✳ الجزء 267 ✳
♥اكــــــــــــرام تــوبــــــــــــتي♥
🔥 شرف اكرام 🔥
🌸تيما مبارك🌸
جالسة في الصالة و حاطة قدامها الحوايج كتطويهم و هبة شادة تيلي و كتلعب فيه نادية في الكوزينة كتدير شلاضة و شمس كتلعب في طونوبيلتها سمعو الباب دار تفتح عرفة شرف جا و شمس مشات كتطل و تغوت
شمس:باااابااااا
شرف(طالع كي ضحك):نعااام ا باااباا شمس:شرررررررف
شرف(لحق عندها و هي كتنقز):اااا الللمممممك كتقولي لباباك شررررف محشمتيش
شمس(كتبوسو و ضحك):باااباا
شرف:حبيييبة باااابااااا ياااناااا
اكرام:على سلامة
شرف:الله يسلمك
ضحكات و هز راسو كي بان ليه ختو جالسة كتلعب و اكرام كتطوي الحوايج خنزر فيها معاجبو حال
شرف:شنو كديري
هبة:كنلعب فري فاير خويا خاصنا ندخلو الويفي ضهري تقسم و انا شادة ريزو في سطح من عند جيران
شرف:حطي داك التيلي و نوضي عاوني اكرام
هبة:و راها كتطوي الحوايج و جالسة
شرف:حطيييي ولا صمطة لي عتدوي
هبة:واخا اوووف
حطات و ناضت هزات كتطوي بالفخة شافت في اكرام:عنطوي حوايجي و انت دبري راسك
اكرام(تبسمات):على هذه الحساب غير حطي و سيري تلعبي قادرة نطوي الدار كاملة و نطويك حتى انت الا بغيتي
هبة(خنزرات):باااز
دورات راسها و كتطوي الحوايج ديال شمس و شرف خرج من البيت مع شمس مبدل عليه حوايج الدار مشا جلس و هز تيليكوموند كي تفرج في التلفازة و في نفس الوقت شاد شمس كتفرج داير ليها ماشا و هي كتضحك و توريه اش كي دير ليها سلات هبة هزات حوايجها هبطاتهم و اكرام هزات ديال شمس دخلاتهم البلاكار حطاتهم عاد رجعات من مور ديال شرف و ديالها و هي تبدا دندن
اكرام: يا حبيبي يا مول الخالة
شرف(هز راسو كانت غير دايزة سمعها خنزر): شكون هذه مول الخالة
اكرام كانت اصلا غير جات في بالها غناتها حيت في خطوبة ختها شداتها سمعاتو دارت عندو و خصوصا هو ولا غير على نقشة مكانتش عارفة ان حبو ليها و الغيرة عليها اناني فيها نهائيا و هذه الشي بدات عجبها فيه
اكرام:امم
شرف:شكون هذه مول الخالة
اكرام(شافت الخالة لي عندو في وجهو و تبسمات):و شكون من غيرك ها انت راه عندك حدا نيفك
شرف:و الله يعميها ليك
اكرام(زادت تحت نيفها):ما نشطو ما تخلي لي ينشط
شرف:عنوض ليك
اكرام(شافت فيه):اش درت عوتاني
شرف(شاف في البيت و شاف فيها):كي بان ليا نوض ياك
اكرام(خنزرات):يوماين مدرنا والو
شرف(خرج عينيه):حاسبة بعدة
اكرام(دلات شفايفها):البنت كتسمع و خالتي في الكوزينة حشومة
شرف(غمزها):نصيفطهم العروبية على قبلك العمر غير تعاودي ليا ديك ليلة لي مبغاتش تنسا ليا
اكرام(هزات حوايجو و شافت فيه):واخا تحلم و انت فايق ضهري قسمتيه
أنت تقرأ
🔥 اكرام توبتي 🔥 ( الدارجة المغربية ) تيما مبارك
Acción🌙 رمضان كريم و كل عام و انتم بخير 🌙 #لا_يــــــــــــــــحلل_النشر #حــــــــــــصريا_عـــــلى_وردات_المــــــلوك 👑 🌼 بعد قصة شهد عمري لي نالت اعجابكم طلبت مني قصة أخرى بنفس الشكل ولكن هذه المرة بشكل جديد و احدات جديدة و افكار كيف عودتكم عليها �...
