🔥 اكرام توبتي 🔥 ( الدارجة المغربية ) تيما مبارك

الاجزاء 185 186

✳ الجزء 185 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

جلس كي حك يديه كانو نيت عيفطرو سعيدة حطات لي قسم الله و منين شافتو خنزرات و مشات جلسات حدا رقية اما ضاوية راه مبقاتش حاملة شي جلسة هنا و نسيتها مصافياش

حمزة:منين انتوما مجموعين عندي ما نقول ليكم
رقية:مالك ا حمزة بنتي ليا مغير
حمزة:اه مغير و انت عارفة علاش
يوسف:برد سوق ا ولدي و بدل ساعة بخرى
حمزة:لا لي نطولوه نقسروه

(شاف في ضاوية و سعيدة):خالتي واش انا واعدت بنتك بشي حاجة
ضاوية (بقات دور بعينيها)
حمزة:دوي ا خالتي و انت ا سعيدة واش شفتيني درت بساحتك

سعيدة(هبطات راسها و هي عاضة على لسانها و دموع تجمعو ليها في عينيها)

حمزة:مالكم ساكتين واش انا لي قلت ليك عنتزوج ببتكم
ضاوية:راك قلتي عتخطب
حمزة:قلت عنخطب اااه ولكن مقلتش ببنتك خالتي انا قلبي و عقلي معلق بوحدة اخرى معدة نكون انا وياها دابا فرحانين و كنوجدو لملاك ديالنا شوفي لماصل لي وصلنا ليهم
ضاوية(ناضت جمعات الوقفة):انا عنمشي مع بنتي و مناقص من شي زواج نوضي ا سعيدة نوضي مبقا جلاس هنا

جراتها و رقية بغات تبعها هو يغوت عليها يوسف: گعدي في بلاصتك
رقية:راها ختي ا يوسف
يوسف:الا بغيتي تبعيها البلاد سيري

هما كي دويو كانت الضاوية كتجمع و هي كتسمعهم شافت في بنتها و قلبها ناوي على شر:متبكيش ا بنتي متبكيش الا مخليتو يجي يطلب يبوس اليدين و الرجلين راني ماشي الضاوية
سعيدة:رجعي داك الشال مشي ديالنا
ضاوية:زيدي و سكتي والله ما ندوزها ليهم بالله زيدي يالله

جراتها معاها و خرجو من تما في خطرة رقية شافت في ولدها و خنزرات:جريتي عليهم صافي ياك
حمزة:مزال ما ساليت
(ضرب فوق الطبلة):نهار التلات عتمشي انت و با و ختي معايا و دقايقية و العجل يحنت الرجال ميقدوش يهزوه و عتمشي معايا لدار عيشة نخطب مينا خطبة تليق بيها سمعتي

رقية:هذاك هو نهار لي نتحلمش بيه
الكبيرة(هبطات من الفوق و شافت في رقية):علاش مباغياهاش شنو دارت ليك البنت
رقية:شفارة و ختها مكتسواش
الكبيرة:باركة يا هذه المرة ما تاخدي دنوب دوك البنات بركة فمك سايب
حمزة:سمعتيني امي و انت لي عتطلبيها ليا مشي الكبيرة
رقية:'لا لا لا لا ساحرة ليك مفيهاش الشك
حمزة(وقف لي عندي قلتو (جبد الفلوس لي تيرا الصباح و حطهم فوق الطبلة ليها):يستحسن تبداي من دابا توجدي لي عندوي حيت بغيت نهز ليها راسها قدام الناس لي وصلو ليك الخبار
رقية:معنشي فين
حمزة: عتمشي معايا و انت فرحانة و ضحكة و ناشطة ام فرحانة لولدها حيت عيدي زيت البنات سمعتيني الا بغيتيني نبقا ليك في هذه الدار و منطج انت عارفاني

