🔥 اكرام توبتي 🔥 ( الدارجة المغربية ) تيما مبارك

الاجزاء 221 222

✳ الجزء 221 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

هزات عويناتها فيه و تبسمات هو مشا عندها حط يديه على راسها و باسو ليها و طول شافت فيه مفاهمة والو ولكن حسات انه كاينة شي حاجة

اكرام:ياك لاباس
شرف:باش كتحسي دابا
اكرام:دابا شوية قبيلة كان الحريق في المعدة بزاف
شرف:الحمد لله ها طبيبة عتجي دابا و تقول ليك شي حاجة
اكرام:شرف

شرف(شد وجها بين يديه و شاف ليها في عينيها و هو حاس براسو منكاسر):شنو ما وقع و شنو ما عيوقع معمري ا اكرام معمري نتخلى عليك
(دوز يديه على شعرها):اكرام انت وليتي جزء من حياتي مكنتصورش حياتي من بعدك كيفاش عتكون

اكرام:خلعتيني واش شي حاجة
شرف(عنقها و زير عليها و هي دورات يديها عليه):شششش شدي راحتك

سمعو الباب تفتح بعد و عينيه حومر الطبيبة دخلت عندها و شافت فيها و شافت في شرف لي شد يديها و مابغاش يطلق منها تنهدات و قالت ليها المرض ديالها اكرام شهقات شهقة حتى قالو الموت هذه المرض مشي ساهل و هي عارفة غير الطبيبة كتعطيك امل انك عتعيش حيت هذه المرض خصوصا لي كي ديرو العملية من موراه بشهراين مكيعيشوش و كيف قالت الطبيبة الاعمار بيدي الله و هو متحكم فيه منقدروش نعرفو في هذه الشي كامل مبقاش فيها روحها ارا غير تلاقا بسيدي ربي و هو راضي عليها بقا فيها شرف و وعدها لي عطاتو انها عتبقا معاه امالها انها عتولد معاه و تربي شمس و تكبر مع وليداتها املها كانت باغيا تشوفها متفوقة في قرايتها كانت باغيا توقف معاها و تعاونها تلبس كسوة التخرج باغيا تشوفها في احسن المراتب لي مقدراتش هي توصل ليهم و اخيرا تكون عروسة و تصيفطها لدار رجلها و تشوف وليداتها قبل ما تموت

عينيها تجمعو فيهم الدموع و الصمت سيد الموقف الحياة غدارة و منافقة غدراتها و عطاتها الضهر غمضات عينيها و ولات فتحاتهم اما شرف شاد ليها يديها و هو مهبط راسو اما اكرام هزات راسها فيهم الطبيبة و هو كي تسناو ردة فعلها واش عتبكي عتغوت عتندب خصوصا شرف مقادرش يخليها بوحدها او يسمح في يديها او يطلق مهم لكن ردها كان صدمة ليه و لطبيبة

اكرام: قدر الله وما شاء فعل اللهم اجرني في مصيبة و خلفلي خيرا منها✳ الجزء 222 ✳

   ♥اكــــــــــــرام تــوبــــــــــــتي♥

         🔥 شرف اكرام 🔥

🌸تيما مبارك🌸

هز راسو فيها و هو كي شوف تنهد تنهيدة القلب و شاف في الطبيبة لي كتشرح ليها اش خاصها دير و شنو عدير حتى كملات عطاتهم لوردونونص و شافت فيها اكرام

اكرام:المريض كي كون عندو الحق انه يخلي مرضو على الناس
طبيبة:معلوم
اكرام:مبغيت حتى واحد يعرف
طبيبة:كوني هانية بالشفاء ان شاء الله

هزات براسها و خرجات هي حطات راسها على صدر شرف لي جلس حداها و كي شوف فيها كتوشف قدامها مزالة صغيرة 26 عام متستاهلش مزال مشافت في الدنيا والو. غمضات عينيها و ولات فتحاتهم و تبسمات

اكرام:دنيا صغيرة بزاف ا شرف
شرف(هز براسو):اممم
اكرام:الواحد يدير بالو مع الله حيت حنا رجل في الدنيا و رجل في الأخيرة
شرف:اممم
اكرام(تبسمات):الحمد لله على كل حال ربي بغا يشوفني هكدا
شرف(حط يديه على وجها و غصة في حلقو): عنواجهو هذه المرض ياك مراتي قوية اكرام قوية
اكرام:حتى واحد ما قوي قدام قدرة الله
(هزات راسها فيه):كنت مأملة من هذه الدوخة لي كتجيني و الرد انني نكون حاملة بوليد من صلبك ولكن الا كان ربي ممكتبليش نولد و نمشي راه مكتابة

شرف(خنزر):ششششش عتشافاي و عنولدو وليدات و عنربيوهم بجوج و نوقفو معاهم و نحقو ليهم لي مقدرناش حنا نححقوه و هذه الشي كامل غنديروه بجوج سمعتي ربي كي ختابر صبرنا عنكونو قد هذه الاختبار
اكرام:بغيتك تعطيني وعد
شرف(خنزر):ها انت عتبداي عوتاني
اكرام(شدات ليه في يديه و شاف فيها): لا الا مواعدتينيش و موفيتيش بيه ا شرف معمري ما نسمح ليك
شرف:شنو
اكرام:انا عارفة انه لي كي مرض بهذه المرض مكيعيش
شرف:شنو قلنا
اكرام:لا ا شرف عتسمعني
شرف:شنو
اكرام:تواعدني تبعد من طريق الحرام عتبعد من اي حاجة لي درك عتصون شمس و تحميها و توصلها حتى لدار رجلها هي مليها دنب في هذه الشي كامل ملاك معارف والو هذه امنيتي الوحيدة

شرف(حرك راسو بلا):لا منقدرش ا اكرام
اكرام:تقدر
شرف:منقدرش بلا ليك
اكرام(سالو دموعها):عافاك ا شرف
شرف(باس راسها و نوضها بشوية عليها): عتحيدي هذه الهضرة من بالك ا اكرام دابا عنمشيو الدار و تشدي راحتك
اكرام:شرف
شرف( هز نقابها):مبغيت نسمع والو و الا عنغضب عليك

اكرام شافت فيه و ولات حنات راسها خرج هو و ياها من المشفى شد طاكسي في طريق داز على الفورمسيان شرا ليها الدواء واخا كان غالي الا انه لازم عليه يشريه حياتها عندو اهم من الفلوس رجع ركب و مشا الحومة نزلها و شاف فيها و تبسم

شرف:كلشي عيكون هو هداك سمعتي
اكرام:اه
شرف:يالله بشوية عليك

فتح الباب و زادت دخلها السفلي ترتاح من صداع خصوصا منين سمع صوت الناس كاينين الفوق اكيد الجيران جاو يعرفو مالها و يديو خبارها دخلها البيتو لي كان ينعس فيه هذا و اكرام كدور راسها