🔥 اكرام توبتي 🔥 ( الدارجة المغربية ) تيما مبارك

الجزاء 53و54

🌙 رمضان كريم  🌙

        ✳ الجزء 53 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

صباح جديد

فاقت كتكسل لقات مها و ختها كلها فين مليوح ضحكات عليهم و مشات غسلات وجها و قادات الفطور و هي تجمع غوباشتها منين شافت الشاصية ديال الماكلة محطوطة فوق لورنية دجاجة على كملها و الحم و و الديسير و الحلوة حركات راسها و مشات فيضات الحليب و خرجات دارت نيقابها و نزلات فتحات الباب بشوية و خرجات مكتصاظف غير مع شرف حتى هو خارج على صباح قطبات حجبانها و زادت مكملة طريقها

اما شرف الحاجة الوحيدة اي كي نتابه ليها كثر هما عينيها منين كتقطبهم و منين كتخليهم على طبيعتهم حرك راسو و مشا الوجهة ديالو

وصلات عند الباتيسري خدات الگاطو و الكومير و رجعات الدار حطات الفطور فوق الطبلة و مشات جلسات حداها حتى ناضت عيشة

عيشة:الله ياربي
اكرام:صباح الخير
عيشة؛صباح النور ا بنتي اربي ربي ربي ربي كوكو ضلووعييي

ناضت تشكي و اكرام بقات كضحك؛امالكي ا عيشة
عيشة:حنابي كي ضروني ا بنتي
اكرام:اوا انت بغيتي
عيشة:اوا طلعات العروسة غزاااالة ابنتي والله تشهيتك في ديك العمارية انت و مينا والله القسم
اكرام:من لهنا التما ربي تما
عيشة:او مالها ا بنتي

جمعات الجلسة فوق السداري و كتشوف فيها:مالها اه راه معتوضفيش راه خاصك تزوجي ضروري ولابد منها
اكرام(كبات القهوة):نوضي ا مي تغسلي وجهك هو الاول و اجي نكب ليك كويس القهوة موضي

عرفاتها بدلات الهضرة ناضت مشات غسلات وجها و نشفاتو و خرجات عاد جلسات حداها و من الهضرة ما بغات تطلق ليها و الهضرة ديال اي ام مغربية منين كتبغي تزين زواج في عينين بنتها راه كتبقا تعطيها غير الاجابيات فيه

اكرام:مي ستغفري الله راه لي مقسمة في الارزاق جاية
مينا:وااا خليوني النعس
اكرام:مخداماش اليوم
مينا:لا اختي
اكرام:عرفتي شنو نوضي نوضي جلسي معانا و من مور الغدا نعسي
مينا(ناضت):ها انا جبت معنا غدانا
اكرام:شفتو
عيشة:عبرتي عليها ا بنتي
اكرام؛مالكم
مينا:نغسل وجهي و نجي نعاود ليك

مشات حتى هي قضات حاجتها و غسلات وجها وجات جلسات حداهم و كتعاود ليها كلشي بالفصيل الممل اكرام ضحكات ولكن في نفس الوقت معجبهاش الحال

اكرام:واش كابرة في الجوع هذه الشي لي عيقولو مكانش خاصك تقوليها ليها
مينا:اوا صافي بغيت نطيح بكرامتها الارض و
نوريها
اكرام:ولكن صرحة عجبتيني ممشاتش تربيتنا فيك خلى
مينا:ياك بعدة
اكرام:ضروري واش باقي هذه النوع في هذه الدنيا زعمة 
عيشة(ضحكو حتى هزات راسها و شهقات):هاااا اويلي ماااالك

دورو راسهم كانت ادم عينيه ورقة من التحت و طروش ديال شرف مزال لاطراس ديالو في حناكو🌙 رمضان كريم  🌙

        ✳ الجزء 54 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

اليوم كاين الزيارة المحامي باش يعرف بنتو مصير ديالها و حيت الدعوة كاينة من لهنا شهر خاصو يكون واقف على كلشي دخل عندو و سلم عليه بكل هبة و تقة كشرف خريج المعهد العالي للتكنولوجيا

كان لابس ليك نعام ا سي واحد السروال جينز كحل و تيشورت كحل و زاد عليها كوير من الفوق و صبادري في البيض و ساعة ديالو في شمال و شعرو كان مقادو بجيل و حتى ريحة ديالو تعطعك

هنا كنستنتجو انه يكفي تكون كتعرف تلباس كتعرف تقاد و توالم عتعرف شنو كي جي معاك كثر و يبينك جداب مشي مشكل الفلوس حيت الفلوس مشي هما كلشي كاين لي لبااااس عليه و لابس ليك حوايج مبهدلين و يقول ليك هذه هي الموضة لا اخويا مشي هذه هي الموضة هذاك راه الضحك لي دايرو في راسك

الشاب المغربي او ولد الحومة منين كي كون كي قرى راه كي عدي باش ما كان و كي مشي على حساب جيب وليديه و كاملين كنشوفو الفيديوهات ديالهم منين كي قراو و يخدمو يحطو ليكم تصاورهم قبل و بعد و هذه هي الحقيقة قبل كي كون الحالة ضعيفة و غادي على جهد الوليدين و من بعد كي تبدل و كي مشي على حساب جيبو ميغركمش الصغر حيت منين كي اسس الواحد حياتو و راسو راه كي تبوكص و هذه الشي كي تنطابق على البنات كذلك داكشي علاش ا ختي قراي و عتامدي على راسك و خدمتي كوني راسك و حياتك و مستقبالك و الف واحد يتمناك و هذه نصيحة ليك كأخت من قلبها باغيا ليك غير الخير

المحامي بقا كي شوف في الملف و يشوف في شرف و حط يديه على البيرو؛هذه الشي لي درتيه ا سي شرف راه مزيان و انت مثال الاب لي خايف على بنتو و ان شاء الله ما يكون غير الخير

شرف(زير على يديه):انا لي كي همني بنتي تعيش بيني و بنت ام ديالها مبغيت حتى حاجة اخرى

المحامي:كون هاني اول الحاجة راه درناها قدمنا طلب في المحكمة باش جا العون الحومة و شافك كيفاش داير الواجب ديالك كأب مع بنتك الله يخليها ليك و دابا عنزيدو تأكدو ملف ديالنا بالي ام الزوجة ديالك الله يرحمها راه متصلاحش تكون وصية عليها خصوصا انها حرضات على القتل ديالك

شرف:هذه الشي لي باغي نيت
المحامي:كاينة حاجة اخرى
شرف:شنو هي
المحامي:خطيبتك خاصها تكون في المحكمة و تدلي ايفادتها بلي عتقوم بالبنت و تادي القسم بلي عتكون ليها ام باش نزيدو ندعمو الملف و لا جبدت انكم تزوجو قبل المحكمة عيكون احسن ا سي شرف

شرف رجع كي شوف قدامو و هو مخنزر من لي سمع و وحلااااااا هذه وحلها خايبة حتى المعاودة ناض سلم على المحامي و خرج جلس في واحد الجردة و مسح على وجهو و هو مخنزر

شرف:بقات ليا غير الغراب نتزوج بيه تفووو و فوق هذه الشي معكاسة ندوي معاها على الاتفاق تعطيني محاظرة في الدين و الفقه و شهااااد الوحلة ا سيدي ربيييي

سكت شحال و ولا نطق بدون شعور: عيونك قتالين منعرف كيف داير وجهك

سمع تيلي كي صوني كان حمزة ناض وقف و عيمشي الحبس و هو كي دوي مع صاحبو