🔥 اكرام توبتي 🔥 ( الدارجة المغربية ) تيما مبارك

الجزاء 205 و 206

✳ الجزء 205 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

كان واقف كي سول على الماكينات و يعاود من محال المحال و الفلوس دايرهم في ساك ديالو و معلقو في كتفو و راد البال مع شفارة دخل الحوانت لي تما كي شوف الماركة لي باغي و يسول عليها حتى لقاها عيط لواحد من الحداكة مشا غوت لمعلم جا كي سولو على تمان لقاها 33 الف درهم يعني زادة 3 الاف درهم ها الهضرة لي قالت ليه اكرام وقف عليها

في حالة الواحد كان يجمع الفلوس على قبل شي حاجة نهار لي كيبغي يشريها كي لقا راسو. عندو باش و ديك الزيادة كي عرف منين ياخدها و هكدا مكيزيرش على راسو هنا كنرجعو حتى المرة لي كتوجه راجلها لبعض هذه الامور من ناحية فيقاتو و بقا درهم في النهار على الواحد كنمشيو ليه غير درهم في النهار كل ليلة قبل ما ينعس يمشي يرميها و يتهنى درهم على درهم كي دير مليون تشطر هو و ياه و خلاها ليه ب جوج المليون و 9 الف درهم و غوت الدراري جاو خداوها هنا شاك ليه الف درهم هذيك عيزيد عليها الفليسات لي محوش و يشري جوج حوالة واحد المو و واحد هو و اكرام و بنتو

راجع و كي فكر هنا لا مفكرش في لمياء و دار مقارنة بالعكس تماما تفكيرو غير في اكرام و يكفاش عندها الحق و كتفكر ليه من لهنا 7 سنين الا طول الله العمر

هنا يمكن نقول ليكم ان لمياء مكانتش كتفكر في هذه الشي و مكانتش كتخمم من هذه الناحية صافي بان ليها شرف يشري ليها لي بغات و ياخد لي بغات داك الشي لي كانت عايشة فيه مها هو لي عاشت فيه الماكلة على حقها و طريقها يمكن قبل الزواج كان مبرعها ولكن من بعد الزواج و خصوصا في الشتاء القهوة كتولي دخل غير القليل واحد طالب معاشو كيف شرف عيسير على جهدو و هما كنرجعو درهم ما دا ما جاب واخا في الأزمة

اما اكرام راه العكس العكس العكس ديال لمياء المرة ديال الزمان مرة عارفة اشنو تابعهم و هذه الشي باين من حكمتها و دهائها و فطنتها و حتى منين قال ليها انم عيتزيرو خلاها حتى هي تخمم و تفكر ليه و لجيبو و مصروفو عارفة نفسو حارة و عارفاه معيرضاش مراتو تصرف ولكن الا شرات فروج و دارتو في التلاجة مرة مرة طيبو مع الخدمة او تجيب اللهم و تقسمو و ديرو في التلاجة الحوت كذلك تشريه و دير منو اليوم و تخلي منو الغدا و باقي السيمانة دير مرة البيسارة مرة العدس مرة لوبيا و شلاضة طبعا و زيد عليها حتى مرة تسلق البطاطا ديرها شلاضة مرة لا العشاء الا دارت غير الحريرة راهم ياكلو فيها يوماين مع الخبز دير البلبولة

هذا كان تفكيرها و شنو كي دور في راسها حيت المرة هي تمشي على قد جيب راجلها و تعرف كيفاش تسير دارها كيما دابا منين قال ليها عنتزيرو راه اصلا بداه زيار منين قالها ليها داكشي علاش رابعة العدس قاداهم كاملين يتغداو بيها