🔥 اكرام توبتي 🔥 ( الدارجة المغربية ) تيما مبارك

الاجزاء 125 126

✳ الجزء 125 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

نادية تنفسات و هي مخنزرة منين كتفكر فعايل ديك لي متسماش معجبهاش الحال شافت فيهم و بدأت تدوي ليهم عليها

نادية:اش نقول ليك ا بنتي ا اكرام في هذه الزمان حوايجك متيقيش فيهم ا بنتي لمياء الله يرحمها ما كنتش نبغيها وربي شاهد درتها بنتي و عاملتها كيفها و حتى هي كانت بنت الناس صرحة واخا وقع الغلاط

عيشة:كيفاش غلاط

نزهة(دوات حيت جارتهم عارفة كلشي حيت نادية مكتخبي عليها والو): شرف غلط مع مراتو الأولى و حملات و ناض تزوجها في سر هذه بلا علمها

نادية:المهم ما علينا منين عرفت دخلتها الداري و درتها بنتي ولكن ختها كانت نيتها مصافياش مرة نهار لي ماتت بقات كتجي عندي الداري بحجة انها باغيا تبقا مع بنت ختها هي كان عينيها في ولدي

مينا:رخيصة
اكرام: مينااااا
منيا:ها انا سكت

نادية:اوا هي هديك نهار لي فقت في الصباح كنشوفها داخلة عندو البيت كتسلت شديتها خرجتها من داري و من تما ما عودات عتباتها متشوفيهاش محروقة ابنتي يحساب ليك على ختها الله يهديك ا اكرام راه لي دايرين بيك مشي كلشي باغي ليك الخير

عيشة:عندك الحق اختي نادية
(شافت في اكرام):توگضي و نفضي جنابك مشي ريح لي جا يديك ا بنتي ها مينا شوفيها حداك فايقة و عايقة متخليش دقتها واخا نمشي من هذه الدنيا منخافش عليها قدك

اكرام:الله ينجيك امي
عيشة:الموت علينا حق ا بنتي انت في و عيقي و طوني لالة مولاتي و قومي بدارك و راجلك متخليش خانزات يجيو يدويو عليك راه بنادم خاصو غير مسكة فاش ينضغ كيف البهايم و هكا كي ياكلو لحم خوتهم خضر

نزهة:مك عندها الحق ا بنتي هذه الوقت خاصك تكوني حارة ديال الزمان شفتي اش دارت ليك سيمانة لي فاتت و كون ما شرف كون عينك مشات ابنتي غير ربي سترك حفظك برحمتو

نادية:ولدي ميخلي حتى حاجة تأديك عيديرك في عينيه كوني هانية من هذه الناحية
عيشة:كولشي واضح و باين ا نادية منكدبش عليك نهار الاول مكنتش كنشوفو قد المسؤولية ولكن لي دار عليها لا في الأولى ولا في المرضى ديالها كبر ليا في عيني والله العظيم

نادية:الله يجيبنا في صواب بقات ليا غير هذه البزغولة نديها الطبيب و نشوف مال هضرة مبغاتش تخرج ليها 3 سنين مسيكينة و هي على هذه الحال الهضرة حتى كتعدب عاد تخرجها

اكرام:ان شاء الله اخالتي خاص تحاكك مع دراري الصغار

مينا:انتوما مكتخليوهاش تخرج من العشية العشية خرجوها تلعب و تغوت و تجري و تشوفي الهضورات
نزهة:ولا خليتها لمينا تخليها تهضر بلهلا يطريه ليها

كلشي ضحك على مينا حيت فيها الهضرة بزاااف و حتى هي كضحك جلسات معاهم شحال و ناضت هي و هبة اما شمس لصقات في اكرام و خلاوها معاها نيت تولف عليها شي شوية✳ الجزء 126 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

الايام دازت عادية و كلشي هو هداك شرف كل مرة يدوي مع اكرام و كي حاول ما أمكن يكسر داك الحاجز لي بيناتهم و حتى هي فين ما تكون عتحل المحل ديالها كتدوي معاه و تخبرو مع انه جاتو فشكل يعني الا بغات تخرج تمشي فين بغات ولكن اليوم بغا يعرف علاش بالضبط كتاصل بيه هو عاطيها الحرية و نيت يدوي معاها في موضوع التاني ليهم

