🔥 اكرام توبتي 🔥 ( الدارجة المغربية ) تيما مبارك

الاجزاء 171 172

✳ الجزء 171 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

في الوقية لي كانو هما كي دويو كانت الضاوية كتبركم تحت الشرجم و تخاصم من بعيد و تحلف و تسكت في سعيدة لي كتبكي في صمت قالب طلع معاهم و عرف كيفاش يلعبو عليهم حمزة هذه ما شي خطبة كيف يحساب البعض فقط كلام عيدوز بين عيشة حمزة و يتفاهمو اما مينا هذه الفضيحة لي دارت ليها مدوزش بساهل اما الخطبة لي عيديرها ليها حمزة بشانها و مرشانها نهار تركلب الخواتم اكيد

في الشرجم البنات سمعو ضاوية ب 3 و مشاو الكوزينة كي دويو و مخليين قربالة ناضية في الزنقة

ايناس:سمعتي بنت الهم
مينا:قالت ليك ناوية تشوهني
هبة:لا لا لا مينا هذو راه خاصهم شي حل
مينا:اش ندير ا هبة مشفتيش مي هازة شوكتها
ايناس(ضحكات):ولكن عندك خطبة اسطوري
مينا:مشي خطبة غير جا يدوي و سلام
هبة:المهم خطبك
مينا:مشي خطبة والله و ما جا يخطب بشأن و المرشان و راسي مرفوع في الحومة ما ندوزها ليه مشايطش عليا راسي
هبة:اوا مو
مينا:بيناتهم في الاول قلت ليه قولها ليها هو مكيسمعش انا رقية قادة ليها غير ديك بنت الهم ديال ختها كلامها واحل ليا في الحلللللق

مشاو كي طلو لقاوهم دخلو و جلسو صمت مينا مزال ما بردات ليها من جهة الرقية و ضاوية لي جالسين منكريف حمزة و ما يدير خايفة من ولدها يخليها اما متجلس و ضاوية كتسكت في بنتها و تحلف في خاطرها ما دوز و حمزة ليها عيكون شافت في مينا في ايناس

مينا:ايناس
ايناس (دارت عندها):نعام
مينا:كتعرفي شي واحد كي بيع سريسيرة
ايناس:اش ناوية ديري
مينا:عنديرها لمها حتى نخليها متنعسش بالفقصة لي جابت ليا
ايناس:اويلي واش حماقيتي
مينا:والله حتى نرد دقتي منها هي و ختها و توريها تعتني ل ق ***بة
ايناس:منقدرش نخرج دابا راه بابا عيغوت
هبة:انا نمشي نجيبها من عند قاسم المرنيسي
مينا:سيري الا سولونا نقولو ليهم مشات الدار تجيب الشارجور

هزات براسها و مشات و البنات خرجو بحال حتى حاجة مكاينة جلسة و ضاوية تخنزر في ايناس و مينا و تنغز في بنتها بالفقصة اما رقية غير ساكتة على خزيتها

يوسف:اوا اسي فؤاد فوقاش عنديري الخطبة الكبيرة
رقية:علاش مزال فيها خطبة الكبيرة
الكبيرة(طلات عليها):كون غير تسكتي خلي الرجال يدويو
فؤاد:اش بأن ليك ا شرف
شرف:من الاحسن سيمانة الجاية و نوقفو على كلشي يوجد
حمزة(هز براسو و شاف في مينا):ا شبان ليك نديرو خطبة و ضريب صداق
ضاوية :مالك على هذه الزربة ا حمزة
حمزة(شاف فيها):كيفاش
ضاوية:زعمة خاصك تعرف اصلها و فصلها مشي كيف بنتي لي خليتي الشأن و المرشان و كتعرفها من الفوق
الكبيرة:هذه الشي بعيد عليكم 
ضاوية(من تحت نيفها):ايييه انت خلي بنتي تسنا و اجي خطب