاصتها كتدير حقها حتى حبسو
دازت ديك العيشة مخيرة مع تصيورات تخادت لاكرام مع ختها و مها فرحانين و مكاين غير تصيفيط لهبة لي ممنعاتش راسها توريهم لخوها باين عليه متوتر ولكن كاتمها فيه منخرجهاش
ليل طاح و فؤاد لابس جلابة مخزانية و كي سلم على رجال دخلو جلسو و كي رحب بيهم حتى من طلبة حضرو في الصالة شوية كي سمعو عيساوة في الباب بالامداح ديالهم شرف جاي بالهداية لمراتو و مو و ختو عند الباب هبكو سلمو عليهم و دخلو الداخل مشا شرف البيت مع الرجال و هبة و نادية و شمس طلعو الفوق مع عيالات العائلة لي جاو يفرحو باكرام كي سمعو الطلبة كي قراو خرجات اكرام سلمات عليهم و جلسات حداهم مبتاسمة و يديها مزاگينش
نادية (هبطات لودنها و دوات): خايفة
اكرام(شافت فيها):صرحة اه اخالتي
نادية: راني كيف ميمتك ا بنيتي و متخافي والو شرف راه يديرك فوق راسو
اكرام:عارفة لي كاين اخالتي
نادية:نوصيك على هذه ليتيمة حتى الا دا مول الامانة امانتو نخليها ليك في عينيك راه معندها حد باها راه مشيبني
اكرام:متخافيش ا خالتي كوني هانية
بنت خالتي اكرام كتشوف فيها و تشوف في شمس و هي تنطق:اكرام عتزوجي راجل بولادو و انت مزالة عزبة
(شافت فيها مينا لي طلعات و سمعاتها): كيف ما تزوجتي راجل ختك ا بنت خالتي
(خصرات سيفتها):اممم
اكرام:مشي عيب يكون مزوج او لا المهم راجل ولد الناس يصوني و يصون شرفي
سكتاتها هي و ختها مقدوش يدويو معاها مزال حيت نهار و مطال و هما يتهامسو مع بعضياتهم لكن مطنشينهم دوزو ساعات و طلبة خدامين حتى كملو و هبطو ليهم يغسلو يديهم و تبعوهم العشاء و كذلك العيالات و جات وقت انها تمشي دورات اكرام راسها كتشوف مرأة و معاها البنات داخلين البيتها و جات مينا عندها وقفات دوات مالها و تبعاتها البيت و هي تصدم منين دخلات
أنت تقرأ
🔥 اكرام توبتي 🔥 ( الدارجة المغربية ) تيما مبارك
Action🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