خرج من القهوة و راسو كي ضرو مشا نيشان المحل دخل ليه و كي شوف هي كانت خاشية راسها وسط الوراق كتجمع الحساب

شرف:احم احم
اكرام(مع عتهز راسها ضرباتو مع الطابلة حتى تقصحات):امييي راسييي
شرف(مشا دار عندها):غير بشوية عليك نضتي بالزربة
اكرام:ااه بصح
شرف:شوية دابا
اكرام(بمرح):جاية فيا الضربة كل مرة
شرف: عودي تردي بالك
اكرام:شنو باغي شي حاجة
شرف:اه لجوج حوايج
اكرام:شنو
شرف:علاش كل مرة كتبغي تخرجي من الدار ضروري تقوليها ليا انا عاطيك حرية ديري اي حاجة
اكرام:مشي مسألة الحرية ا شرف راه واجب  عليا نقول ليك فين غادا و فين جاية
شرف:ولكن انا *
اكرام:كلامك هو الكبير ولكن المرأة لازم عليها تقول لراجلها فين غادا و راها عتخرج حيت الملائكة كتبقا تلعنها حتى ترجع الدارها
ا شرف

شرف(كي سمع ليها يحك لحيتو)

اكرام(كملات) :عن إبن عمر أنه قال : أَتَتِ امْرَأَةٌ نَبِيَّ اللهِ صلى الله عليه وسلم, فَقَالَتْ : يَا رَسُولَ اللهِ مَا حَقُّ الزَّوْجِ عَلَى زوجته ؟ قَالَ : لاَ تَمْنَعُهُ نَفْسَهَا وَلَوْ كَانَتْ عَلَى ظَهْرِ قَتَبٍ، قَالَتْ : يَا رَسُولَ اللهِ ، مَا حَقُّ الزَّوْجِ عَلَى زَوْجَتِهِ ؟ قَالَ : لاَ تَصَدَّقُ بِشَيْءٍ مِنْ بَيْتِهِ إلاَّ بِإِذْنِهِ ، فَإِنْ فَعَلَتْ كَانَ لَهُ الأَجْرُ ، وَعَلَيْهَا الْوِزْرُ قَالَتْ : يَا نَبِي الله مَا حَقُّ الزَّوْجِ عَلَى امرأته ؟ قَالَ : لاَ تَخْرُجَ مِنْ بَيْتِهِ إِلا بِإِذْنِهِ ، فَإِنْ فَعَلَتْ : لَعَنَتْهَا مَلاَئِكَةُ اللهِ وَمَلاَئِكَةُ الرَّحْمَةِ وَمَلاَئِكَةُ الْغَضَبِ حَتَّى تَتُوبَ ، أَوْ تراجع .قَالَتْ : يَا نَبِيَّ اللهِ : فَإِنْ كَانَ لَهَا ظَالِمًا ؟ قَالَ : وَإِنْ كَانَ لَهَا ظَالِمًا قَالَتْ : وَالَّذِي بَعَثَك بِالْحَقِّ لاَ يَمْلِكُ عَلَيَّ أَمْرِي أَحَدٌ بَعْدَ هَذَا أَبَدًا مَا بَقِيتُ

شرف:حتى الراجل الا كان ضالم مراتو
اكرام(هزات براسها)
شرف(تكا على الكرسي كي فكر و تبسم):اصلا مخاسرين والو صوني ممنعك حد
اكرام(تبسمات):شنو الحاجة التانية
شرف(تنهد):الموضوع متعلق ببنتي
اكرام:شمس بنتي حتى أنا
شرف:عارف و راها مبقاتش كتبغي تفارق معاك النهار و مطال تغوت على نادية تجيبها عندك بغيت ماما بغيت ماما
اكرام(صغرات عيونها و دوات بصوت حنين بزاق):الحبييييبة دقلبي
شرف(تبسم):المهم غادا كاين محكمة باش ناخد وصاية بنتي و جداتها ميكون عليها يد
اكرام: الله يسمعك خبار الخير
شرف:امين 

(هز راسو فيها):اكرام خاصني شهادتك ضروري في المحكمة