🔥 اكرام توبتي 🔥 ( الدارجة المغربية ) تيما مبارك

الاجزاء 153 154

✳ الجزء 153 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

صباح جديد مع الفجر كي حل عينيه على صوت القران كي تقرى في الدار غمض عينيه و ولا فتحهم كي تنغم بصوت كيف بغا دور راسو ملقاهاش و ناض من بلاصتو لبس تيشورت عليه و كي شوف في الفراش عض شفايفو من لي كي شوفو شرفها عليه هو لي فتض بكرة مراتو ضحك من قلبو و خرج ناشط مشا البيت التاني كي دخل كي شوفها مقابلة مع القبلة و كتقرى القران بصوتها الجميل جلس على جنب السداري و كي شوف فيها و هي مخشعة

الانسان منين كي كون كي صلي أو كي قرى القران ولو يكون طراكس دايز من حداه والله ما يتسوق ليه حيت كي كون بين يدي الرحمان كنحس بواحد الراحة و طمأنينة و هذه الشي لي واقع لاكرام واخا شرف جا جلس حداها محساتش بيه

اما هو كان حاظيها و هي كتقرى و متبسم ناض من حداها و مبغاش يقاطعها دخل البيت هز الفراش جمعو و دارو في الماريو و مشا تجبد من جديد عليه كي شوف في السقف حتى كي سمع الباب تفتح هز راسو فيها هي شافتو تبلوكات

اكرام:فيقتك
شرف(دار يديه تحت دقنو):مديريش في بالك
اكرام:واخا
شرف:كل نهار تنوضي في هذه الوقت
اكرام:اه كنصلي الفجر و نقرى القرأن
شرف؛الله يتقبل
اكرام:امين

سكت كي شوف فيها دارت لجهة التانية و مشيتها ممقاداش باين صابرة لنغزات لي كتحس بيهم تخشات في بلاصتها حداه و غمضات عويناتها ستسلمات لنعاس حيت فعلا كانت عيانة اما هو كان كي نتاضر منها تقول ليه خاصك حتى انت تبدا تصلي و تقول ليه لازم تنوض تبدا مسيرتك مع الله ولكن مسمعهاش من فمها نهائيا مسمعش منها داكشي لي كان منتاضر انها تقولو ليه و هذه الشي صدمو صدمة متوقعهاش منها

و هي عارفة و هو عارف انه ليلة الأولى بين الازواج لازم عليهم يصليو بجوج ولكن مطلباتهاش منو

هبط راسو كي شوف فيها و يتاملها كانت غارقة في نعاسها و هذه تساؤلات في راسو حد علكة ان الزوجة لي كتطلب من راجلها يصلي و يتبع طريق الله ولكن علاش مقالتهاش و لا فوق هذه الشي تبسمات ليه منين دخلات كأن حتى حاجة ما واقعة

هز يديه كي دوزها على خدودها و سرح عينيه لعنقها لي كان مطبع تبسم باس راسها و خشاها في حضنو مستمتع و هو حاطط راسها على صدرو اصلا معارفش راسو شنو كي دير غير مجرد ما انها تحركات كان جارها لصدرو و منعسها و قارق عليها كيف ما كنقولو تابع غير احساسو تابع غير عقلبو الباطني و اشنو كي قول ليه مخاصو مستسلم ليه و لي قالها ليه هو لي كي ديرها ام حاجة عندو هي اكرام تكون بين دراعو و كون هو راجل عليها يحس بيها انها محتاجاه في كل خطرة و تلقاه في جنبها هذه الشي لي باغي هو

كي هبط عينيه مرة مرة ليها منين متخرج تنهيدة و كي تبسم و خصوصا منين كي تفكر لحظاتهم بجوج و لقطات ليهم بجوج كي حس باحساس زوين بزاف كأنه كان طاير في سماء باس راسها و نطق من اعماق عقلبو بدون شعور