خلاها و خرج ركب في لوطو حيت عيقري مع  9 كان عقلو غير مع مينا عارفها مقصحة راسها اما كتموت عليه و هو متاكد انها عتفرح من هذه الخطبة لي عيدير ليها✳ الجزء 186 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

عند اكرام كانت جمعات شعرها سفنجة و هي راشقة ليها بزاف خرجات عند نادية حيت العيد الكبير قرب و خاصهم ضروري يجمعو الدار و يرتبوها كانت هبة حتى هي كاينة شافت فيها نادية

نادية:هبة جمعي الكلامط لي الفوق و طلعيهم السطح انا نطلع مع اكرام نهزو السدادر و زرابي و باش نهبطو التسييقة راه لي التحت و الفوق طلعهم معايا شرف
هبة:واخا
اكرام:خالتي خدامين غير بكوزينة وحدة
هبة:اه اه
نادية(شيرات عليها بصندالة):سيري طلعي

مشات كتجري و نادية دوات:الكوزينة السفلية راه سادينها و الفوقانية

سكتات منين تفكرات شرف كان مع لمياء ساكنين فيها مقداتش تقولها ليها باش متقلقش و من زهر كانت شمس فاقت مشات هزاتها اكرام و طلعو الفوق مگفضين على يديهم و كي هزو و شمس تابعاهم منين كتوصل الدروج تبقا تغوت عليهم

داز النهار و خواو الصالة و البيوت خاصهم غير يسيقوهم مع شرف هز ليهم السدادر السفلي دغيا دغيا داز نادية طلعات عند هبة عاوناتها في مكان الزرابي و اكرام دورات راسها الكوزينة مشات دخلات ليها كتشوف كانت مقادة و نازلة نطقات بين شفايفها

اكرام:خالتي عندها الدوق

دورات راسها بان ليها شي سوارت محطوطين تما مشات هزاتهم و الفضول قتال دخلات البيوتة متفتحهم حتى تفتحو ليها كانو خاويين و خاصهم تسييقة داكشي لي دارت جابت السطل و بلا عگز عليها صيقاتهم حتى هما بقا ليها بيت واحد مشات حلاتو و هنا كانت صدمة ليها قلبها تسارع دقاتو بالجهد و هي من شف تصويرة ديال شرف و لمياء معنقها معلقين في الحيط كانو واخدين وضع مخل كيف كنقولو ولكن كي عينيهم كي حملو معاني كثيرة عشرة عمر بحالو عينيها في البلاصة تجمعو فيهم الدموع و احساس حسات بيه هذه الخطرة فاق كل حدود دخلات ليه و كل خطوة كديرها كتحس بموس كي قطع ليها في قلبها دورات راسها كتشوف الماريو مبسم مشات حلاتو

حوايجهم مزالين معلقين تما كل حاجة مرتبة على حقها و طريقها لدرجة حسات بدفء ديالهم و حبهم لبعضهم وصل العندها و خلا عقلها يقول معمر تكون عندك بلاصة بيناتهم انت قبلتي بهذه الوضع ا اكرام تحملي مسؤوليتو و تعايشي معاه هو مضربكش على يديك

دارت تشوف السرير مشات كتشوف فيه بان ليها شي وراق محطوطين عليه هزاتهم و قراتهم عينيها خرجو و دموع تعمرو رجليها فشلو عليها و فمها تفتح حتى صدرها لدرجة مقداتش توقف مزال كانت عطيح على وقفتها مشات وقفات قدام دوك التصاور و بكل اصرار نطقات و الوراق بين يديها مكمشة عليهم و الغيرة عامية عينيها

اكرام(كتمسح عينيها):من دابا الفوق انا لي كاينة في حياة شرف انت مكايناش و معتكونيش شرف ولا راجلي و عندير المستحيل باش راجلي ينساك و يعيش حياتو مع مراتو و بنتو شرف ولا ليا و عيكون ليا و انت ا لمياء معتكونيش نهائيا